Kolkaść hrašovych pieravodaŭ ad biełarusaŭ u pieravodzie na kolkaść nasielnictva paraŭnałasia z ukrainskim pakaźnikam.
Abjom asabistych hrašovych pieravodaŭ z Rasii ŭ Biełaruś u 2012 hodzie skłaŭ 843 młn dalaraŭ ZŠA, pavialičyŭšysia na 51,6% u paraŭnańni z 2011 hodam (556 młn. dalaraŭ). Pra heta śviedčać źviestki Centrabanka RF.
Tak, u I kvartale 2012 hoda ŭ Biełaruś było pieraviedziena 152 młn dalaraŭ, u II kvartale — 195 młn, u III kvartale — 239 młn, u IV kvartale — 258 młn.
Lidaram pa abjomie pieraviedzienych z RF srodkaŭ u 2012 hodzie staŭ Uźbiekistan — 6,241 młrd dalaraŭ (na 30,1% bolš, čym u 2011 hodzie), dalej iduć Ukraina — 3,397 młrd (na 11,5% bolš), Tadžykistan — 3,125 młrd dalaraŭ (na 15,5% bolš).
Usiaho abjom asabistych pieravodaŭ z Rasii ŭ krainy SND u 2012 hodzie dasiahnuŭ 20,110 młrd dalaraŭ ZŠA, što na 21,7% bolš za pakazčyk minułaha hoda.
Heta hrošy, jakija pieravodziać siemjam na radzimu hastarbajtary. Zhodna z traktoŭkaj CB RF, «asabistyja pieravody ŭjaŭlajuć saboj dachod chatnich haspadarak, jaki pastupaje z-za miažy ad ich členaŭ i ad damašnich haspadarak-nierezidentaŭ i źviazany, jak praviła, z časovaj ci pastajannaj mihracyjaj nasielnictva. Pieravody mohuć ažyćciaŭlacca jak pa aficyjnych kanałach — praz banki, paštovyja adździaleńni, sistemy hrašovych pieravodaŭ, hetak i šlacham pieradačy najaŭnych hrošaj i materyjalnych kaštoŭnaściaŭ ad člena damašniaj haspadarki svajoj damašniaj haspadarcy ci ad adnoj chatniaj haspadarki inšaj».
Źviartaje ŭvahu, što kolkaść hrašovych pieravodaŭ ad biełarusaŭ u pieravodzie na kolkaść nasielnictva paraŭnałasia z ukrainskim pakaźnikam.
Televizijščyki pakazali žachlivuju jaŭku na ŭčastku, dzie hałasavaŭ Łukašenka19
Kamientary