Tunis atrymaje 29 młn dalaraŭ sa srodkaŭ, vykradzienych byłym prezidentam Zin Abedzina Ben Ali.
Hetyja hrošy byli atrymanyja z dapamohaj AAN. Hrupa ekśpiertaŭ, stvoranaja ŭ ramkach hetaj arhanizacyi, zajmałasia pošukam vykradzienych srodkaŭ.
Były dyktatar Zin Abedzin Ben Ali źbieh z Tunisa ŭ studzieni 2011 hoda paśla paŭstańnia, jakoje pierapyniła jahonaje kiravańnie ciaham 23 hadoŭ.
Ček na sumu ŭ 29 młn dalaraŭ byŭ uručany prezidentu Mansefu Marzuki pradstaŭnikom AAN Ali bin Fietais Mary. Hetyja hrošy zachoŭvalisia na rachunku ŭ adnym ź livanskich bankaŭ, uładalnikam jakoha źjaŭlajecca žonka Ben Ali Łajła Trabełsi. Jana źbiehła razam z mužam u Saŭdaŭskuju Araviju paśla taho jak u Tunisie pačalisia narodnyja chvalavańni.
U składanaj ekanamičnaj situacyi novamu ŭradu Tunisa, uznačalenamu isłamistami, davodzicca ličycca z patrabavańniami nasielnictva viarnuć srodki, vyviezienyja byłym prezidentam i jahonymi svajakami.
Uradu daviałosia źviarnucca da MVF z prośbaj vydać kredyt u 1,8 młrd dalaraŭ.
Adnak isnuje mnostva pieraškod palityčnaha i jurydyčnaha charaktaru, jakija zaminajuć uładam Tunisa atrymać dostup da rachunkaŭ, na jakich schavanyja srodki.
Chto pavinien być prezidentam Biełarusi ŭ pierachodny pieryjad? Razvažajuć viadomyja biełarusy26
Kamientary