Pamiž Minskam i Vilniaj budzie chadzić dvuchpaviarchovy ciahnik + fota
Pra heta paviedamili na pracoŭnaj sustrečy rabotnikaŭ turyzmu Litvy, jakaja adbyłasia ŭ litoŭskim pasolstvie ŭ Minsku.
U pradstaŭničuju delehacyju Litvy siarod inšych uvajšli daradca ministra ekanomiki Vilija Viertielenie i dyrektar Dziaržaŭnaha departamienta pa turyźmie pry Minekanomiki Litvy Rajmonda Balnienie.
Ustupnaje słova ŭziaŭ novy ambasadar Litvy ŭ Biełarusi Evałdas Ihnatavičus:«Litva i Biełaruś - krainy blizkija hieahrafična i histaryčna. Ale my drenna viedajem adzin adnaho. U Litvie nie znajści knih pra Biełaruś, u Biełarusi - pra Litvu. My śpiašajemsia adkryć dalokija krainy, ale nie viedajem svaich susiedziaŭ.
Ale niahledziačy na ŭsio, biełarusy masava jeduć u Litvu. U 2012 hodzie turysty ź Biełarusi stali liderami pa ŭjaznym turyźmie ŭ Litvie. Kožny piaty zamiežny turyst u našaj krainie - biełarus. Na druhim miescy - rasiejcy, zatym iduć palaki i niemcy.
Kožny hod kolkaść vydavanych viz raście na 40%. My ŭžo ź ciažkaściu dajom rady hetaj zadačy.My budziem staracca, kab vizavyja pracedury byli sproščany.
Letaś ja prajechaŭ ź siamjoj 4000 km pa Polščy, Ukrainie i Biełarusi, adkryvajučy spadčynu VKŁ. U vašaj krainie šmat miescaŭ, jakija mahli b stać cikavyja litoŭcam. Ale vaš turystyčny patencyjał horš raskryty, jaho treba ŭmieć padnieści».
Rajmonda Balnienie padzialiłasia statystykaj: «U 2012 hodzie 380 tysiač biełaruskich turystaŭ naviedała Litvu. Turyst - heta toj, chto minimum adnu noč pravodzić u krainie prybyćcia. Było b vielmi dobra ŭ hetym hodzie davieści ličbu da 400 tysiač.
B2iełaruski turyst vydatkoŭvaje ŭ siarednim 450 dalaraŭ za pajezdku, spyniajecca na dźvie-try nočy. Asnoŭnaja meta pajezdki - naviedać svajakoŭ ci siabroŭ (41%), dalej - biźnies (24%) i šopinh (20%). Bolšaść biełaruskich turystaŭ ŭjazdžajuć u Litvu na aŭtamabili (75%), dalej - aŭtobus (15%), ciahnik (8%).
U čyhunačnych pieravozak jość patencyjał. My zakupili 2-paviarchovyja ciahniki, jakija ź leta złučać Vilniu j Minsk. Kolkaść rejsaŭ rezka pavialičycca.
«Nas raduje, što ŭ adroźnieńnie ad bolšaści jeŭrapiejskich dziaržaŭ Litva nie adčuvaje prablem ź siezonnaściu ŭ turyźmie. Turysty naviedvajuć nas ceły hod praktyčna raŭnapraŭna va ŭsie miesiacy. Trochi bolš turystaŭ na zimovyja śviaty i letam», - skazała Rajmonda Balnienie.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni16
Kamientary