Kyrhyzski pravaabaronca Onduruš Taktanasyraŭ paabiacaŭ ablić bienzinam budynak pasolstva Biełarusi ŭ Biškieku i padpalić jaho. Heta jon zrobić u tym vypadku, kali aficyjny Minsk nie ekstradziruje ŭ Kyrhyzstan zrynutaha prezidenta Kurmanbieka Bakijeva.

Takuju zajavu Taktanasyraŭ zrabiŭ 4 krasavika na mitynhu kala biełaruskaha pasolstva.

Pavodle pravaabaroncy, Biškiek nie raz źviartaŭsia da biełaruskich uładaŭ z zapytam ab vydačy Bakijeva, adnak atrymlivaŭ admovu. Vinavaty ŭ hetym, zajaviŭ Taktanasyraŭ, asabista Alaksandr Łukašenka, jaki «praciahvaje chavać niebiaśpiečnaha złačyncu».

«Kali našy patrabavańni nie buduć vykananyja, my vymušany budziem pajści na radykalnyja miery — ablić bienzinam pasolstva Biełarusi i padpalić budynak. Potym ja zakidaju pasolstva tuchłymi jajkami. Da ludziej, jakija chavajuć zabojcaŭ, inšych adnosinaŭ być nie moža», — skazaŭ jon.

U jakaści dokazu surjoznaści svaich namieraŭ pravaabaronca spaliŭ partrety Kurmanbieka Bakijeva i Alaksandra Łukašenki pierad paradnym uvachodam u budynak pasolstva Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?