Takoje mierkavańnie vykazaŭ 3 krasavika hienieralny prakuror Biełarusi Alaksandr Kaniuk na sustrečy z pracoŭnym kalektyvam AAT «Krasnasielskbudmateryjały».
Pavodle słoŭ hienprakurora, situacyja ź niećviarozymi kiroŭcami i ich achviarami nahadvaje vajnu. Štodzionnyja zvodki prymušajuć pierakonvacca ŭ tym, što rašeńnie ab kanfiskacyi aŭtamabilaŭ u pjanych vadzicielaŭ u ramkach kryminalnaj adkaznaści (adpaviedny zakonaprajekt padrychtavała Hienieralnaja prakuratura sumiesna ź Ministerstvam justycyi) nieabchodna prymać jak maha chutčej.Pry hetym prapanujecca pazbaŭlać aŭtamabila jak kiroŭcaŭ, jakija parušyli zakon, tak i asob, jakija pieradali im svaju mašynu. Dla taho kab hramadzianie nieśli adkaznaść za toje, što pieradajuć transpartny srodak inšaj asobie, daviadziecca viartacca da sistemy davieranaści, skazaŭ Alaksandr Kaniuk.
Zakonaprajekt taksama prapanuje ŭzmacnieńnie kryminalnaj adkaznaści (pavieličeńnie terminaŭ źniavoleńnia) u vypadkach, kali pa vinie pjanaha kiroŭcaŭ zahinuli ludzi.
Jak adznačyŭ hienprakuror, składanaja pracedura padrychtoŭki zakonaprajekta zavieršana, jon znachodzicca na razhladzie ŭ adpaviednych instancyjach.
Kamientary