U Minsku 23-hadovy stažor STA zamiest taho, kab ramantavać aŭtamabil, pradaŭ jaho. U dačynieńni da maładoha čałavieka ŭzbudžanaja kryminalnaja sprava.

Jak paviedamili ŭ HUUS Minharvykankama,

pakul kiraŭnictva stancyjaj nie było, stažor sam pryniaŭ na ramont «Tajotu Avałon» 2005 hoda vypusku, pradstaviŭšysia majstram-pryjomščykam.
Ahledzieŭšy mašynu, jon vynies vierdykt: ramont budzie darahi i moža zaciahnucca na dva tydni.

Jak paźniej vyśvietliłasia, małady čałaviek i nie źbiraŭsia zajmacca ramontam. Zamiest hetaha

jon patelefanavaŭ svajmu znajomamu i prapanavaŭ nabyć niaspraŭnuju mašynu za 5,5 tys. dalaraŭ. Chłopiec patłumačyŭ, što aŭtamabil daŭ jamu na prodaž siabar, jaki źjechaŭ adpačyvać, pryjedzie praz dva tydni, tady i aformić usie nieabchodnyja dakumienty.
Ułaśnik inšamarki nieadnarazova telefanavaŭ «majstru», cikaviŭsia chodam ramontu. Małady čałaviek adkazvaŭ, što ŭsio idzie dobra,
pry hetym pa roznych pryčynach prapanoŭvaŭ adkłaści vizit. Adnak ułaśnik «Tajoty» ŭsio ž źjaviŭsia na stancyi, dzie sa ździŭleńniem daviedaŭsia, što jaho aŭtamabil da ramontu navat nie afarmlaŭsia.
Atrymanyja hrošy złamyśnik vydatkavaŭ na zabaŭki. Zrazumieŭšy, što jaho afiora ŭ bližejšy čas raskryjecca, pryjšoŭ kajacca ŭ Pieršamajskaje RUUS.

Supracoŭniki adździeła kryminalnaha vyšuku rajupraŭleńnia adšukali aŭtamabil.

Praviarajecca dačynieńnie padazravanaha da inšych złačynstvaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?