Bajcy staličnaha AMAPa na miescy złačynstva zatrymali hrabiežnika, jaki skraŭ skrypku ŭ vuličnaha muzykanta.

Vypadak zdaryŭsia viečaram 9 sakavika. Narad AMAP znachodziŭsia na maršrucie patrulavańnia i źviarnuŭ uvahu na junuju skrypačku, jakaja hrała ŭ padziemnym pierachodzie stancyi mietro «Płošča Jakuba Kołasa». Milicyjaniery zrabili joj zaŭvahu i pajšli dalej.

Ale jak tolki zbočyli za kut, razdaŭsia hučny dziavočy kryk.
Praź imhnieńnie amapaŭcy ŭbačyli maładoha mužčynu, jaki bieh na ich z futlaram i skrypkaj u rukach.
Zaŭvažyŭšy ludziej u formie, jon kinuŭsia ŭ inšy bok. Jaho dahnali i zatrymali.

Vyśvietliłasia, što hrabiežnik vychapiŭ u dziaŭčyny skrypku i futlar, kali taja ŭžo źbirałasia sychodzić. Sam zatrymany znachodziŭsia ŭ mocnaj stadyi ałkaholnaha apjanieńnia i navat pasprabavaŭ rastłumačyć, što jon hulaje pa Kijevie.

Dla dalejšaha razboru amapaŭcy dastavili zatrymanaha ŭ Savieckaje RUUS.
Tam była ŭstanoŭlena asoba 29-hadovaha ŭžo raniej sudzimaha niepracujučaha žychara Minskaha rajona. Darečy, aprača skrypki ŭ futlary znachodzilisia hrošy 16-hadovaj paciarpiełaj — 93.950 rubloŭ.

U dačynieńni da padazravanaha raspačata kryminalnaja sprava. Jaho źmiaścili ŭ izalatar časovaha ŭtrymańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?