Viartacca da šaścidzionnaha navučalnaha tydnia ŭ Biełarusi nie płanujecca. Ab hetym paviedamiŭ 23 studzienia ŭ čas online kanfierencyi na sajcie BiełTA ministr adukacyi Siarhiej Maskievič.

Siońnia ŭ śfiery adukacyi abmiarkoŭvajecca viartańnie da šaścidzionnaha navučalnaha tydnia. «Ad samich piedahohaŭ pastupali prapanovy ab tym, kab zrabić subotu vučebnym dniom. Heta tema ŭźnimałasia nieadnarazova, ale, padkreślivaju, siońnia ŭ Ministerstvie adukacyi pytańnie ab tym, kab viarnucca da šaścidzionnaha navučalnaha tydnia, nie staić», — padkreśliŭ Siarhiej Maskievič.

Pavodle jaho słoŭ, šosty dzień va ŭstanovach adukacyi vykarystoŭvajuć dla kulturnych, spartyŭnych, intelektualnych mierapryjemstvaŭ. «Šosty dzień — školny, i my pracujem nad tym, kab 100 pracentaŭ vučniaŭ chacieli b pryjści ŭ škołu, kab zajmacca tam sportam, hramadskaj rabotaj, vučycca ŭ hurtkach, siekcyjach», — padkreśliŭ Siarhiej Maskievič.

U asobnych vypadkach u subotu dla staršakłaśnikaŭ pravodziacca fakultatyvy i dadatkovyja zaniatki.
Taksama ŭ vychadny baćkam vučniaŭ lahčej znajści čas dla taho, kab naviedać škołu. «Tamu ciapier u pieršuju čarhu naša zadača ŭ tym, kab šosty dzień byŭ maksimalna vykarystany dla raźvićcia, zachavańnia zdaroŭja, pavyšeńnia ŭzroŭniu adnosin dziaciej», — padkreśliŭ ministr adukacyi.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?