Ahułam atrymała bolš za 39 młn rubloŭ.
Jak paviedamiŭ BiełaPAN načalnik adździaleńnia pa baraćbie z ekanamičnymi złačynstvami Baranavickaha HAUS Alaksandr Rachvalik, hetaja
žančyna, jakaja žyła ŭ Baranavičach, źjechała žyć u Estoniju, dzie atrymała hramadzianstva. Zatym jana zabrała da siabie piensijnaha vieku maci, jakaja zastavałasia hramadziankaj Biełarusi, była prapisana ŭ Baranavičach, dzie joj naličvałasia piensija.
Ad 2003 hoda hramadzianka Estonii svajoj znajomaj ŭ Baranavičach štohod dasyłała davieranaść maci na atrymańnie piensii. Taja ŭ banku z adkrytaha na imia piensijanierki rachunku zdymała hrošy i pa sistemie Western Union adsyłała ich dačce.
U vieraśni 2008 hoda piensijanierka pamierła ŭ Estonii. Z taho času jaje dačka nieadnarazova nakiroŭvała žycharcy Baranavičaŭ padroblenyja davieranaści na atrymańnie piensii.
Ad kastryčnika 2008 hoda da śniežnia 2011 hodzie hramadzianka Estonii, praciahvajučy praz svaju znajomuju atrymlivać hrošy ź piensijnaha rachunku nibyta žyvoj maci, zavałodała hrašovymi srodkami bolš čym na 39 młn rubloŭ.
21 studzieni Baranavickim mižrajonnym adździełam Śledčaha kamiteta ŭ dačynieńni da estonskaj hramadzianki raspačata sprava pa č. 4 art. 209 Kryminalnaha kodeksa (machlarstva ŭ asabliva bujnym pamiery).
Žančyna ciapier znachodzicca ŭ Estonii.
-
«Na abočynie lažyć trup mužčyny». Surjoznaja avaryja na trasie Minsk — Homiel
-
U Hrodnie hanialisia za taksistam-kamikadze. Jon abhaniaŭ pa dźviuch pałosach na sustrečcy
-
Šnobiel-2024: chto zdolny dychać praz anus, jak adździalić pjanych čarviakoŭ ad ćviarozych i ci možna hołuba vykarystać dla naviadzieńnia rakiet
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary