Uźbiekistan aficyjna prypyniŭ členstva ŭ Arhanizacyi Dahavora ab kalektyŭnaj biaśpiecy, pasłableńniaŭ dla ŭstupleńnia ŭ arhanizacyju ŭ Taškienta nie budzie, zajaviŭ 19 śniežnia ŭ Maskvie na siesii Savieta kalektyŭnaj biaśpieki ADKB kiraŭnik biełaruskaj dziaržavy Alaksandr Łukašenka.

«My zadavolili ich prośbu i spynili, prypynili ich členstva (Uźbiekistana) u ADKB», — cytuje Łukašenku RIA Novosti. Pavodle jaho słoŭ, krainy ADKB taksama damovilisia ab tym, što «nijakich pasłableńniaŭ pry ŭstupleńni (u arhanizacyju), u tym liku hetaj dziaržavie, bolš nie budzie».

U kancy červienia Uźbiekistan nakiravaŭ u sakrataryjat ADKB notu ab prypynieńni svajho ŭdziełu ŭ dziejnaści arhanizacyi. Uźbiekistan raniej užo vychodziŭ z ADKB: u 1999 hodzie Taškient admoviŭsia pradoŭžyć dahavor, adnak u žniŭni 2006 hoda Uźbiekistan adnaviŭ členstva ŭ ADKB — śledam za pachaładańniem adnosinaŭ z Zachadam u suviazi z krytykaj im žorstkaha razhonu biesparadkaŭ u Andzižanie ŭ 2005 hodzie.

Udzielnikami ADKB zastajucca Armienija, Biełaruś, Kazachstan, Kyrhyzstan, Rasija i Tadžykistan. Arhanizacyja Dahavora ab kalektyŭnaj biaśpiecy była stvoranaja na asnovie Dahavora ab kalektyŭnaj biaśpiecy, padpisanaha 15 maja 1992 hoda krainami — členami SND.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?