Užo ŭ nastupnym hodzie pasažyry ciahnika Hrodna — Biełastok buduć pierasadžvacca ŭ inšy ciahnik da Biełastoka paśla pašpartnaha i mytnaha kantrolu ŭ Kuźnicy.

Takaja źmiena nakiravana na abmiežavańnie kantrabandy cyharetaŭ na hetym maršrucie, — kaža vice-maršałak Padlašskaha vajavodstva Valancin Karycki.

Vice-maršałak dadaje, što hetaja miera moža abaranić vahony ad paškodžańnia z boku kantrabandystaŭ, jakija chavajuć cyharety ŭ ścienkach, stoli, i navat u elektryčnym abstalavańni ciahnika:

— Ciahnik pryjazdžaŭ by ŭ Kuźnicu, dzie ludzi pierasadžvalisia b u inšy ciahnik. Im było b nie vyhadna raskručvać ciahniki i chavać cyharety, bo prosta nie było b času ich vyciahnuć.

Prablemu paškodžańnia ciahnikoŭ z boku kantrabandystaŭ maršałak Valancin Karycki abmiarkoŭvaŭ z polskim konsułam u Hrodnie Andrejem Chadkievičam, a taksama z namieśnikam biełaruskaha konsuła ŭ Biełastoku Alaksandram Suvoravym.

Na pačatku nastupnaha hoda maršałak płanuje sustrecca z pradstaŭnikami Ministerstva transpartu Polščy, kab abhavaryć finansavańnie dadatkovaj pierasadki ŭ Kuźnicy

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?