Hety rajon płanavałasia ŭźvieści niedaloka ad Minska. Pra heta biełaruski kiraŭnik zajaviŭ 29 listapada na naradzie pa raźvićci žyllovaha budaŭnictva ŭ stalicy.

Nahadajem, što

pieršapačatkova ŭ 2008 hodzie płanavałasia, što zabudovu terytoryi ŭ rajonie pasiołka Kałodziščy, dzie, u pryvatnaści, raźmiaščajecca vajenny palihon, ažyćciaviać kampanii «Trajpł» i «Juniviest-M», padkantrolnyja Juryju Čyžu i Anatolu Tarnaŭskamu adpaviedna. U hetych pradprymalnikaŭ była zaduma stvaryć mikrarajon ź nizkapavierchavaj zabudovaj. Adnak pracy tut tak i nie pačalisia.

Jak dałažyŭ 29 listapada na naradzie pa hetym pytańni staršynia Kamiteta dziaržkantrolu Alaksandr Jakabson,

hałoŭnaja prablema — budaŭnictva inžyniernaj infrastruktury, na jakuju nieabchodna 4 młrd dalaraŭ, pavodle raźlikaŭ prajektavalnikaŭ.
«Siońnia hadavy biudžet horada Minska składaje 33 trłn rubloŭ. Ź biudžetu horada na ŭsiu infrastrukturu Minska vyłučajecca kala 1 trłn. Tamu kazać pra toje, što Minsk zmoža kaliści svaimi siłami zrabić hetuju infrastrukturu, nie davodzicca. Biezumoŭna, patrabujecca ŭdzieł respublikanskaha biudžetu», — adznačyŭ Jakabson. Pavodle jaho słovaŭ, zatraty na asvajeńnie 1 kv.m hetaj terytoryi buduć składać 1672 dalaraŭ, u toj čas jak na zvyčajnaj terytoryi — da 1 tysiačy dalaraŭ.
Łukašenka padkreśliŭ, što raźličvać na vyłučeńnie takoj sumy ź biudžetu nie varta: «Ja nie źbirajusia budavać infrastrukturu za 4 młrd dalaraŭ, kab zaŭtra tudy pryjšoŭ biznes i zarabiŭ narmalnyja tam hrošy.
Ja hetaha rabić nie budu. Jak byccam u nas niama dzie bolš u krainie budavać darohi, haz prakładać i elektryčnyja sietki! Dy my paŭkrainy padymiem za 4 młrd dalaraŭ!»

«Mnie zdajecca, u Minsku masa prablem, na rašeńnie jakich treba vydatkavać hrošy. Tamu niama čaho leźci siońnia ŭ Zialony Bor, kali niama hrošaj, — padkreśliŭ jon. — Budzie niapravilna z majho boku, kali ja siońnia ŭkładu hetyja hrošy ŭ Zialony Bor. Chaj navat nie 4 młrd dalaraŭ, a ŭdvaja mienš. Kolki viosak, małych haradoŭ za hetyja hrošy pryviadziem u paradak! Ale i nie heta hałoŭnaje siońnia. Inviestycyi ŭ asnoŭny kapitał, u vytvorčaść — voś u što siońnia treba ŭkładać hrošy. Ja kolki pradpryjemstvaŭ stvaru, jakija pryniasuć hrošy! Heta važniej dla mianie siońnia, čym układvać tudy ŭ infrastrukturu».

Jak adznačyŭ vice-premjer Anatol Kalinin, praličvałasia, što finansavańnie infrastruktury Zialonaha Bora budzie iści z usich krynic: jak respublikanskaha i miascovaha biudžetaŭ, tak i za košt srodkaŭ pryvatnych kampanij, jakija žadajuć zabudoŭvać hetuju terytoryju. Pavodle jaho słovaŭ, prapracoŭvajecca mahčymaść kompleksnaha asvajeńnia cełaha rehijonu: Zialony Bor raźmieščany pablizu pasiołka Sokał, toj u svaju čarhu miažuje z Biełaruska-kitajskim industryjalnym parkam, zatym iduć Smalavičy. Anatol Kalinin dadaŭ, što heta pytańnie patrabuje dadatkovaha vyvučeńnia.

Na naradzie vystupili i inviestary, što pieršapačatkova płanavali zabudoŭvać terytoryju Zialonaha Bora.
Pavodle ich słovaŭ, z momantu raspracoŭki prajekta źmianiłasia ekanamičnaja situacyja, u płany ŭnios karektyvy i finansava-ekanamičny kryzis. U toj ža čas pryvatnyja kampanii nie admaŭlajucca ad realizacyi prajekta, a žadajuć skaracić jaho abjomy i padoŭžyć terminy.

Tak, u pryvatnaści, prapanujecca zabudavać terytoryju na 260 ha, dzie raźmieścicca 1,2 młn kv.m žylla.

«Juniviest-M» hatovy ŭźvieści 500 tysiač kvadratnych mietraŭ žylla. Astatnija 700 tysiač voźmie na siabie Minharvykankam. Takuju raskładku ahučyŭ na naradzie kiraŭnik «Juniviest-M» Anatol Tarnaŭski,
havorycca ŭ siužecie telekanała STV. Minharvykankam taksama prafinansuje infrastrukturnyja raboty na sumu 25 młn dalaraŭ. Abmiarkoŭvałasia prapanova vyzvalić «Juniviest-M» ad abaviazańniaŭ uźvieści škołu i dziciačy sadok i padoŭžyć terminy zabudovy da 2020 hoda. Łukašenka pahadziŭsia pa terminach, ale što da škoły i dziciačaha sadka — «tut treba nam padumać», «Ja nie hatovy siońnia skazać», «Dobra, zdymiem heta i hetak dalej», — skazaŭ kiraŭnik dziaržavy. Tut varta adznačyć, što raniej «Juniviest-M» anansavaŭ ŭ Kałodziščach zabudovu žyłoha kompleksu pad nazvaj Notynhiem. Na 290,3 ha mierkavałasia pabudavać bolš za 850 tys. kv.m žylla dla 21 tysiačy čałaviek.
Aŭtaram prajekta pad nazvaj Zialony Bor (nie błytać z tym, što vyras u Baraŭlanach) była kampanija «Trajpł». Ale jana vyrašyła pakul vyjści z prajekta pa zabudovie ŭ pasiołku Kałodziščy.
«Trajpł» źbirajecca pracavać pa inšych prajektach u supracoŭnictvie ź Ministerstvam abarony. Na naradzie damovilisia, što «Trajpł» pabuduje kala 100 tys. kv.m žylla dla vajskoŭcaŭ, heta značyć u 2 razy mienš, čym mierkavałasia raniej. U jakaści kampiensacyi za heta Jury Čyž atrymaje prava zabudavać vyzvalenyja vajskoŭcami ziamielnyja ŭčastki, raźmieščanyja ŭ Minsku i Minskim rajonie.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?