Brać hrošy na revalucyju zabaroniena
A.Łukašenka padpisaŭ čarhovy ŭkaz, skiravany na źmianšeńnie zamiežnaha ŭpłyvu na krainu. Jon unios źmieny i dapaŭnieńni va ŭkaz «Ab mižnarodnaj techničnaj dapamozie, što dajecca Biełarusi». Zabaraniajecca atrymlivać techdapamohu ŭ antykanstytucyjnych metach, dla zachopu ci skidańnia dziaržaŭnaj ułady, umiašalnictva va ŭnutranyja spravy krainy, prapahandy vajny albo hvałtu. Asablivaja ŭvaha źviartajecca na toje, što takaja dapamoha nia moža vykarystoŭvacca dla praviadzieńnia vybaraŭ, referendumaŭ, mitynhaŭ, strajkaŭ, ahitacyjna-masavaj pracy z nasielnictvam. Ukazam da mižnarodnaj techničnaj biazvypłatnaja adniesiena darmovaja dapamoha ŭ formie praviadzieńnia seminaraŭ i kanferencyj. Arhanizatary takich mierapryjemstvaŭ musiać padavać infarmacyju ŭ dziaržviedamstvy.
Vajna «šerym» mabilnikam
MUS Rasiei praviało ŭ sieradu biesprecedentnuju akcyju pa praduchileńni niezakonnaha impartu mabilnych telefonaŭ. Milicyjanty pierakryli ŭ maskoŭskich aeraportach niezakonnyja pastaŭki sotavikaŭ ź Niamieččyny i Finlandyi. «Zatrymana» kala miljona mabilnych telefonaŭ, jakija potym mierkavałasia realizavać cieraz dylerskija sietki «Suviazny» i «Eŭrasietka», što dziejničajuć i ŭ Biełarusi. Specyjalisty miarkujuć, što zachady MUS pryviaduć da rostu cen na rynku mabilnych telefonaŭ na 15%.
Skaračeńnie nasielnictva
Nasielnictva Biełarusi za pieršaje paŭhodździe źmienšyłasia na 29 tys. čałaviek. Heta abumoŭlena pieravyšeńniem na 30 tys. čałaviek kolkaści tych, chto pamior, nad kolkaściu, tych, chto naradziŭsia.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary