Znajści
Ałharytmičny łacinski varyjant
30.05.2024 / 20:184RusŁacBieł

Rasijski spartsmien, jaki vystupaje za Biełaruś, zajaviŭ, što jamu prapanoŭvali «źbiehčy na Zachad»

Havoryć, što jamu prapanoŭvali hramadzianstva i hrošy.

Maćviej Vołkaŭ (sprava). Fota: SB

Rasijski skakun z šastom Maćviej Vołkaŭ, jakomu prarakali status zorki, pierajšoŭ u zbornuju Biełarusi ŭ 2020 hodzie — tady jamu było 16 hadoŭ. U składzie biełaruskaj kamandy jon paśpieŭ vyjhrać moładzievy čempijanat śvietu-2021. A zatym pačałasia poŭnamaštabnaja vajna va Ukrainie, i biełaruskich lohkaatletaŭ razam z rasijanami adchilili ad mižnarodnych startaŭ.

U toj momant, jak raskazvaje Maćviej, jamu prapanavali «źbiehčy na Zachad», piša «SB».

«Paśla pačatku SVA nam patelefanavaŭ pradstaŭnik firmy Puma, ź jakoj u Maćvieja kantrakt. Kaža: «Źbirajcie rečy i pierajazdžajcie na Zachad. Usio zrobim u najlepšym vyhladzie: damo hramadzianstva, hrošy, žyllo, zabiaśpiečym starty…», — raskazaŭ Vołkaŭ.

Spartsmien śćviardžaje, što admoviŭsia ad hetaj prapanovy. U jakuju krainu jamu prapanoŭvali pierajechać, jon nie paviedamiŭ.

Maćviej Vołkaŭ źmianiŭ spartyŭnaje hramadzianstva z padačy baćki, srebnaha pryziora Alimpijady-1980 u hetym ža vidzie Kanstancina Vołkava. U Rasii padčas pandemii Maćvieju nie dazvalali treniravacca tak, jak jon chacieŭ, tamu siamja vyrašyła pierabracca ŭ Biełaruś, dzie nijakich abmiežavańniaŭ nie było.

Akramia taho, Usierasijskaja fiederacyja lohkaj atletyki była adchilenaja z-za dopinhavych skandałaŭ, atletam treba było atrymlivać dopusk u jakaści niejtralnych. U Biełarusi takich prablem nie isnavała.

Vołkaŭ na toj momant byŭ rekardsmienam śvietu siarod junakoŭ, tamu taki «tranśfier» biełaruskuju fiederacyju całkam zadavalniaŭ. Baćka Maćvieja navat zajaŭlaŭ, što ŭ chutkaj budučyni jahony syn abaviazkova pabje suśvietny rekord. Adnak paśla pačatku vajny Vołkaŭ, jak i ŭsia zbornaja Biełarusi, straciŭ mahčymaść vystupać na mižnarodnych spabornictvach.

Ciapier 20-hadovy Maćviej aktyŭna razdaje intervju, u jakich krytykuje Mižnarodnuju fiederacyju lohkaj atletyki, nazyvaje jaje palityzavanaj i zaklikaje refarmavać uvieś vid sportu.

Čytajcie taksama:

Viadučaja spartovych navin na BT pierajechała z mužam u Izrail

Skakun Maksim Niedasiekaŭ pra Alimpijadu: Jak biełarusy pajeduć u Paryž? Dzie buduć žyć? I na pratesty nielha zapluščvać vočy

21-hadovy litoŭski atlet pabiŭ suśvietny rekord, jaki trymaŭsia 38 hadoŭ. I moža pabić alimpijski rekord svajho baćki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
3
Ха-ха
10
Ого
0
Сумна
3
Абуральна
3
0
Nieman/adkazać/
30.05.2024
Chacieŭ stavić suśvietnyja rekordy, a ŭ vyniku staŭ havaraščym rtom na pabiahuškach. Chaj ciapier stavić rekordy na hulniach u kałhasie dy trenirujucca z pucinskaj švabraj.
0
Uład/adkazać/
31.05.2024
"Źbiehčy na Zachad" ... Niejki saviecki štamp. Małady chłopiec, a vyhladaje papuhajem prymityŭnaj prapahandy.
0
Maksim Dizajnier/adkazać/
31.05.2024
Biednyj parień. Istorija o tom, kak papaška sovok hubit kaŕjeru i žizń tałantlivomu synu. Skolko takich Matviejev-vundierkindov ja pierievidał v Minskie. To borŝievarka mužčina-dołžien po miru pustit, to druźja sovki, to roditieli.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930