Znajści
Ałharytmičny łacinski varyjant
30.05.2024 / 16:531RusŁacBieł

Fizičnyja nahruzki ścirajuć traŭmatyčnyja ŭspaminy — navukoŭcy

Novyja daśledavańni pakazali, što antydepresanty možna zamianić fizičnymi nahruzkami.

Jak piša SciTechDaily, daśledčyki z Univiersiteta Taronta (Kanada) i Univiersiteta Kiusiu (Japonija) vyjavili, što pavieličeńnie vypracoŭki niejronaŭ i nastupnaje źmianieńnie niejronnych suviaziaŭ u hipakampie (vobłaści mozhu, jakaja adkazvaje za farmavańnie ŭspaminaŭ, źviazanych z peŭnymi miescami i situacyjami) z dapamohaj fizičnych praktykavańniaŭ dazvalaje myšam zabyć uspaminy, źviazanyja z traŭmaj.

Vyniki daśledavańnia, apublikavanyja ŭ časopisie Molecular Psychiatry, mohuć prapanavać novy padychod da lačeńnia takich stanaŭ psichičnaha zdaroŭja, jak posttraŭmatyčnaje stresavaje rasstrojstva (PTSR).

U ciapierašni čas PTSR časta lečać z dapamohaj terapii abo lekaŭ, takich jak antydepresanty. Adnak mnohija ludzi nie reahujuć efiektyŭna, tamu daśledčyki praciahvajuć šukać roznyja mietady lačeńnia.

Ekśpierymient pravodziŭsia na łabaratornych myšach. Hryzunoŭ zapuścili ź jarka aśvietlenaha biełaha boksa ŭ ciomnaje pamiaškańnie z pacham etanołu i padvierhnuli mocnamu ŭdaru tokam. Praź niekatory čas u novych umovach ich udaryli tokam druhi raz.

U vyniku ŭ myšej naziralisia simptomy posttraŭmatyčnaha stresavaha rasstrojstva. Praź miesiac myšy ŭsio jašče bajalisia i nie navažvalisia ŭvajści ŭ ciomnaje pamiaškańnie. Hety strach raspaŭsiudziŭsia na inšyja ciomnyja adsieki, demanstrujučy ahulny strach. Akramia taho, myšy mienš daśledavali adkrytuju prastoru i paźbiahali centra, što śviedčyć pra najaŭnaść ahulnaha strachu.

Zatym daśledčyki padzialili hryzunoŭ na dźvie hrupy. Adnyja atrymali dostup da biehavoha koła, inšyja nie.

Praź miesiac u myšej, jakija rehularna biehali, nazirałasia źnižeńnie tryvožnaści i pasłableńnie strachu. Bolš za toje, kali myšy atrymali mahčymaść treniravacca da atrymańnia druhoha šoku, heta taksama praduchilała raźvićcio niekatorych prajaŭ PTSR.

Navukoŭcy tłumačać: fizičnaja aktyŭnaść zapuskaje ŭ hipakampie praces niejrahieniezu (vytvorčaści novych niervovych kletak). Rost novych niejronaŭ parušaje suviazi pamiž starymi kletkami mozhu, što pryvodzić da zabyćcia ŭspaminaŭ.

Čytajcie taksama:

Novaje daśledavańnie pakazała, što niervovyja kletki ŭsio ž adnaŭlajucca

Ci vyklikajuć antydepresanty zaležnaść? I ci byvajuć u dziaciej depresii? Adkazvaje śpiecyjalist

«Sport u tabletcy». Navukoŭcy raspracavali preparat, jaki «zamianiaje» fizičnyja praktykavańni

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
0
Ха-ха
0
Ого
2
Сумна
1
Абуральна
2
0
hoblen/adkazać/
01.06.2024
Luto podtvierždaju! S krasivoj čiksoj priess podkačaješ i vsie striessy kak rukoj śnimajet! Tak i jesť! :))
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930