Znajści
Ałharytmičny łacinski varyjant
30.05.2024 / 10:34RusŁacBieł

Pieršyja ŭkrainskija piłoty zaviaršyli navučańnie pracy na źniščalnikach F-16 u ZŠA

Nastupnaja hrupa vypuścicca da kanca leta.

 Ilustracyjny zdymak. Fota: AP Photo / Matt York

Pieršaja hrupa ŭkrainskich piłotaŭ zaviaršyła navučańnie pracy na źniščalnikach F-16 na vajennaj bazie ŭ Aryzonie, i ŭžo hetym letam da ich dałučacca inšyja. 

«Vypuściłasia pieršaja hrupa, inšyja skončać padrychtoŭku tut da kanca žniŭnia», — paviedamiła «Hołasu Amieryki» pradstaŭnik Nacyjanalnaj hvardyi Aryzony Eryn Chanihan. 

Siarod vypusknikoŭ jość niekalki ŭkrainskich piłotaŭ, jakija prachodzili padrychtoŭku na bazie VPS Nacyjanalnaj hvardyi Morys u Tusonie, paviedamiŭ na ŭmovach ananimnaści fiederalny čynoŭnik. 

U intaresach biaśpieki piłotaŭ aficyjnyja asoby admovilisia nazvać dakładnuju kolkaść vypusknikoŭ i kolkaść tych, chto praciahvaje navučańnie na F-16. 

Dysłakavanaje na bazie Morys 162-je avijakryło ličycca viadučym padraździaleńniem VPS Nacyjanalnaj hvardyi pa padrychtoŭcy piłotaŭ F-16. 

Na bazie raźmieščana adzinaja škoła VPS, dzie rabocie na źniščalnikach navučajucca piłoty z bolš jak 20 krain. 

Kijeŭ paprasiŭ Zachad dać jamu samaloty paśla pačatku poŭnamaštabnaha rasijskaha ŭvarvańnia va Ukrainu ŭ lutym 2022 hoda. 

U žniŭni 2023 hoda prezident Džo Bajden uchvaliŭ płan, pavodle jakoha zachodnija sajuźniki adpraviać va Ukrainu źniščalniki F-16 paśla zaviaršeńnia padrychtoŭki piłotaŭ. 

U žniŭni minułaha hoda Ukraina nabirała tempy ŭ supraćstajańni z Rasijaj, adnak paśla hetaha ŭ Kanhresie adbyłasia šmatmiesiačnaja zatrymka z uchvałaj novaj vajskovaj dapamohi Kijevu. Na dumku analitykaŭ, Rasija skarystałasia hetym, kab dabicca pośpiechaŭ na poli boju. 

U krasaviku premjer-ministr Bielhii Alaksander de Kroa zajaviŭ, što abiacanyja jaho krainaj źniščalniki buduć pastaŭleny Kijevu da kanca hoda.

Čytajcie taksama:

Čamu Łukašenka paprakaŭ svaich prapahandystaŭ za temu Ukrainy?

Tramp zajaviŭ, što bambiŭ by Maskvu, kali b Rasija ŭvarvałasia va Ukrainu pry jahonym prezidenctvie

Krainy NATA paprasili Zialenskaha nie patrabavać siabroŭstva Ukrainy ŭ aljansie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
0
Ха-ха
0
Ого
0
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930