Znajści
Ałharytmičny łacinski varyjant
30.05.2024 / 07:472RusŁacBieł

ES choča raspaŭsiudzić na Telegram abmiežavańni, uviedzienyja suprać internet-hihantaŭ Apple, Google i Facebook

Kiraŭniki miesiendžara zapeŭnivajuć, što ŭ krainach ES miesiendžaram karystajucca «tolki» 41 młn čałaviek.

Papularny miesiendžar Telegram moža trapić pad dziejańnie niadaŭna pryniataha zakona ES, jaki ŭvodzić abmiežavańni na publikacyju kantentu bujnymi internet-płatformami, a taksama abaviazvaje ich samastojna pravodzić maderacyju apublikavanych materyjałaŭ, piša Bi-bi-si.

Zakon DSA, jaki ŭstupiŭ u siłu z novaha 2024 hoda, zaklikany źvieści da minimumu raspaŭsiudžvańnie ŭ sietcy niezakonnych i škodnasnych materyjałaŭ, uklučajučy teoryi zmoŭ i masavyja dezinfarmacyjnyja kampanii, za košt raskručvańnia papularnaści fejkavych navin, čym — pa słovach jeŭrapiejskich zakanadaŭcaŭ — asabliva aktyŭna zajmajucca rasijskija i kitajskija «fabryki trolaŭ».

Minułaj vosieńniu Jeŭrakamisija pajmienna nazvała internet-hihantaŭ, jakim za nievykanańnie ŭstanoŭlenych abmiežavańniaŭ pahražajuć hihanckija štrafy (da 6% hadavoj vyručki) — i navat poŭnaje adłučeńnie ad adzinaha jeŭrapiejskaha rynku.

Telegram u apublikavany tady śpis nie ŭvajšoŭ — na toj padstavie, što farmalna praviły DSA raspaŭsiudžvajucca tolki na «vielmi bujnyja onłajn-płatformy», jakija naličvajuć u Jeŭropie nie mienš za 45 młn karystalnikaŭ.

Administracyja Telegram zapeŭnivaje, što ŭ krainach ES miesiendžaram karystajucca «tolki» 41 młn čałaviek.

Zrešty, zajavam hetym jeŭrapiejskija zakanadaŭcy nie vielmi vierać — asabliva ŭličvajučy toj fakt, što ŭ Telegram poŭna infarmacyjnych i zabaŭlalnych kanałaŭ, za jakimi možna prosta sačyć, nia abmieńvajučysia pry hetym tekstavymi paviedamleńniami — i, mahčyma, nie ŭvachodziačy ŭ pradstaŭlenuju statystyku.

Pradstaŭnik Jeŭrapiejskaj kamisii zajaviŭ, što vyvučaje mietodyku padliku karystalnikaŭ Telegram i praciahvaje sačyć za situacyjaj na infarmacyjnym rynku

Jak pakazvajuć vyniki šmatlikich prakurorskich pravierak, mienavita Telegram prakramloŭskija akaŭnty vykarystoŭvajuć čaściej za ŭsio dla viadzieńnia infarmacyjnych vojnaŭ pa samych roznych padstavach — niachaj heta budzie vajna va Ukrainie, mihracyjny kryzis i źmieny hłabalnaha klimatu.

Akramia taho, apošnim časam supracoŭniki rasiejskaj vyviedki stali vykarystoŭvać hety miesiendžar jašče i dla viarboŭki ahientaŭ za miažoj.

«My prytrymlivajemsia taho punktu hledžańnia, što Telegram — dosyć vialikaja płatforma, kab pradjaŭlać da jaje tyja ž patrabavańni, jak da Facebook, X i YouTube, — zajaviła ŭ pačatku miesiaca premjer-ministr Estonii Kaja Kałas. — Jon biezumoŭna traplaje pad vyznačeńnie vielmi bujnoj internet-placoŭki».

Premjer paprasiła Jeŭrakamisiju nie zanadta daviarać ličbam, pradastaŭlenym kiraŭnictvam Telegram, i pravieści niezaležnuju acenku pamieru jaho aŭdytoryi.

Pradstaŭnik Telegram zapeŭniŭ, što dla raspaŭsiudžvańnia dezynfarmacyi miesiendžar jak raz strašna nieefiektyŭny, pakolki jaho praca nie abapirajecca na ałharytmy.

Jon taksama paabiacaŭ, što nieŭzabavie ŭ supracoŭnikaŭ pravaachoŭnych orhanaŭ źjavicca asobny instrumient dla vieryfikacyi Telegram-pastoŭ: pa jaho słovach, praca pa jaho stvareńni ŭ kampanii amal zavieršana.

Čytajcie taksama:

Duraŭ abvierhnuŭ suviaź Telegram z rasijskimi ŭładami

«Kibierpartyzany» stvaryli klijent Telegram dla iOS. Što jon umieje i čamu pakul niedastupny dla biełarusaŭ unutry krainy

U krainach ES dapuścili zabaronu tyktoku

Bajden padpisaŭ zakon, jaki moža zabaranić tyktok

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
0
Ха-ха
2
Ого
0
Сумна
0
Абуральна
1
1
Ironija/adkazać/
30.05.2024
A čto ty dumał, Pašieńka - možno na dvuch stuljach usidieť, vylezaja na jevropiejskij rynok i zakryvaja hłaza na nievierojatnoje zasilje botov, skama i zihanutoj propahandy v kanałach? Hłobalizm zakončiłsia. Pora vybirať, na čjej ty storonie.
1
Vybirało nie nado/adkazać/
30.05.2024
Ironija, jemu nie nado vybirať, on užie davno i aktivno rabotajet na Fsb.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930