Znajści
Ałharytmičny łacinski varyjant
30.05.2024 / 13:2713RusŁacBieł

Šviejcaryja prezientavała revalucyjnuju technałohiju, jakaja amal całkam moža pazbavić śviet ad radyjeaktyŭnych adkidaŭ

Heta mahło b vyrašyć i spradviečnaje pytańnie zachavańnia adkidaŭ ź biełaruskaj AES u Astraŭcy, adnak novaja technałohija naŭrad ci budzie Biełarusi pa kišeni.

Astravieckaja AES u Hrodzienskaj vobłaści. Fota: Naša Niva

Kamanda byłych navukoŭcaŭ ź Jeŭrapiejskaj arhanizacyi pa atamnych daśledavańniach (CERN) raspracavała novy praryŭny mietad apracoŭki jadziernaha paliva, jaki moža skaracić abjom amal usich mahčymych jadziernych adkidaŭ z usich AES na 80% i pamienšyć čas, na praciahu jakoha jany zastajucca radyjeaktyŭnymi, da mienš čym 500 hadoŭ.

Dla paraŭnańnia, pieryjad paŭraspadu adkidaŭ ad takich standartnych dla AES vidaŭ jadziernaha paliva, jak uran i płutonij, składaje ad dziasiatkaŭ tysiač da niekalkich miljardaŭ hadoŭ. I heta tolki niapoŭny raspad.

Revalucyjnaja technałohija, nad jakoj pracavali byłyja supracoŭniki CERN, była prezientavana pryvatnaj šviejcarskaj kampanijaj Transmutex i prajšła paśpiachovy šmatmiesiačny test z boku Nagra, dziaržaŭnaha orhana Šviejcaryi pa ŭtylizacyi jadziernych adchodaŭ, paviedamlaje bujnoje vydańnie Swissinfo.

«Sutnaść technałohii składajecca ŭ transmutacyi elemientaŭ — pieraŭtvareńni adnaho elemienta ŭ jaho izatop (u adnu z raznavidnaściaŭ hetaha elemienta) abo ŭvohule ŭ inšy elemient. Heta ŭvasableńnie mary ałchimikaŭ, jakija ŭ minułym biespaśpiachova sprabavali pieratvaryć kalarovyja mietały ŭ zołata. 

Ciapier heta stała mahčymym dziakujučy paskaralnikam čaścic, padobnym da Vialikaha adronnaha kałajdara, ale mienšaha pa pamiery. Paskaralnik čaścic, złučany z reaktaram AES, zmoža transmuciravać słabaradyjeaktyŭny elemient, taki jak toryj, u izatop uranu i adrazu pierapracavać jaho ŭ enierhiju.

U adroźnieńnie ad tradycyjnaha ŭranu, jaki vykarystoŭvajecca na sučasnych AES, uran, atrymany z toryju, nie budzie vyrablać płutonij abo inšyja vysokaaktyŭnyja adkidy», — adznačaje Swissinfo.

Ilustracyja novaj technałohii šviejcarskaj kampanii Transmutex, jakaja maje na ŭvazie pramoje złučeńnie paskaralnika čaścic z reaktaram Atamnaj elektrastancyi. Krynica: Transmutex.

Vydańnie dadaje, što novy praryŭny mietad moža być vykarystany na 99% suśvietnych jadziernych adkidaŭ. Pry hetym AES, złučanyja z paskaralnikami čaścic pa technałohii kampanii Transmutex, u avaryjnych vypadkach zmohuć być całkam spynienyja «za biesprecedentnyja dźvie milisiekundy».

Budaŭnictva i złučeńnie adnaho takoha paskaralnika z AES (pa technałohii taksama treba budzie stvarać asablivaj kamplektacyi jadzierny reaktar) budzie kaštavać ad 4-5 miljardaŭ jeŭra.

Nahadajem, što budaŭnictva adzinaj biełaruskaj AES u Astravieckim rajonie aficyjna kaštavała 5 miljardaŭ dalaraŭ, a pa acenkach ekśpiertaŭ-ekołahaŭ z supolnaści «Zialonaja Biełaruś» košt uźviadzieńnia stancyi ŭvohule składaŭ amal 7 miljardaŭ. 

Usie hetyja hrošy ŭ ramkach kredytu byli vydzielenyja Rasijaj, jakaja ŭ svaju čarhu nie śpiašajecca prymać u siabie radyjeaktyŭnyja adkidy z Astravieckaj AES, staviačy režym Łukašenki pierad surjoznaj ekałahičnaj prablemaj zachavańnia hetych adkidaŭ u samoj Biełarusi.

Čytajcie taksama:

«Padarunak» dziasiatkam pakaleńniaŭ. Jak Biełaruś budzie zachoŭvać jadziernyja adkidy sa svajoj AES i ŭ čym adziny jaje šaniec

«Rasatam» vyjaviŭ zahadkavuju prablemu Astravieckaj AES. A Biełaruś kaža, što katastrofy niama

Łukašenka prapanavaŭ pabudavać jašče adnu AES

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
64
Панылы сорам
9
Ха-ха
3
Ого
11
Сумна
14
Абуральна
18
0
Maksim Dizajnier/adkazać/
31.05.2024
Chiech,

Čto vy etim Samalam dokzyvajetie. Oni priamo siejčas žrut i pjut radiaktivnuju mołočku iz zony otčuždienija.
0
Kurbanbajramduchmuchamietava/adkazać/
01.06.2024
Jak uran z atamnaj masaj 238 moža ''vyrabić'' płutonij z atamnaj masaj 244? Štości nabłytali tam z atamami.
0
Kastuś/adkazać/
01.06.2024
Kurbanbajramduchmuchamietava,i hdie tut pišut pro płutonij 244?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930