Znajści
Ałharytmičny łacinski varyjant
29.05.2024 / 19:0026RusŁacBieł

Namieśnica ministra ekanomiki pierakananaja, što treba viartać ludziej z-za miažy

Namieśnica ministra ekanomiki Taćciana Brancevič, vystupajučy na kruhłym stale «Čałaviečy kapitał jak asnoŭny resurs doŭhaterminovaha ŭstojlivaha raźvićcia», kanstatavała, što hetaha čałaviečaha kapitału ŭ Biełarusi akurat ciapier vialiki deficyt, što źjaŭlajecca doŭhačasovym i stratehičnym vyklikam «jak u kolkasnym, tak i ŭ jakasnym aśpiektach».

Čynoŭnica adznačyła, što niekatoryja krainy kampiensujuć niedachop nacyjanalnych pracoŭnych resursaŭ za košt mihracyi, ale dla praryŭnoha raźvićcia nieabchodnyja kvalifikavanyja kadry, a ŭ bolšaści krain, ź jakich adbyvajecca masavaja mihracyja, jany nie takija. Da taho ž takich mihrantaŭ ciažka adaptavać i intehravać u hramadstva.

Inšaja reč — biełarusy:

«U nas unikalnyja pracoŭnyja resursy. Našyja ludzi adukavanyja, pracavityja, talerantnyja, zakonapasłuchmianyja i vykanaŭčyja. I našy jeŭrapiejskija susiedzi nie asabliva chočuć bačyć u siabie haściej z Afryki ci Blizkaha Uschodu, ale šyroka raskryvajuć dźviery dla biełarusaŭ».

Adna tolki biada — što hetyja ŭnikalnyja kadry čamuści ŭsio čaściej addajuć pieravahu pracy nie na radzimie, a za jaje miežami. Jak śćviardžaje čynoŭnica, heta ŭsio vynik «cisku na naš rynak pracy rehijanalnaj kankurencyi», prytym

«kali raniej lazo impartnaha head hunter było nakiravana na našych techničnych śpiecyjalistaŭ i navukova-daśledčyja kadry z boku bahatych transnacyjanalnych karparacyj, to ciapier baraćba za rabotnikaŭ adbyvajecca pa šyrokim froncie i hieahrafii».

U vyniku ŭžo cierpiać ad niedachopu piersanału i takija śfiery, jak bankaŭskaja dy handlovaja. Prytym vymyvajuć kadry nie tolki zachodniki, ale i rasijski biznes, «prapanoŭvajučy bolš vysokija zarobki». Tam biełarusy «stanoviacca žadanymi kandydatami dziakujučy svajoj mientalnaści, adsutnaści moŭnaha barjera, vielmi blizkaj kultury, a taksama ŭnifikacyi zakanadaŭstva ŭ ramkach Sajuznaj dziaržavy».

Tamu Brancevič pierakananaja, što

«na pieršym miescy pa aktualnaści dla Biełarusi pavinna źjaŭlacca zadača nie pryciahnieńnia novych pracoŭnych resursaŭ zdalok, a ŭtrymańnie svaich kadraŭ. A jašče lepš viartańnie suhramadzian, jakija emihravali».

 Jana, praŭda, u svaim vystupleńni nie zhadała, što maštabnaje vymyvańnie kvalifikavanych kadraŭ ź biełaruskaj ekanomiki — vynik toj situacyi, jakaja skłałasia z-za žadańnia Alaksandra Łukašenki ŭ 2020 hodzie luboj canoj zastacca pry ŭładzie, niahledziačy na rašučuju niazhodu z hetym nasielnictva. I dla zastavańnia ludziej u Biełarusi, a tym bolš masavaha viartańnia ich z-za miažy, patrebnaje prynamsi spynieńnie palityčna matyvavanych represij, što nie ŭ kampietencyi Ministerstva ekanomiki i inšych «cyvilnych» viedamstvaŭ. U kiraŭnictva ž siłavych struktur i ŭ samoha Łukašenki na hety kont zusim inšaja dumka. 

Čytajcie taksama:

Sim-karty tolki ad MTS i nijakaha mabilnaha internetu. Na «Hrodna Azocie» zabaraniajuć smartfony

KDB masava zatrymlivaje čyhunačnikaŭ za fota avaryi, jakuju chacieli ŭtaić

Kolki sapraŭdy zarablajuć biełaruskija daktary? Spytali ŭ ich

Biznes-sajuz zajaviŭ pra krytyčny niedachop u Biełarusi pradaŭcoŭ

«Nabiaruć bolš studentaŭ, ale što rabić 6-7 hadoŭ?» Miedyk pra toje, jak ułady zmahajucca ź niedachopam daktaroŭ i što treba rabić

Zvalnieńni niazhodnych i kadebešniki ŭ adździełach. Što adbyvajecca na bujnych pradpryjemstvach i ŭstanovach krainy 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
24
Панылы сорам
23
Ха-ха
58
Ого
11
Сумна
7
Абуральна
15
1
Eto sładkoje słovo otčizna/adkazać/
30.05.2024
kiedranievič , łatientnyje sovki často putajut. Eto v Rośsii otčizna, a u nas tut baćkaŭščyna.
1
Kak ni stranno s zakonoposłušnosťju/adkazać/
30.05.2024
v pustotu, no absolutno s vami sohłasien.
0
Emihrant/adkazać/
30.05.2024
Nasilno mił nie budieš
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930