Znajści
Ałharytmičny łacinski varyjant
29.05.2024 / 17:2918RusŁacBieł

Śviatar RPC zajaviŭ, što ŭdzielniki vajny suprać Ukrainy pačali ŭvaskrasać. Pieršym staŭ kitajec

Protaijerej RPC Arciemij Uładzimiraŭ zajaviŭ, što zahinułyja sałdaty, jakija vajujuć u składzie rasijskaj armii suprać Ukrainy, pačali ŭvaskrasać. Śviatar raskazaŭ pra cud u prahramie «Hutarki z baciuškam» na Vialikdzień, uryvak apublikavali «Ostorožno, novosti».

Skrynšot videa: «Ostorožno, novosti»

Pa słovach Uładzimirava, nie vieryć u mahčymaść uvaskresnuć niemahčyma. Śviatar raskazaŭ, što časta maje znosiny z rasijskimi vajskoŭcami i tłumačyć im, što «śmierci niama». U dadatak ajciec Arciemij raskazaŭ historyju pra nibyta ŭvaskresłaha paśla hibieli na vajnie va Ukrainie kitajca.

«Pierad vialikim postam ja pahladzieŭ rolik pra niejkaha kitajca, jaki ŭdzielničaŭ u SVA, atrymaŭ kulu ŭ žyvot, jakaja raźviarnuła ŭsie jahonyja vantroby, ad hetaha pamior i ŭvaskros. Jamu źjaviŭsia śviaciciel Łuka Krymski, jaho vylečyŭ», — zajaviŭ śviatar.

Pavodle jaho, heta nie adzinkavy vypadak. A kitajec paśla «ŭvaskrašeńnia» razam z usioj svajoj siamjoj staŭ adeptam RPC.

Arciemij Uładzimiraŭ u pačatku stahodździa atrymaŭ viadomaść jak aŭtar pravasłaŭnych knih dla dziaciej i baćkoŭ. Paśla pačatku poŭnamaštabnaj vajny jon całkam padtrymaŭ palityku rasiejskaha kiraŭnictva. Arciemij aktyŭna vystupaje z pravajennymi propaviedziami, u jakich prajhraje asnoŭnyja ŭstanoŭki rasijskaj dziaržaŭnaj prapahandy.

U 2019 hodzie Uładzimiraŭ raskazvaŭ, što, maŭlaŭ, mieŭ znosiny z ducham pamierłaha ŭ 1882 hodzie Čarlza Darvina. Pa słovach śviatara, navukoviec prasiŭ jaho nie vieryć u teoryju evalucyi.

Čytajcie taksama:

Patryjarch Kirył pažadaŭ Pucinu kiravać jašče 76 hadoŭ

Biez palityki i prašeńnia ab pieramozie Rasii. U BPC napisali svaju malitvu ab «adnaŭleńni miru» va Ukrainie

Kiraŭnik MUS Estonii prapanavaŭ pryznać RPC terarystyčnaj arhanizacyjaj

Śviataram RPC zahadali štodnia čytać malitvy ab pieramozie ŭ vajnie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
13
Ха-ха
24
Ого
3
Сумна
1
Абуральна
4
1
ACER /adkazać/
29.05.2024
Honi popa iz Biełarusi., RPC - heta nie ŭsio pravasłaŭje, pravasłaŭje - heta nie RPC.
0
NASZA NIVA 2024/adkazać/
29.05.2024
Hebešnaja kodła ....
0
Path/adkazać/
30.05.2024
vaš ekstrasiens ,i konkrietno psichiatry ? słučaj dołžien byť intieriesien śpiecialistam
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930