Znajści
Ałharytmičny łacinski varyjant
29.05.2024 / 17:152RusŁacBieł

Byłaja aŭstryjskaja ministarka pakazała, jak raskošna žyvie ŭ Rasii

Eks-ministrarka zamiežnych spraŭ Aŭstryi Karyn Knajsl pakazała fota svajoj kvatery ŭ Sankt-Pieciarburhu — jana žyvie ŭ čatyrochpaviarchovym pientchausie, jaki zdajecca za 350 tys. rubloŭ u miesiac, piša Baza.

U sakaviku hetaha hoda Knajsl zajaŭlała, što kančatkova pierajechała ŭ Rasieju, bo «heta pa-sapraŭdnamu svabodnaja kraina». Pry hetym jana raskazvała pra płany pabudavać dom na ŭschodzie Rasii, ale, zdajecca, pakul usio ž bolš prydatnym dla jaje vyhladaje zachad krainy. Jana pasialiłasia ŭ elitnym rajonie Sankt-Pieciarburha.

Pa fota, jakija Knajsl vykłała ŭ svoj telehram-kanał, možna lohka zdahadacca, dzie mienavita jana žyvie. U jaje niezvyčajnaja kvatera, stylizavanaja pad zamak: na kamiennych ścienach visiać rycarskija ščyty, kamin upryhožvaje hierb. Fota dakładna takoj ža kvatery možna znajści ŭ abjavach ryełtarskich ahienctvaŭ. Supadaje ŭsio až — da štor-habielenaŭ u haścioŭni i stoli ŭ spalni-mansardzie.

Z abjaŭ možna daviedacca, što heta čatyrochpaviarchovy pientchaus płoščaj 300 kv. m, arenda jakoha kaštuje 350 tysiač rubloŭ u miesiac.

Susiedzi ŭ Knajsl taksama niezvyčajnyja. Kamienny vostraŭ, dzie raźmieščana kvatera, raźmieščany ŭ centry Sankt-Pieciarburha. Jak pisali ŚMI, tut žyvuć miljardery Arkadź Ratenbierh i Hienadź Cimčanka, były prezident Rasijskaha futbolnaha sajuza i kłuba «Zienit» Siarhiej Fursienka.

Raniej Karyn Knajsl raskazvała ŭ ŚMI, što ź pierajezdam u Sankt-Pieciarburh joj dapamahaŭ miascovy ŭniviersitet, dzie jana ciapier pracuje. Z 2023 hoda aŭstryjka kiruje centram G. O. R. K. I. pry SPbDU.

Karyn Knajsl u 2017-2019 hadach była ministarkaj zamiežnych spraŭ Aŭstryi. U 2018 hodzie jana vyjšła zamuž za biznesoŭca Volfhanha Majlinhiera, a na viasielle zaprasiła Uładzimira Pucina. Paśla pakidańnia ministerskaj pasady ŭ svaich intervju Knajsl zajaŭlała, što joj pastupali pahrozy zabojstvam, a taksama skardziłasia na faktyčna ŭviedzienuju dla jaje zabaronu na pracu ŭ ES.

Čytajcie taksama:

Eks-kiraŭnica MZS Aŭstryi, ź jakoj tancavaŭ Pucin, pierajedzie z rasijskaj vioski ŭ Pieciarburh

Byłaja kiraŭnica MZS Aŭstryi, jakaja tancavała z Pucinym, pierajechała pad Razań. I tam joj vielmi padabajecca

Byłaja kiraŭnica MZS Aŭstryi, na viasielli jakoj hulaŭ Pucin, pakinuła krainu

Byłaja kiraŭnička MZS Aŭstryi ŭvajšła ŭ radu dyrektaraŭ «Rasnafty». Heta na jaje viasielli tancavaŭ Pucin

Byłoha kiraŭnica MZS Aŭstryi zaprasiła Pucina na svajo viasielle. Ciapier jaje vyłučyli ŭ radu dyrektaraŭ «Rasnafty»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
15
Ха-ха
10
Ого
4
Сумна
2
Абуральна
18
2
niaviesta azaronka/adkazać/
29.05.2024
Susiedzi ŭ Knajsl taksama niezvyčajnyja.

Satan JANKA Dizajnier?
0
Jacek/adkazać/
29.05.2024
Ruska onuca
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930