Znajści
Ałharytmičny łacinski varyjant
30.05.2024 / 20:064RusŁacBieł

Jak časta treba sustrakacca ź siabrami, kab dobra siabie adčuvać? I pry čym tut pachi?

Navukoŭcy śćviardžajuć, što virtualnaje siabroŭstva nie zamienić asabistyja sustrečy. I ich kolkaść upłyvaje na zdaroŭje.

Fota: Getty Images

U niadaŭnim daśledavańni navukoŭcy praanalizavali danyja amal 13 tysiač dobraachvotnikaŭ, vyvučyŭšy nie tolki kolkaść ich siabroŭ, ale i toje, ci bačylisia jany ź imi. Atrymanyja vyniki havorać pra toje, što prynamsi adzin asabisty kantakt ź siabrami ŭ tydzień byŭ mocnym faktaram palapšeńnia fizičnaha i psichičnaha zdaroŭja, piša The Washington Post.

Jak adznačaje adzin z aŭtaraŭ daśledavańnia prafiesar psichałohii Univiersiteta Brytanskaj Kałumbii Eryk Kim, zvanki ci tekstavyja paviedamleńni nie mieli anałahičnaha ŭpłyvu.

Ludzi — sacyjalnyja žyvioły, i znachodžańnie ŭ pryjaznym asiarodździ inšych ludziej źnižaje ryzyku išemičnaj chvaroby serca, insultu, dyjabietu 2 typu, chvaroby Alchiejmiera i navat raku.

Adna z pryčyn, pa jakoj siabroŭstva tak važna dla zdaroŭja, davoli prostaja. Siabry, pa słovach navukoŭca, zaachvočvajuć zajmacca sportam ci jeści zdarovuju ježu, a taksama mohuć dać važnuju infarmacyju, naprykład pra toje, dzie zrabić pryščepku ad hrypu.

Šerah daśledavańniaŭ acanili niespryjalnyja nastupstvy adzinoty i sacyjalnaj izalacyi dla zdaroŭja i dabrabytu. Naprykład, było vyjaŭlena, što adzinota źviazanaja z pavyšanaj ryzykaj raźvićcia išemičnaj chvaroby serca na 29%.

Inšyja daśledavańni pakazali, što ŭ ludziej, jakija sacyjalna izalavanyja, vypracoŭvajecca bolš kartyzołu (harmonu, jaki rehuluje stres u arhaniźmie) na praciahu dnia, jaki źviazany z sardečna-sasudzistymi zachvorvańniami i pavyšanaj ryzykaj śmiarotnaści ŭ cełym.

Navukoŭcy źviartajuć uvahu na toje, što pieravaha niepasrednych znosin moža być źviazanaja z pacham.

Navukovyja ekśpierymienty demanstrujuć, što, ułoŭlivajučy pachi cieła inšych ludziej, my možam pieraniać ich emocyi ad tryvohi i strachu da ščaścia.

Jak śćviardžaje śpiecyjalist pa sacyjalnaj i kulturnaj psichałohii Instytuta vyvučeńnia pavodzin Univiersiteta imia Radboda ŭ Niderłandach Džaśpier de Hrot, znosiny praz pach cieła adbyvajucca ŭ asnoŭnym na padśviadomym uzroŭni i tamu jany mohuć być u peŭnych vypadkach bolš ščyrymi, čym słovy.

Fota: Vecteezy

Pavodle jaho słoŭ, hetaja rola pachaŭ u adčuvańni emocyj inšych ludziej moža dapamahčy rastłumačyć, čamu ludzi z bolš adčuvalnymi nasami, jak pakazała daśledavańnie, schilnyja mieć značnuju kolkaść siabroŭ i mienš pakutavać ad adzinoty.

Navukoŭcy śćviardžajuć, što kali my pravodzim čas ź siabrami i svajakami tvaram da tvaru, niejronnaja aktyŭnaść u našym mozhu moža sinchranizavacca, što pryvodzić da prajavy bolšaj dabryni ŭ adnosinach da inšych, lepšaha ŭzajemadziejańnia i razumieńnia. A voś kali my pierapisvajemsia abo majem znosiny ŭ videačacie, takoj sinchranizacyi amal nie adbyvajecca.

Siabroŭski dotyk taksama moža być mahutnym abiazbolvajučym. Tak zvanyja C-taktylnyja vałokny — typ niervovych vałoknaŭ u skury čałavieka — reahujuć na pavolnyja pahładžvańni, pasyłajučy sihnały ŭ mozh, jakija pamianšajuć pačućcio bolu.

Taki efiekt byŭ vyjaŭleny jak pry praviadzieńni balučych miedycynskich pracedur, tak i pry chraničnych zachvorvańniach, takich jak chvaroba Parkinsana.

Jašče adno daśledavańnie pakazała, što asabistaja sustreča ź siabrami palapšaje funkcyjanavańnie hienaŭ, źviazanych ź imunnaj sistemaj. Takija pieravahi, adnak, nie naziralisia ŭ tych, chto mieŭ znosiny tolki sa svaimi siabrami ŭ internecie.

Takim čynam, dla hłybokaj suviazi i karyści dla zdaroŭja nieabchodny asabisty kantakt chacia b raz na tydzień.

Čytajcie taksama:

Pach cieła — jak adbitak palcaŭ. Chutka moža nadyści čas, kali pa pachu cieła pra nas možna budzie sčytać usio, u tym liku chvaroby

Navukoŭcy: Adzinota pavialičvaje ryzyku zachvorvańniaŭ serca

Adzinota źnižaje imunitet

Siem praviłaŭ siabroŭstva, jakija zapatrabavanyja i ŭ kachańni

Samota horšaja za atłuścieńnie

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
2
Ха-ха
0
Ого
1
Сумна
2
Абуральна
1
0
niaviesta azaronka/adkazać/
31.05.2024
no hubaziki i t.p. vied́ jeŝie nie ustali

iźbivať žienŝin
2
Indiejec/adkazać/
02.06.2024
Dla pamiarkounych sovsiem nie triebujutsia obŝienije, chvatit lizaťsia s sobakami. Sidieť ticho v norie s kraju, tiktokie, vkontaktie riuzźkom, introviertiť, i viečno miečtať kuda-nibud́ sje...ťsia, ot zahoroda do zahranicy. Vyłaziť dla razmnožienija raz v hod, kada tipło,kada vychadnoj, kada źviezdy sošliś, i mama nie paprasiła na dačy hradki rakam pakapať. Vied́ domašnieje chriučievo samoje vkusnoje, a v restaranach adin tuchlak padajut. Rodstvieńniki da treťjeva kalena - eto osnovnoje abŝeńnie. Kak praviła tožie, raz u poł hoda-hod, kada sraka prypiekať načinajet. Druhich druziej v žiźni nie byvajet, kromie školnych i iz univiersitieta, eto mnie tak sovki objaśnili. Dažie jeśli vy s nimi vmiestie klej niuchali i po vienie chmuroho puskali, navienoje.
1
-_-/adkazać/
02.06.2024
Indiejec, Maksimka ty sovsiem ku - ku, odnim słovom -  ditia pieriestrojki, ili niedonastrojki. :) B tvojem słučaje vtoroje budiet pravilnieje, vot i Tolan nie dast sovrať. :)) 

Hie, nu jeśli vmiestie klej niuchali i po vienie chmuroho puskali - this is a completely different matter, this is friendship forever ! :))
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930