Znajści
Ałharytmičny łacinski varyjant
29.05.2024 / 14:01RusŁacBieł

Tolu Šanela, jaki 20 hadoŭ žyvie ŭ padjeździe, pasprabavali vysielić — jaho zabrała milicyja. Praź dzień jon viarnuŭsia

Epapieja z mužčynam, jaki žyvie ŭ padjeździe ŭ Sierabrancy, praciahvajecca.

Fota: Onliner.by

Tola Šanel voś užo bolš za 20 hadoŭ žyvie ŭ padjeździe doma na praśpiekcie Rakasoŭskaha ŭ Minsku. Kaliści jon pabudavaŭ u hetym domie kvateru i žyŭ tam z žonkaj i dziećmi. Adnak paśla razvodu jon «pierajechaŭ» u padjezd, pry hetym zachavaŭšy prapisku.

Historyju Toli, jaki ŭładkavaŭ žyllo na techničnym paviersie, raspavioŭ Onliner. Staryja žychary doma staviacca da mužčyny sa spačuvańniem, padkormlivajuć jaho i addajuć jamu vopratku. Adnak novyja pastajalcy niezadavolenyja susiedstvam z bamžom.

Ciapier Tolu Šanela sprabujuć vysielić. Adnak, jak akazałasia, hetaja misija nie takaja prostaja. Žycharka doma raspaviała Onliner, što niadaŭna Tolu zabrała milicyja:

«U toj ža dzień (dzień publikacyi artykuła) da nas u padjezd pryjechaŭ ŽES i dźvie hadziny vyvoziŭ śmiećcie (tam było ŭsio što zaŭhodna — ad starych matracaŭ da valizak i sumak).

Samoha Tolu zabrała milicyja. Ale litaralna praź dzień jon viarnuŭsia nazad, spačatku ašyvaŭsia pad susiednim padjezdam, a potym spakojna siadzieŭ pad našym. Uviečary jon užo kataŭsia na lifcie na svoj apošni pavierch. Usio ŭ jaho dobra. U adroźnieńnie ad nas, žycharoŭ doma. Heta nienarmalna, što ŭ padjeździe bamžuje čałaviek, atručvajučy tym samym žyćcio astatnim. Nie mahu zrazumieć adnaho: jak tak atrymałasia, što jon znoŭ viarnuŭsia nazad?».

Usio ŭskładniena tym, što mužčynu nielha pryznać aficyjna biazdomnym — u jaho jość prapiska ŭ kankretnaj kvatery.

U ŽKH Leninskaha rajona raspaviali, što milicyja zabirała Tolu ŭžo nie raz, ale jon zaŭsiody viartajecca.

«Utrymlivać jaho jak biazdomnaha RUUS nie moža: hramadzianin maje prapisku i miesca žycharstva pa pakazanym adrasie. Prosta čałaviek žyvie ŭ padjeździe, ale pry hetym ličycca nie bamžom, a miascovym žycharom», — adznačyła namieśnica dyrektara ŽKH Leninskaha rajona Alena Kramskaja ŭ intervju «Minsk-navinam».

Sa słoŭ śpiecyjalista, Tola ciapier 2-3 tydni pažyvie ŭ siastry. Viartacca ŭ kvateru pa miescy prapiski jon daŭno nie źbirajecca. Adnak žyć u padjeździe jamu zručna:

«Jość ceły padjezd čullivych žycharoŭ, jakija jamu i sup prynosiać, i stvarajuć nieabchodny kamfort. Anatol znachodzicca na ŭtrymańni svaich susiedziaŭ. My, viadoma, budziem rabić zachady, kab jaho adtul vysielić, adnak pakul budziem hladzieć, ci vierniecca jon».

Dapamahała vysialać Tolu z padjezda prybiralščyca Ludmiła. Jana raspaviała, što ź jaho žylla vyvieźli ceły traktar rečaŭ:

«Ja kali čatyry hady tamu pryjšła siudy myć padjezdy, to była ŭ šoku: bomž žyvie pad leśvicaj, a ludzi cierpiać heta ŭsio!

My traktar rečaŭ z haryšča vyciahnuli. Na pastajannym miescy žycharstva Anatola rečaŭ sapraŭdy było mała. Ale, mahčyma, niejkim čynam jon zrabiŭ vychad na samy vierch, kudy ciaham 20 hadoŭ prynosiŭ svaje znachodki. Čaho tam tolki nie było!»

Razhledzieć «kvateru» Toli ŭ šachcie lifta niaprosta: žychar pradbačliva viešaje na dźviery zamok, jaki nie całkam zaščoŭkvajecca, ale stvaraje iluziju začynienych dźviarej.

Čytajcie taksama:

Tola Šanel. Minčuk 20 hadoŭ žyvie ŭ padjeździe byłoj žonki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
5
Ха-ха
5
Ого
4
Сумна
11
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930