Znajści
Ałharytmičny łacinski varyjant
29.05.2024 / 17:216RusŁacBieł

Anansavanaja ChatGPT-5, jakaja moža nieści pahrozu ŭsiamu čałaviectvu 

Nie prajšło i miesiaca z vychadu našumiełaj ChatGPT Omni, jak užo anansavali i pačali teściravać «novuju pieradavuju madel» ChatGPT-5. Hetaja madel moža stać pieršym u śviecie ŭniviersalnym štučnym intelektam (UŠI), jaki, pavodle acenak, budzie zdolny vučycca, razumieć i prymać rašeńni całkam samastojna, a taksama moža zachacieć źniščyć ludziej z pryčyny ich niepatrebnaści.

Ilustracyjnaja demanstracyja mahčymaściej moŭnaj madeli 5-ha pakaleńnia ŭ paraŭnańni z papiarednimi viersijami, pakazanaja na niadaŭniaj kanfierencyi kampanij Microsoft i OpenAI. Fota: Microsoft

Kampanija OpenAI, raspracoŭščyk suśvietna viadomaj niejrasietki ChatGPT, učora abviaściła pra pačatak teściravańnia «novaj pieradavoj madeli», jakaja nablizić čałaviectva da stvareńnia pieršaha ŭ śviecie ŭniviersalnaha štučnaha intelektu (Artificial General Intelligence / AGI, albo UŠI) — nastupnaj stadyi evalucyi štučnaha intelektu, jakaja značna pieravysić mahčymaści ludziej.

Hetaj pieradavoj madellu moža akazacca ChatGPT-5, nievialiki anons jakoj tydniem raniej zrabiŭ hiendyrektar OpenAI Sem Altman. Jon zajaviŭ, što novaja viersija niejrasietki «budzie funkcyjanavać jak virtualny mozh» i budzie kardynalna adroźnivacca ad papiarednich viersij.

Altman taksama adznačyŭ, što novaja viersija moža atrymać «asablivuju nazvu» zamiest standartnych sieryjnych nazvaŭ ChatGPT, pieradaje vydańnie Windows Central, adzin z aficyjnych resursaŭ kampanii Microsoft.

Charakterna, što jašče ŭ kancy minułaha hoda, pa infarmacyi niekalkich krynic ahienctva Reuters, kampanija OpenAI zrabiła «mahutnaje adkryćcio» ŭ raźvićci štučnaha intelektu, jakoje «niasie pahrozu dla ŭsiaho čałaviectva».

Havorka tady išła pra zakryty ekśpierymientalny prajekt kampanii pad niestandartnaj dla ChatGPT nazvaj Q* (Q-Star), jaki zaśviedčyŭ značnyja pośpiechi na šlachu stvareńnia ŭniviersalnaha štučnaha intelektu.

Aktyŭnaja raspracoŭka hetaj pieradavoj madeli-pravobrazu UŠI mahła stać pryčynaj letašniaha skandału z časovym zvalnieńniem Sema Altmana z pasady hiendyrektara OpenAI.

Pavodle krynic, rada dyrektaraŭ kampanii tady była napałochanaja adnoj sa spravazdač ab dasiahnieńniach prajekta Q-Star i była aburanaja tym, što Sem Altman raspracoŭvaŭ madel ciškom i biez poŭnaha infarmavańnia rady.

«Bolš za ŭsich turbavaŭsia adzin z čalcoŭ rady dyrektaraŭ OpenAI i ŭradženiec Rasii prahramist Illa Suckievier. Jon, u adroźnieńnie ad Altmana, vystupaje suprać kamiercyjalizacyi i imklivaha raźvićcia štučnaha intelektu, bo baicca, što UŠI ŭ budučyni budzie abychodzicca ź ludźmi hetak ža, jak ludzi abychodziacca z žyviołami», — adznačyła tady vydańnie The Wall Street Journal sa spasyłkaj na supracoŭnikaŭ OpenAI, znajomych ź situacyjaj.

Ale ŭ vyniku skandał skončyŭsia tym, što Altmana viarnuli na pasadu hiendyrektara OpenAI, a Illa Suckievier, taksama stvaralnik ChatGPT, byŭ zvolnieny.

Kamanda Suckieviera pa acency ryzyk raźvićcia mahutnych sistiem ŠI, jakaja składałasia ŭ tym liku ź niezaležnych ekśpiertaŭ pa kibierbiaśpiecy, była rasfarmiravanaja. Zamiest jaje Sem Altman stvaryŭ novuju kamandu toj ža nakiravanaści, ale składajecca jana vyklučna z supracoŭnikaŭ OpenAI i padnačalenych Altmana.

Sem Altman (źleva) i Illa Suckievier (sprava). Fota: Abigail Uzi / Tel Aviv University

Ciapier, pavodle ŭčorašniaha paviedamleńnia OpenAI ab pačatku teściravańnia novaj pieradavoj madeli štučnaha intelektu, kampanii taksama nieabchodna 90 dzion na analiz źviazanych z madellu ryzyk. Hetaja pracedura pavinna dać karysnyja rekamiendacyi radzie dyrektaraŭ pierad vypuskam pradukta.

Pa infarmacyi roznych krynic, novaja madel moža źjavicca ŭžo ŭ hetym hodzie.

Nahadajem, što jašče niadaŭna OpenAI vypuściła abnaŭleńnie ChatGPT pad nazvaj Omni, jakaja vyklikała vakoł siabie sapraŭdny ažyjataž va ŭsim śviecie. 

Madel moža analizavać i apisvać usio vakoł, pry hetym razmaŭlajučy z karystalnikam u režymie realnaha času pry dapamozie kamiery, a taksama razmaŭlać emacyjna z vykarystańniem roznych intanacyj, vałodajučy charyzmaj, ironijaj i humaram.

Heta daloka nie poŭny śpis funkcyj Omni. «Naša Niva» raniej asobna apisała mahčymaści viersii i navat prateściravała niekatoryja ź ich.

Čytajcie taksama:

Openal, Microsoft i Amazon damovilisia abaraniać čałaviectva ad mahutnych ŠI-sistem

«Ja šakavanaja i złaja». Skarlet Jochansan abvinavaciła OpenAI u kradziažy svajho hołasu

Štučny intelekt budzie treniravacca na navinach bujnych miedyjakampanij. A im za heta zapłaciać $250 miljonaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
12
Панылы сорам
9
Ха-ха
5
Ого
5
Сумна
5
Абуральна
14
6
Zmahar /adkazać/
29.05.2024
Chvatit zasirať ludiam mozhi i uvodiť vnimanije ot diejstvitielno VAŽNYCH voprosov! 🤮
1
Jeroma/adkazać/
29.05.2024
Aleś, a patamušta jamu stanit prosta niechren diełać onžaž spać i biezdielničać nie umieit jevo uklučyli i on srazu načynajet dumać v miljon raz bystrej čałavieka  kahda vsie zadački prahramistav rešyt i pra vsio pieradumajet jemu staniet skušna i on načniot zachvatyvać mir
0
Trasianka/adkazać/
07.06.2024
Kakoje krasivaje biełaruskaje słova "teściravać" zamiest "testavać"
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930