Znajści
Ałharytmičny łacinski varyjant
29.05.2024 / 13:371RusŁacBieł

Kitaj paśla pačatku vajennych dziejańniaŭ va Ukrainie byŭ hatovy pastavić Rasii zbroju pa prośbie Pucina 

Što jamu pieraškodziła heta zrabić?

Razmova Džo Bajdena i Si Czińpina. 18 sakavika 2022 hoda. Fota: Casa Blanca vía AP

Jak piša ahladalnik The Washington Post Devid Ihnacius, spasyłajučysia na nienazvanaha čynoŭnika, praź niekalki tydniaŭ paśla pačatku ŭvarvańnia va Ukrainu Kitaj publična zaklikaŭ da spynieńnia ahniu, adnak Pucin «maliŭ ab pastaŭkach zbroi». I Si hatovy byŭ pajści nasustrač.

Adnak Kitaj źmianiŭ svaje płany paśla zvanka prezidenta ZŠA Džo Bajdena, jaki papiaredziŭ Si Czińpina ab tym, što Złučanyja Štaty adkažuć na taki krok. Dvuchhadzinnaja razmova lidaraŭ adbyłasia 18 sakavika 2022 hoda.

Spasyłajučysia na svaju krynicu, vydańnie śćviardžaje, što heta papiaredžańnie vyklikała hnieŭnuju reakcyju Si, jaki ŭ adkaz zapytaŭsia, ci nie pahražaje Bajden jamu.

Paśla hetaj razmovy kitajski lidar ustrymaŭsia ad pramych pastavak zbroi. U toj ža čas, jak zajaŭlajuć nienazvanyja aficyjnyja asoby ZŠA, były vice-premjer Dziaržsavieta Kitaja i adzin z najbolš davieranych pieramoŭščykaŭ z Zachadam Lu Che byŭ pryznačany kantralavać «prychavanuju dapamohu vajennym namahańniam Rasii».

U svajoj kałoncy ahladalnik The Washington Post adznačaje, što

aficyjnyja asoby ZŠA ciapier zakłapočanyja tym, što Piekin, technična prytrymlivajučysia svajho abiacańnia nie pastaŭlać zbroju Maskvie, staŭ samym bujnym pastaŭščykom dla abaronnaha siektara Rasii.

Zhodna sa spravazdačaj Fonda Karnehi, Kitaj pastaŭlaje ŭ Rasiju 50 najmieńniaŭ tavaraŭ dvajnoha pryznačeńnia. Pry hetym ich dola ŭ rasijskim imparcie vyrasła z 32 pracentaŭ u 2021 hodzie da 89 u 2022-m.

Dziaržsakratar ZŠA Entani Blinkien u intervju VVS adznačyŭ, što chacia Kitaj i praciahvaje ŭstrymlivacca ad pieradačy realnaj zbroi, jaho dola składaje 70% u rasijskim imparcie stankoŭ i 90% — mikraelektroniki.

Čytajcie taksama:

«Amierykancy skazali Rasii, što źniščać usie rasijskija vajennyja abjekty va Ukrainie, kali Pucin rašycca na prymianieńnie jadziernaj zbroi»

Kitaj pabudavaŭ i chavaje ŭ tajamnicy pieršy ŭ śviecie «dronanosiec»

Si Czińpin prapanavaŭ čatyry pryncypy ŭrehulavańnia ŭkrainskaha kryzisu

Blinkien asabista lacić u Kitaj z «apošnim kitajskim» nakont pastavak Rasii

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
1
Ха-ха
2
Ого
1
Сумна
3
Абуральна
26
0
Fiedzia/adkazać/
29.05.2024
Kitaj sovmiestno s putinym raźviazyvalŝiki etoj vojny. K kitajcam nado stavicca sootvietstvujuŝie, eto vražki.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930