Znajści
Ałharytmičny łacinski varyjant
29.05.2024 / 10:381RusŁacBieł

Žurnalist RT pakazaŭ, jak rasijskija vojski vykarystoŭvajuć chimičnuju zbroju va Ukrainie

Kreml uvieś čas admaŭlaje ŭžyvańnie chimzbroi va Ukrainie.

Žurnalist dziaržaŭnaha rasijskaha infarmahienctva RT Andrej Fiłataŭ pakazaŭ, jak rasijskija vojski «vykurvali» ŭkrainskaha kulamiotčyka z pazicyi ŭ rajonie Aŭdziejeŭki. Fiłataŭ pryznaŭsia ŭ vykarystańni VS RF chimičnaj zbroi — hazavych hranat, źviarnuła ŭvahu ASTRA. Videa apublikavaŭ aficyjny telehram-kanał RT. 

«Tut vidać procivahaz, jaki visieŭ u kulamiotčyka. Cynki z-pad patronaŭ. Tut voś hazavaja hranata, jakuju skinuli my», — kaža Fiłataŭ u svaim repartažy. 

Fiłataŭ pakazaŭ, jak miarkujecca, rasijskuju hazavuju hranatu RH-RA (ručnaja hranata — rečyva atrutnaje). Pa dadzienych USU, u RH-RA źmiaščajecca atrutny haz chłoracetafienon. Hety haz znachodzicca ŭ 1 śpisie Kanviencyi ab chimičnaj zbroi. Simptomy atručvańnia chłoracietafienonom — heta vanity i ślozavydzialeńnie, a taksama razdražnieńnie skury. 

Sa słoŭ Fiłatava, ukrainskaja pazicyja była ŭziataja rasijskimi vojskami 1 śniežnia 2023 hoda. U paście RT adznačajecca, što «raniej publikavać hetyja kadry było nielha ź mierkavańniaŭ biaśpieki». Upieršyniu ab vykarystańni hranat RH-RA rasijskaj armijaj USU paviedamili ŭ tym ža miesiacy. 

Pra ŭžyvańnie hranaty RH-RA rasijskim bokam taksama raspaviadaŭ błohier Uładzimir Ramanaŭ. 

«Znajomciesia, heta RH-RA. Vielmi efiektyŭnaja hazavaja hranata. Šlacham skidu z koptara jana dapamahaje chutka vykurvać praciŭnika z chovanki», — napisaŭ jon u telehram-kanale ŭ kancy 2023 hoda. 

U pačatku traŭnia dziaržaŭny departamient ZŠA abvinavaciŭ Rasiju ŭ vykarystańni hazu chłorpikryn suprać ukrainskich vojskaŭ u parušeńnie Kanviencyi ab zabaronie chimičnaj zbroi. 

Pres-sakratar prezidenta RF Dźmitryj Piaskoŭ tady adkazaŭ, što «jak zaŭsiody, takija abvinavačvańni hučać absalutna hałasłoŭna i ničym nie padmacavanyja».

Čytajcie taksama:

Ukraina i ZŠA zajaŭlajuć, što Rasija prymianiaje ŭ bajach zabaronieny taksičny haz

Krainy NATA paprasili Zialenskaha nie patrabavać siabroŭstva Ukrainy ŭ aljansie

Rasija hatovaja praciahvać Stambulski pieramoŭny praces — Pucin

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
2
Ха-ха
0
Ого
1
Сумна
0
Абуральна
39
0
Horspravka/adkazać/
29.05.2024
chłoracietofienon - v SSSR nazvanije haz "Čieriemucha". Čieriemuchu primieniali jeŝio dla zaŝity diejstvujuŝiej vłasti ot Poźniaka i BNF v 1989 hodu. 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930