Znajści
Ałharytmičny łacinski varyjant
28.05.2024 / 22:43RusŁacBieł

U Polščy zatrymali dvuch biełarusaŭ, padazravanych u ździajśnieńni padpałaŭ

Ahienctva ŭnutranaj biaśpieki Polščy (AUB) zatrymała ŭ Varšavie niekalki čałaviek pa padazreńni ŭ ździajśnieńni padpałaŭ na terytoryi krainy, piša «Pozirk» na asnovie materyjałaŭ polskaj presy.

 

Fota: miejskireporter.pl

Jak paviedamiła 28 maja Gaszeta Wyborcza, u liku zatrymanych — uładalnik aŭtamabila Renault ź biełaruskimi dziaržnumarami.

Adznačajecca, što zatrymańni pravodzili supracoŭniki AUB «u maskach i z daŭhastvolnaj zbrojaj». Padčas vobšuku aŭtamabila vyjaŭlenyja «pustyja kanistry, bujnaja suma najaŭnych hrošaj u roznaj valucie, a taksama kabieli, łom i pradmiety, jakija nahadvajuć batarejki».

«Vidavočcy śviedčać, što ŭ zatrymanaha pravaachoŭnikami mužčyny vyjavili niekalki mabilnych telefonaŭ», — havorycca ŭ publikacyi vydańnia.

Paviedamlajecca, što havorka idzie pra aryšt padazravanych u ździajśnieńni padpałaŭ, adnak, «śledčyja prakuratury i AUB nie chočuć raskryvać nijakich padrabiaznaściaŭ». Taksama nieviadomaja kolkaść zatrymanych.

Pavodle infarmacyi partała miejskireporter.pl, u horadzie Pruškaŭ Mazavieckaha vajavodstva pa «spravie ab padpałach» zatrymana dvoje hramadzian Biełarusi. Padrabiaznaści nie paviedamlajucca.

21 maja premjer-ministr Polščy Donald Tusk zajaviŭ, što siarod padazravanych u arhanizavanych Rasijaj sprobach dyviersij jość hramadzianie Biełarusi. Havorka išła, u pryvatnaści, pra spynienuju sprobu padpału zavoda pa vytvorčaści farbaŭ va Urocłavie.

«Na hety momant u nas jość dzieviać padazravanych, aryštavanych i abvinavačanych va ŭdziele ŭ dyviersijach u Polščy na zapyt rasijskich słužbaŭ. Heta tyčycca napadu, padpału i sproby padpału», — skazaŭ jon.

Pa słovach polskaha premjera, havorka idzie pra ludziej z «kryminalnaha śvietu»:

«Heta tyčycca hramadzian Ukrainy, Biełarusi i Polščy. Hetaje pytańnie nie nosić nacyjanalnaha charaktaru».

Padobnyja dziejańni płanavalisia taksama ŭ Litvie, Łatvii i Šviecyi, śćviardžaje kiraŭnik polskaha ŭrada.

@nashanivanews Palityčnyja zatrymańni adbylisia ŭ teatry ŭdavy Makieja #makiej#biełaruś#našaniva#tieatr#aktiery#majakrainabiełaruś#tiuz#rieprieśsii#biełaruskajamova♬ Crime Scene - Avery Alexander

Čytajcie taksama:

«Sprava vielmi surjoznaja». U Polščy praciahvajecca sprava padazravanych u dyviersijach i sabatažy

U Polščy stvaryli jašče adnu kamisiju pa rasijskim i biełaruskim upłyvach

Uzmacnić miažu i zabyć? Što aznačaje dla Biełarusi žadańnie Polščy vydatkavać $2,5 miljarda na ŭzmacnieńnie miažy

U Polščy stvorać kamisiju pa rasśledavańni ŭpłyvu Rasii i Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
0
Ого
0
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930