Znajści
Ałharytmičny łacinski varyjant
29.05.2024 / 15:248RusŁacBieł

Łukašenka ŭ vystupie paŭtaraŭ idei Marata Markava. Asoba novaha ministra infarmacyi ŭžo vyznačana?

Paśla pryznačeńnia Uładzimira Piarcova ŭ Administracyju Łukašenki takaja važnaja dla režymu pazicyja ministra infarmacyi zastajecca vakantnaj. Padumaŭšy, kandydatur na jaje nie tak šmat, ale paśla vystupleńniaŭ Łukašenki abrysy novaha kiraŭnika prapahandy prahladajucca ŭsio bolš jaŭna.

U svaim vystupleńni na źlocie prapahandystaŭ «Rola žurnalista va ŭmovach transfarmacyi hramadstva» hałoŭny hość — Alaksandr Łukašenka — davaŭ charaktarystyki ciapierašniamu stanu prapahandy i vykazvaŭ idei ab jaje budučyni.

U častcy acenak Łukašenka, jakomu zaŭždy tezisy vystupu rychtujuć zahadzia, akazaŭsia suhučnym z tymi dumkami, jakija tranśluje ananimny telehram-kanał «Hrafač», źviazany z šefam ANT Maratam Markavym. 

Marat Markaŭ u efiry Biełaruś-1

Markaŭ paśladoŭna źviartaje ŭvahu na škodu biazdumnaj, šalonaj prapahandy, jakaja nastolki nie viažacca z realnaściu navokał, što maje, chutčej, advarotny efiekt.

Jon adkryta, choć i piaščotna, krytykuje takija škodnyja elemienty ŭ efiry, jak hrupoŭku rusafiłaŭ, padobnych dziermantam i piatroŭskim, roŭna jak sproby račyłoŭskich, jakija nikoli ŭ žyćci nie pracavali, być ekśpiertami ŭ tonkich pytańniach, a taksama biazdumnuju moŭnuju płyń azaronkaŭ, jakaja vylivajecca ŭ kankretnyja prablemy dla łukašenkaŭskich dypłamataŭ.

Voś i Łukašenka aściarožna, nie pierachodziačy na piersony, najechaŭ na tych krykunoŭ, jakija «apuskajucca nižej za plintus», vychodziać na ekran i «łajuć usich i ŭsia, ličačy, što ŭžo va ŭsim razabralisia».

Pilny naziralnik zaŭvažyŭ by ŭ hetym namiok na fihuru novaha ministra infarmacyi, vakantnuju z krasavika.

@nashaniva Łukašenka paraiŭ Azaronku apuścicca na ziamlu #łukašenka#biełaruś#našaniva#biełaruśnovosti#propahanda#azarienok#biełaruskajamova♬ Funny Guy - Parry Music

Sapraŭdy, vybar u Łukašenki nie vielmi šyroki. A łaŭka ludziej, jakija trošku razumiejuć u mieniedžmiencie miedyja, akazałasia štučna skaročanaj prynamsi na adnu fihuru: nu jak ty pryznačyš Ivana Ejsmanta ministram, kali jahonaja žonka — tvoj pres-sakratar? Takoje adkrytaje kumaŭstvo Łukašenkam nie praktykavałasia, dyj pasada kiraŭnika BT i tak pryroŭnienaja da ministerskaj, tolki što padparadkoŭvajecca jon naŭprost kiraŭniku krainy.

Hałoŭny redaktar «Sovietskoj Biełoruśsii» Dźmitryj Žuk — tak sabie fihura ŭ častcy i śpiecyjalizacyi, i efiektyŭnaści, i maštabu myśleńnia, i aŭtarytetu ŭnutry sistemy.

Kali možna śmieła kazać, što prapahandu ŭ vizualnym farmacie dakładna spažyvajuć, jak minimum uklučajučy naviny, to pavieryć u toje, što biełarusy adkryvajuć «SB», kab pačytać mierkavańnie «załatoha piara» Biełarusi Mukavozčyka, nierealna — nakłady haziety niaŭmolna padajuć.

Šef STB Alaksandr Asienka vyhladaje navičkom, jakomu pakul rana daviarać bujnyja dziaržaŭnyja pasady. Jon 25 hadoŭ adpracavaŭ na rehijanalnym navapołackim telebačańni i tolki pryhladajecca da staličnych realij i praviłaŭ hulni.

Inšyja kadry z STB taksama małarealnyja: Kirył Kazakoŭ — źbity lotčyk, jaki skampramietavaŭ siabie. Jaŭhien Pustavy — šarahovy vykanaŭca brudnaj raboty.

Z ulikam impetu, enierhičnaści i viernaści łukašenkaŭskim ideałam možna było b ujavić ministram kiraŭnika dziaržaŭnaha Sajuza žurnalistaŭ Andreja Kryvašejeva, ale ŭ častcy namiekłaturnaj vahi i kiraŭničaha vopytu jany z Markavym u roznych katehoryjach. 

Markaŭ, prafiesijny vajskoviec i były supracoŭnik Administracyi Łukašenki, i ciapier pa ŭpłyvie roŭny ministram, u toj čas jak Kryvašejeŭ — fihura drabniejšaja, małazaŭvažnaja.

Vybar vyhladaje vidavočnym, ale zastajecca tolki zrazumieć adkaz na pytańnie, ci patrebna heta samomu Markavu: kiraŭniki samaha papularnaha ź biełaruskich kanałaŭ ANT histaryčna byli samymi bahatymi siarod inšych miedyjanačalnikaŭ.

Našmat pryjemniej słužyć Łukašenku, siedziačy na rekłamnych płyniach svajho kanała, čym rabić toje ž samaje ŭ kreśle ministra infarmacyi, u jakoha hrošaj mienš, a adkaznaści ŭ razy bolš. 

***

Marat Markaŭ naradziŭsia ŭ 1969 hodzie ŭ Łunincy. Skončyŭ Minskaje vyšejšaje inžyniernaje zienitna-rakietnaje vučylišča SPA, prasłužyŭ u biełaruskim vojsku 13 hadoŭ, dzie dasłužyŭsia da namieśnika kamandzira ŭzvodu. Pa skančeńni jurydyčnaha fakulteta BDU niekalki hadoŭ pracavaŭ aŭdytaram. Paźniej uładkavaŭsia ŭ Biełaruskaje telehrafnaje ahienctva. Adtul pierajšoŭ u Administracyju prezidenta, dzie dajšoŭ da pasady 1-ha namieśnika načalnika hałoŭnaha ideałahičnaha ŭpraŭleńnia. U śniežni 2011 hoda byŭ pryznačany namieśnikam staršyni Biełteleradyjokampanii ŭ infarmacyjnaj halinie. U sakaviku 2017 hoda pryznačany staršynioj praŭleńnia ANT (ZAT «Druhi nacyjanalny telekanał»). Znachodzicca ŭ sankcyjnym śpisie Jeŭrasajuza.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
1
Ха-ха
15
Ого
3
Сумна
1
Абуральна
13
0
daviedka/adkazać/
29.05.2024
Markov prievratił ONT v kanał, hdie, kohda nie tkni, komanda Putina. https://i.ibb.co/jTFKDYR/OHT-za-Putina.png
0
daviedka/adkazać/
29.05.2024
Maratu Markovu s takoj biohrafijej (nie ukazan opyt śledovatiela) puť srazu v hłavy administracii Łukašienko.
0
Zienuś/adkazać/
31.05.2024
Skončyŭ Minskaje vyšejšaje inžyniernaje zienitna-rakietnaje vučylišča SPA, prasłužyŭ u biełaruskim vojsku 13 hadoŭ, dzie dasłužyŭsia da namieśnika kamandzira ŭzvodu.
https://d3kcf2pe5t7rrb.cloudfront.net/343776


Namieśnik kamandzira ŭzvodu - heta pasada dla małodšaha aficerskaha sastavu, jakuju dajuć vypusknikam vajennaj vučelni. To bok hety piersanaž za 13 hadoŭ ni da ničoha nie dasłužyŭsia,  što jaskrava havoryć ab jaho razumovych zdolnaściach
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930