Znajści
Ałharytmičny łacinski varyjant
28.05.2024 / 18:53RusŁacBieł

Prajazny dakumient dla inšaziemcaŭ u Polščy nieŭzabavie mohuć vydavać na try hady

Centr biełaruskaj salidarnaści ŭ Varšavie paviedamiŭ, što ŭ spravie pavieličeńnia terminu dziejańnia polskich prajaznych dakumientaŭ dla inšaziemcaŭ (heta aktualna najpierš dla biełarusaŭ, jakija majuć praterminavanyja pašparty ci termin jakich nabližajecca da zakančeńnia) dasiahnuty istotny prahres.

Ilustracyjnaje fota: Centr biełaruskaj salidarnaści

Kiraŭnica adździeła pravavoj abarony CBS Volha Dabravolskaja raniej źviarnułasia da polskaj sienatarki Jevy Kališuk z prośbaj dapamahčy ŭ vyrašeńni šerahu ciažkich pytańniaŭ, ź jakimi sutykajucca biełarusy ŭ Polščy: lehalizacyja novanarodžanych dziaciej, karotki termin dziejańnia polskaha prajaznoha dakumienta, ciažkaści z atrymańniem viz i doŭhi termin razhladu zajaŭ na atrymańnie dazvołu na žycharstva.

Sienatarka Jeva Kališuk razam z kiraŭnicaj polskaha Sienata Małhažataj Kidavaj-Błonskaj źviarnułasia z adpaviednaj zajavaj da ministra ŭnutranych spraŭ i administracyi Polščy Marcina Kiervinskaha. Adtul atrymany adkaz, što

praca pa praciahvańni terminu dziejańnia polskaha prajaznoha dakumienta ŭžo pačałasia. Ź vialikaj dolaj vierahodnaści hety dakumient buduć vydavać na 3 hady, a nie na 1, jak heta jość ciapier.

Taksama Ministerstva šukaje rašeńnie, jakoje b dazvoliła biełarusam spraścić praceduru lehalizacyi dziaciej u Polščy. 

U sakaviku pa pytańni lehalizacyi biełarusaŭ z namieśnikam ministra ŭnutranych spraŭ Polščy Maciejem Duščykam sustrakalisia taksama namieśniki kiraŭnicy Abjadnaha pierachodnaha kabinieta Pavieł Łatuška i Valer Kavaleŭski. Siarod pytańniaŭ jany abmiarkoŭvali i pavieličeńnie da 3 hadoŭ terminu dziejańnia polskaha prajaznoha dakumienta.

Čytajcie taksama:

Kavaleŭski adkazaŭ na vosiem haračych pytańniaŭ pra pašpart Novaj Biełarusi

Vyzvaleńnie z turmy ŭ Słavienii, šluby ŭ Šviecyi, padtrymka ŭ Izraili. Jak narodnyja ambasady dapamahajuć biełarusam

U Polščy rychtujuć źmieny ŭ Zakon ab zamiežnikach. Jany zakranuć atrymańnie DNŽ i Blue Card

Pieršyja biełarusy ŭžo atrymali litoŭskija humanitarnyja DNŽ na 3 hady

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930