Znajści
Ałharytmičny łacinski varyjant
28.05.2024 / 19:207RusŁacBieł

Papa Rymski trapiŭ u vialiki skandał paśla zajavy, što ŭ katalickich sieminaryjach kvitnieje «hamasiacina»

Bujnyja italjanskija vydańni paviedamili, što na niadaŭnim zakrytym pasiadžeńni ŭ Vatykanie Papa Rymski Francišak adkryta vykarystaŭ vielmi abraźlivuju italjanskuju łajanku ŭ adnosinach da «navučencaŭ niekatorych sieminaryj» z-za ich seksualnaj aryjentacyi. Vybuchnuŭ vialiki skandał.

Papa Rymski Francišak. Fota: AP

Jak paviedamlaje The Guardian, italjanskija vydańni La Repubblica, Corriere i Adnkronos vyśvietlili padrabiaznaści niadaŭniaj zakrytaj hutarki Papy Rymskaha Franciška ź biskupami, padčas jakoj Francišak «paskardziŭsia na vialikuju kolkaść hiejaŭ siarod navučencaŭ u sieminaryjach».

«U svajoj pramovie Papa Rymski Francišak vykazaŭsia suprać pryjomu hiejaŭ u sieminaryi i adznačaŭ, što, choć i važna być pamiarkoŭnymi da ŭsich, ale całkam vierahodna, što hiej moža ryzyknuć vieści padvojnaje žyćcio ŭ škodu praviłam.

Paśla hetaha Francišak zajaviŭ, što ŭ niekatorych sieminaryjach raźviałosia zanadta šmat frociaggine. Hetaje słova źjaŭlajecca vielmi abraźlivym italjanskim žarhonam, jakoje pierakładajecca jak «hałubizna», «hamasiacina» i inšyja bolš maciernyja ekvivalenty», — pieradaje The Guardian. 

Vydańnie sa spasyłkaj na italjanskija miedyja adznačaje, što spačatku biskupy, jakija prysutničali na zakrytym pasiadžeńni, pasprabavali apraŭdacca, što «Papa Rymski vykarystaŭ słova frociaggine u jakaści žartu i, pakolki sam Francišak z Arhienciny, to jon nie viedaŭ, što hetaje italjanskaje słova źjaŭlajecca nastolki abraźlivym».

Paśla incydent z zajavaj Franciška prakamientavaŭ i aficyjny partał Vatykana, publična vybačyŭšysia za słovy Papy Rymskaha.

«Papa Francišak viedaje pra niadaŭnija artykuły, jakija tyčacca zakrytaj razmovy ź biskupami. Papa nikoli nie mieŭ namier nikoha abražać abo vykazvać hamafobnyja zajavy, i jon prosić prabačeńnia ŭ tych, chto adčuŭ siabie abražanym z-za vykarystańnia im taho słova, pra jakoje paviedamili inšyja», — zajaviŭ dyrektar pres-słužby Śviatoha Trona Matea Bruni.

Čytajcie taksama:

Vatykan dazvoliŭ błasłaŭlać adnapołyja pary

Bieź śviatła, vady i chrama žyvie ŭ Minsku Kapiełan Papy Rymskaha

«Nas ličać prostym tavaram». U Vatykanie muziejščyki i achoŭniki mohuć upieršyniu padać u sud suprać uładaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
10
Ха-ха
29
Ого
4
Сумна
1
Абуральна
1
4
heta prosta dumki ŭsłych/adkazać/
28.05.2024
Miž inšym, heta niejkim čynam tłumačyć adsutnaść u papy rymskaha vyraznaj antyvajennaja i antydyktatarskaj pazicyi: papa spadziajecca, što voś tam u pu i łu, zachavalisia sapraŭdnyja chryścijanskija [s]skrepy[/s] kaštoŭnaści.
1
Katalik/adkazać/
29.05.2024
Niachaj admianiaje celibat albo nie ździŭlajecca, bo hetaja źjava ŭ katalickaj carkvie była, jość i budzie!
0
Katolik/adkazać/
29.05.2024
Au, etot «śviatoj» poddierživał fašistkuju chuntu v Arhientinie…
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930