Znajści
Ałharytmičny łacinski varyjant
28.05.2024 / 18:0921RusŁacBieł

«Staryja ludzi vyłuplivajuć vočy na mianie». Indyjskaja studentka aburyłasia staŭleńniem biełarusaŭ

Biełarusaŭ pryniata ličyć talerantnymi. Ale adna 19-hadovaja indyjka, jakaja vyvučaje ŭ našaj krainie miedycynu, z hetym nie zhodnaja.

U anhłamoŭnaj sacsietcy Reddit źjaviŭsia post indyjki pra toje, jak u Biełarusi žyviecca čałavieku inšaj rasy. Ananimnaja emihrantka ź Indyi, jakaja vyvučaje ŭ našaj krainie miedycynu, apisvaje ŭ paście, jak biełarusy staviacca da zamiežnikaŭ i da jaje ŭ pryvatnaści. Na jaje dumku, hetaje staŭleńnie dziŭnaje:

«Staryja ludzi vyłuplivajuć vočy na mianie tak, nibyta jany mianie asudžajuć. Ci narmalna, što ja nie budu mieć siabroŭ siarod biełarusaŭ? Bo heta traŭmavalna. Taksama ja budu vučyć ruskuju, kab stać choć maleńkaj častkaj ich supolnaści».

Post dziaŭčyny sabraŭ 89 kamientaroŭ. Bolšaść z tych, chto adreahavaŭ na kryk dušy indyjki, sprabujuć jaje supakoić — maŭlaŭ, nie ŭsio tak drenna:

«Šmat starych ludziej hladziać na ŭsich tak, nibyta jany ich asudžajuć. Heta nie zaležyć ad taho, adkul ty: nie toje adzieńnie, nie taja stryžka, zanadta radasny i h.d.»

«Nichto ŭ Biełarusi nie chvalujecca nakont zamiežnikaŭ ci ludziej inšych ras. Kali ŭ vašym horadzie jość univiersitet, asabliva miedyčny, vy, vierahodna, bačyli ludziej usich koleraŭ skury. Zdajecca, vy prosta zanadta samaŭpeŭnienaja, bo vy absalutna nie cikavaja ni starym, ni maładym, hetak ža jak i inšyja ludzi, kaho jany bačać na vulicy. Vaš koler skury nie robić vas nastolki asablivaj, jak vam zdajecca».

 «Heta nie rasizm, ludzi hladziać na vas prosta ź cikaŭnaści abo z-za taho, što vy vyhladajecie ekzatyčna. Dadam, što biełarusy — krutyja ludzi, vielmi adukavanyja i vietlivyja. Prosta treba razumieć ich minułaje, ich kulturu i pavodziny».

Niekalki biełarusaŭ pajšli dalej za słovy supakojvańnia i prapanavali dziaŭčynie sustrecca za kubkam kavy — čym nie praktyka anhlijskaj movy? Niekatoryja kamientatary kažuć pra toje, što sama ideja vučycca ŭ Biełarusi sumnieŭnaja, bo heta dyktatarskaja kraina.

Adzin ź ich znajšoŭ cikavaje abhruntavańnie nibyta pavyšanaj uvahi da dziaŭčyny: maŭlaŭ, indyjcy padobnyja da cyhan, a biełarusy cyhan nie lubiać.

Dziaŭčynie taksama prapanavali pahladzieć na situacyju ź inšaha boku. Maŭlaŭ, jak by ŭ indyjskaj pravincyi hladzieli na biełaha čałavieka? Jašče adna ideja dla jaje — usio ž taki zavieści siabroŭ u Biełarusi: «Jak tolki ŭ vas źjaviacca siabry (a jany ŭ vas źjaviacca tym ci inšym čynam), vy pabačycie, što vaš koler skury budzie absalutna nieistotny. Prosta budźcie dobrym čałaviekam, i ŭsio ŭ vas budzie fajna».

U kamientary pryjšoŭ jašče adzin indyjec, ale bolš abaznany ŭ biełaruskaj temie, bo jon žanaty ź biełaruskaj. Hety kamientatar raskazaŭ pra našu krainu sa svajho dośviedu — atrymalisia vielmi ciopłyja słovy:

«Kali prykłaści namahańni i vyvučać kulturu i movu, Biełaruś moža być dla vas sapraŭdy cudoŭnym miescam. Viadoma, zaŭždy buduć zakrytyja ludzi, ale šlub ź biełaruskaj adkryŭ dla mianie cełuju novuju kulturu. Ja taksama viedaju rasijskuju movu (nie maja rodnaja), tamu nie chvalujusia nakont movy. 

Prosta zrabicie namahańni, kab vyvučać kulturu i movu i adaptavacca, vy budziecie ździŭlenyja, nakolki ciopłymi mohuć być biełarusy. Heta pryhožaja kraina, kali vy razumiejecie ludziej».

«Naša Niva» — bastyjon biełaruščyny

PADTRYMAĆ

Čytajcie taksama:

Mark Formelle źniała klip z «azijatkaj u nižniaj bialiźnie» i vyklikała pałkuju dyskusiju

«Vaŭ! Mnie napisała sama Kacia Snycina!» Žurnalistka «Trybuny» Sabina Alijeva pra adnosiny, kaminh-aŭt i bulinh

«Razmaŭlaju pa-biełarusku, kab mova nie zahinuła». Palak vyvučyŭ biełaruskuju movu nastolki, što vodzić na joj ekskursii i vykładaje

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
17
Панылы сорам
11
Ха-ха
32
Ого
5
Сумна
7
Абуральна
10
7
Maksim Dizajnier/adkazać/
29.05.2024
Davaj

Ty takich vkusnych produktov, kak v Syzranie, Samarie i Riazani nikohda nie vidieł, i jeŝie 30 let nie uvidiš, pripadočnyj. Dažie jeśli smienitsia riežim.
3
Maksim Dizajnier/adkazać/
29.05.2024
Davaj,

I ja pro Minsk tvoj lubimyj pisał, Syzrań. V Indii - eto tri bolšich mahazina, kak v vašiem hipiermarkietie odin vino-vodočnyj otdieł.
0
Kacap/adkazać/
31.05.2024
Maksim Dizajnier, Jakich praduktaŭ, durań, usie narmalevyja pradukty maskavity kuplajuć u nas, sami jany niazdolnyja ničoha vyraścić.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930