Znajści
Ałharytmičny łacinski varyjant
29.05.2024 / 10:243RusŁacBieł

Biełarusy skardziacca, što miesiacami nie mohuć zapisacca na padaču na vizu

Atrymańnie jeŭrapiejskaj vizy — sapraŭdny kvest. Čytačy raskazvajuć pra składanaści z polskimi vizami.

Ilustracyjny zdymak. Fota: «Naša Niva»

Pamahatary nie dajuć rady 

Adzin z surazmoŭcaŭ kaža, što ŭžo dva miesiacy maje na rukach zapavietnaje zaprašeńnie ad palaka, ale zapisacca na padaču vizy ŭsio adno nie moža.

«Zaprašeńnie kaštavała mnie 300 dalaraŭ i dva z pałovaj miesiacy čakańnia. Spačatku ź miesiac šukaŭ taho, chto zachoča «zaprasić» mianie ŭ hości, a potym jašče miesiaca paŭtara treba było pačakać, pakul jaho aformiać polskija orhany i jano patrapić mnie ŭ ruki. Chutka budzie dva miesiacy, jak sprabuju zapisacca na padaču», — skardzicca mužčyna, jaki ź zimy aktyŭna zajmajecca atrymańniem vizy.

Pa jaho słovach, zabraniravać datu nie atrymlivajecca ni samastojna, ni praz pamahataraŭ.

«Za dapamohu z zapisam pasiarednik zaprasiŭ 350 rubloŭ, papiarednie abiacaŭ, što ciaham 2-3 tydniaŭ abaviazkova zapiša, ale ničoha nie atrymałasia. Niedzie praź miesiaca paŭtara mnie patelefanavali i paviedamili, što naŭrad ci zmohuć dapamahčy. Skazali, nibyta ciaham krasavika volnych dat naohuł nie vypadała».

Mužčynie taksama paraili pasprabavać zapisacca samastojna abo pašukać znajomych, jakija pracujuć u vizavym centry. 

Mužčyna kaža, što pamahatary spasyłajucca na toje, što nibyta paśla taho, jak z sakavika Polšča źmianiła praviły zapisu na padaču, zapisacca na vizu stała amal niemahčyma, u tym liku samastojna.

Siarod jaho znajomych taksama jość ludzi, jakija ŭžo bolš za miesiac nie mohuć zapisacca na padaču na polskuju vizu.

Ilustracyjny zdymak. Fota: «Naša Niva»

Z kartaj palaka praściej?

Inšaja surazmoŭca raspaviadaje, što ź siaredziny krasavika biezvynikova namahajecca zapisacca na padaču na vizu na padstavie karty palaka.

«Hadami zapisvałasia na vizu z dapamohaj znajomaj, ale sioleta nijak nie atrymoŭvajecca, choć zapis na padaču pa karcie palaka zaŭsiody ličyŭsia samaj prostaj zadačaj».

Składanaści z pracoŭnymi vizami

Mužčyna, jaki pracuje dalnabojščykam u polskaj kampanii, vymušana znachodzicca ŭ praciahłym adpačynku, bo taksama nie moža zapisacca na padaču.

«Rabiŭ pracoŭnyja vizy z 2021 hoda i nikoli nie mieŭ prablem z zapisam. Pieršuju vizu atrymaŭ niedzie praz try tydni, jak tolki znajšoŭ pracu ŭ Polščy. Da hetaha razu nijakich zatrymak nie było», — kaža dalnabojščyk.

Jon nie adziny supracoŭnik na firmie, jaki sutyknuŭsia z padobnaj prablemaj.

Ilustracyjny zdymak. Fota: «Naša Niva»

«Kalehi kažuć, što praz toje, što rabić vizy stała składaniej, pracadaŭca pačaŭ aktyŭna prapanoŭvać rabić časovyja dazvoły na žycharstva tym kiroŭcam-biełarusam, jakija dobra pracujuć i majuć namier zastavacca na pracy».

Praz toje, što siadzieć miesiacami biez pracy doraha, mužčyna pačaŭ šukać lubyja šlachi, jak paskoryć praces.

«Ale ŭsio biezvynikova. Čałaviek, znajomy z konsułam, paviedamiŭ, što nibyta ź niadaŭniaha času pašparty viazuć u Varšavu i tam uklejvajuć vizu, tamu nibyta na miescy (u Biełarusi — «NN») vyrašyć pytańnie ź vizaj niemahčyma», — raspaviadaje dalnabojščyk.

Ź jaho słoŭ, u jaho jeść tolki adna znajomaja, jakaja ŭ mai zdoleła samastojna zapisacca na padaču. Na heta ŭ jaje syšło try dni, amal całkam praviedzienyja za kampjutaram.

Čytajcie taksama:

Polskija vizavyja centry ŭviali asobnuju rehistracyju jašče dla adnoj katehoryi biełarusaŭ

Źmianilisia praviły padačy dakumientaŭ na polskuju vizu ŭ Biełarusi

Ałbanija admianiła biaźviz dla biełaruskich čynoŭnikaŭ i dypłamataŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
11
Ха-ха
5
Ого
3
Сумна
17
Абуральна
14
3
F/adkazać/
29.05.2024
Ciažkaparanieny mihrantami polski pamiežnik lažyć u špitali, mazaičny i jaho kodła pramym tekstam pahražajuć vajnoj, Polšča tracić €2.5 młrd na umacavańnie miažy (u tym liku minnymi palami). U takim vypadku nia dziva, što vizu atrymać tak składana, i hajki buduć zaciskacca ŭsio macniej i macniej, i ź ciaham času ŭvohule atrymać choć jakuju vizu budzie niemahčyma. Vyjście adno: jechać tudy z kancami, nie planujučy viartacca ŭvohule. Pakul heta jašče mahčyma.
1
rieał-politik/adkazać/
29.05.2024
takaja situacija vyhodna vsiem. kromie poriadočnych hraždan : vizovym cientram, konsulatam, firmam turističieskim, a takžie odinočkam-prohrammistam.
SITUACIJA NA SIEHODNIAŠNIJ DIEŃ TAKAJA :  BIEZ "POMOŜI"  ETICH VYŠIEPIERIEČIŚLENNYCH  VOJTI V SOBSTVIENNYJ KABINIET NA VIZOVOM CIENTRIE NIE-VOZ-MOŽ-NO !  Prosto sbrasyvajetsia ili postojanno krutitsia. I biełorusskim vłastiam eto tožie oooooooooooooooočień vyhodno.
29.05.2024
Skazana - buduć miniravać, začyniać, budavać mur. Pra vizy ničoha nie skazana. Jakija pytańni? U nas na uschod 7000 kiłomietraŭ nieahledžannych terytoryj. Hulaj da śmierci, nie vyhulaješ
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930