Znajści
Ałharytmičny łacinski varyjant
28.05.2024 / 14:063RusŁacBieł

Kitajskija daktary zajavili, što ŭpieršyniu vylečyli chvoraha na dyjabiet

Havorka pakul tolki dyjabiet adnaho z typaŭ. I tym nie mienš, jak heta ŭ ich vyjšła?

Fota: vecteezy

Jak piša vydańnie Daily Mail, hrupa vučonych z Šanchaja raspracavała terapiju, jakaja dapamahła 59-hadovamu pacyjentu, jaki pakutavaŭ na dyjabiet 2 typu, paśpiachova pazbavicca chvaroby. U hetym im dapamahła transpłantacyja stvałavych kletak.

Svaim pośpiecham vučonyja padzialilisia ŭ artykule, što apublikavany ŭ časopisie Cell Discovery.

Ekśpierymientalnaje lačeńnie składałasia sa stvareńnia štučnaj viersii kletak padstraŭnikavaj załozy, jakija vypracoŭvajuć insulin i kantralujuć uzrovień cukru ŭ kryvi.

Viadoma, što mužčyna pakutavaŭ na dyjabiet 2 typu na praciahu 25 hadoŭ, i jaho stan tolki paharšałasia. U mužčyny była vysokaja ryzyka śmiarotnych uskładnieńniaŭ, i jamu patrabavałasia niekalki injekcyj insulinu kožny dzień, kab nie dapuścić padzieńnia ŭ dyjabietyčnuju kamu.

Dla taho, kab pryvieści pacyjenta ŭ stan remisii, u lačeńni byli vykarystany stvałavyja kletki, jakija ŭjaŭlajuć saboj kletki «čystaha lista». Ich možna pieraprahramavać u roznyja typy kletak, jakija nieabchodnyja arhanizmu dla funkcyjanavańnia, naprykład, u tkaniny mozhu, ciahlic, nyrak ci navat padstraŭnikavaj załozy.

Kitajskija lekary vykarystali novy chimičny kaktejl, jaki dazvalaje pieratvaryć stvałavyja kletki pacyjenta ŭ kletki padstraŭnikavaj załozy, jakija vypracoŭvajuć insulin, jaki paviedamlaje arhanizmu, kali treba atrymlivać cukar ź ježy dla atrymańnia enierhii.

Jak viadoma, u dyjabietykaŭ padstraŭnikavaja załoza nie vypracoŭvaje dastatkova insulinu dla rehulavańnia ŭzroŭniu cukru ŭ kryvi. Zanadta šmat ci zanadta mała cukru ŭ joj moža pryvieści da paškodžańnia niervaŭ, nyrak, sardečnych zachvorvańniaŭ i inšych parušeńniaŭ zdaroŭja.

Daśledčyki vykazali zdahadku, što kali impłantavać novyja, vyraščanyja ŭ łabaratoryi kletki, zdolnyja vypracoŭvać insulin, pacyjent moža znoŭ pačać vypracoŭvać i svoj ułasny.

Zdahadka akazałasia viernaj. Jak paviedamlajecca, pacyjentu ŭ 2021 hodzie była praviedziena navatarskaja transpłantacyja stvałavych kletak, i z 2022 hoda jon nie prymaje lekaŭ.

Aŭtary adznačajuć, što ich mietad jašče treba budzie pravieryć na bolšaj kolkaści ludziej. Isnuje vierahodnaść taho, što jon budzie pracavać tolki dla lačeńnia dyjabietu druhoha typu. Dyjabietykam pieršaha typu, padstraŭnikavaja załoza jakich padviarhajecca ŭździejańniu z boku imunnaj sistemy, moža być ciažej vykarystoŭvać hetaje lačeńnie, tamu što ich imunnaja sistema moža adchilać novyja impłantavanyja kletki.

Adnak aŭtary ŭpeŭnienyja, što ŭ budučyni prapanavanaja terapija moža «vyzvalić pacyjentaŭ ad ciažaru lekaŭ, palepšyć zdaroŭje i jakaść žyćcia i skaracić vydatki na achovu zdaroŭja».

Čytajcie taksama:

Vučonyja: fizičnyja nahruzki praduchilajuć dyjabiet, navat kali da jaho jość mocnaja hienietyčnaja schilnaść

Prosty test padkaža, ci moža ŭ vas być dyjabiet. Patrebnaja tolki šklanka vady

Top-5 cikavych faktaŭ pra dyjabiet i dobryja hlukomietry

Ci moža sol być pryčynaj dyjabietu druhoha typu?

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
3
Ха-ха
0
Ого
0
Сумна
0
Абуральна
1
1
Nu nie bohvieś jakija dasiahnieńni/adkazać/
28.05.2024
Druhi typ užo daŭno navučylisia pieravodzić u stan remiśsii ŭ ZŠA, fokus vylačyć pieršy typ.
1
niedurny čytalnik/adkazać/
28.05.2024
Žurnalistam aby napisać... A pra 3-i (pramiežkavy) dyjabiet zabylisia? Hedak zvany dyjabiet 2-ha typu heta abžorstva, jakoje imhnienna lečycca narmalizacyjaj spažyvańnia vuhlevodaŭ. Kali ž arhanizm spažyvaje zamnoha vuhlevodaŭ, to ŭklučajecca abaronny miechanizm ad vuhlevodnaha atručvańnia praź insulinarezistentnaść, a tamu daŭki insulina heta lačeńnie simptomaŭ a nie pryčyny [atručvańnia]. A voś jość jašče pavolny aŭtaimunny dyjabiet LADA 1.5, jaki redki, ale na pačatku pa simptomach nahadvaje abžorstva - i moža ŭ taho pacyjenta jon i byŭ, a tamu [tolki] stvałavyja kletki dapamahli?
03.06.2024
O da, divannyje znatoki miediciny povyłazili *facepalm*
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930