Znajści
Ałharytmičny łacinski varyjant
28.05.2024 / 10:5631RusŁacBieł

Hurnievič pra vybary ŭ Kaardynacyjnuju radu: Biełarusy pakazali čyrvonuju kartku hulni ŭ biurakratyju

Žurnalist Dźmitryj Hurnievič u svaim telehram-kanale razvažaje pra vyniki vybaraŭ u KR.

Błok Prakopjeva-Jahorava zaniaŭ druhoje miesca, «Jeŭrapiejski vybar» Alaksandra Dabravolskaha — treciaje, a błok Azarava naohuł vyhnali z vybaraŭ. Fota: Naša Niva

«Ideja z Kaardynacyjnaj radaj stała dla apazicyi vialikaj parazaj. «Pradać» historyju, što pradstaŭničy orhan demsiłaŭ abrali žychary ŭmoŭnych Kareličaŭ — niemahčyma. Rabić vyhlad, što i heta dasiahnieńnie — śmiešna. Aprača strachu i apatyi, pryčyna i ŭ tym, što ludzi prosta nie bačać sensu ŭ hetych biaskoncych strukturach, jakija i tak ni na što nie ŭpłyvajuć.

Ja nie sumniajusia, što mnohija ŭdzielniki hetych vybaraŭ mocna staralisia, mieli viziju i dobryja namiery. Heta advažnyja i samaachviarnyja ludzi. Ale vyhladaje, što biełarusy pakazali čyrvonuju kartku hulni ŭ biurakratyju.

Jak žurnalist ja bačyŭ, što dla aŭdytoryi tema KR była adnoj z samych niecikavych. Pa-sutnaści, heta byŭ bajkot, bo prahałasavaŭ usiaho 1% hramadzian Biełarusi, jakija za miažoj.

Ad biurakratyi va ŭsim śviecie marać pazbaŭlacca, a ŭ nas chacieli pierakanać, što ŭ joj siła. Biaskoncaje budaŭnictva paralelnych struktur, supołak, sajuzaŭ, ruchaŭ, arhanizacyj, kamitetaŭ, praviadzieńnie kanfierencyj, abiacańni raspracoŭvać reformy na budučyniu — usio heta, vyhladaje, šlach u tupik. Z hetaha treba rabić vysnovy.

Ale i tak zvanamu prostamu narodu treba nie zabyvać, što jany atrymajuć ad apazicyi roŭna stolki, kolki ŭ jaje ŭkładuć.

30 hod niaščaściaŭ Biełarusi źviazanyja z tym, što ludzi nie chacieli cikavicca palitykaj.

Zrazumieła, za dzień heta nie źmienicca. Kali ludzi nie cikaviacca palitykaj, to imi zaŭsiody buduć kiravać dyktatary».

Čytajcie taksama:

Vyniki hałasavańnia ŭ Kaardynacyjnuju radu: pieramoh śpis Łatuški z 35%

Nazvanyja 80 asobaŭ, jakija buduć zasiadać u novaj Kaardynacyjnaj radzie

6723. Stolki biełarusaŭ prahałasavali na vybarach u Kaardynacyjnuju radu

Darahaja Kaardynacyjnaja rada da abiedu, abo Što hetyja vybary pakazali navat tupomu 

«Navat babarykancy, jakija jak by architektary vybaraŭ u KR, chočuć ruchać Cichanoŭskuju ŭ niejki bok»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
40
Панылы сорам
13
Ха-ха
5
Ого
2
Сумна
5
Абуральна
3
0
Žora/adkazać/
29.05.2024
Andruś , toj, za kaho sapraŭdy prahałasujuć, a nie "prahałasujuć" na "vybarach". To bok z volnaj rehistracyjaj kandydataŭ, ahitacyjaj bieź pieraškod, niezaležnym nazirańniem i prazrystym padlikam. Toje, što nazyvajecca "demakratyčnymi vybarami". Cichanoŭskaja i łukašenkaŭskija "vybary", takimi, viadoma, nie źjaŭlajucca, tamu i zajaŭlać pra jejnaje abrańnie i što za jaje "prahałasavali", niedarečna.
0
Roznyja mety/adkazać/
29.05.2024
žeŭžyk, ja čytaŭ heta. Ale asabista mianie ahulnyja farmuloŭki nie zadavalniajuć, asabliva kali jany iduć apošnim punktam prahramy. "Dapamoha ź lehalizacyjaj", "dapamahčy viarnucca ŭ prafieśsiju", "padtrymka na svajom uzroŭni" - heta ni ab čym. DNŽ dla kožnaha biełarusa na 3 hady za 3 miesiaca. Pašpart Novaj Biełarusi praz hod kožnamu biełarusu. Polski prajazny dakumient dziejny 3 hoda praz hod. Adnabakovaje pryznańnie biełaruskich dypłomaŭ biez abmiežavań i poŭny dostup da rynku pracy i dazvoł stvarać IP dla ŭsich biełarusaŭ praz hod. Budziem padavać ŭ sud na kožnaha pradstaŭnika instancyi, jaki dyskryminuje biełarusa za pašpart ci nacyjanalnaść. Voś heta kankretyka. A frazy kštałtu "nu moža być my pasprabujem paspryjać kab niechta tam dapamoh na svaim uzroŭni" - heta, prabačcie, jak ŭ dziaciej jakich-ta, a nie palitykaŭ.
0
žeŭžyk/adkazać/
31.05.2024
Roznyja mety, nichto ź ich i nie moh abiacać "DNŽ dla kožnaha biełarusa na 3 hady za 3 miesiaca" z takimi dakładnymi detalami i terminami, bo heta ad ich nie zaležyć. KR moža tolki vieści dyjałoh z zamiežnymi palitykami ab palapšeńni ŭmovaŭ atrymańnia DNŽ dla biełarusaŭ, ale vyrašać usio buduć zamiežnyja palityki ŭ kožnaj krainie paasobku. Naadvarot - vysmaktanyja z palca detali ŭ prahramie byli b prykmietaj bałbatni i tryźnieńnia.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930