Znajści
Ałharytmičny łacinski varyjant
29.05.2024 / 01:155RusŁacBieł

Novyja detali złačynstvaŭ rasijan u Bučy vyśvietlili dziakujučy vykradzienym uznaharodam aficera SBU

Žurnalisty ŭkrainskaj słužby «Radyjo Svaboda» raskazali padrabiaznaści vykradańnia i zabojstva pałkoŭnika Słužby biaśpieki Ukrainy padčas rasijskaj akupacyi Bučy i nazvali imiony zabojcaŭ.

Cieła pałkoŭnika SBU Alaksieja Cieliženki z našyŭkaju Nacyjanalnaj akademii SBU. Skryn videa RadioSvoboda / YouTube

Rasśledavańnie ŭkrainskaj słužby «Radyjo Svaboda» pryśviečana vyśviatleńniu akaličnaściej vykradańnia, katavańniaŭ i zabojstva pałkoŭnika Słužby biaśpieki Ukrainy Alaksieja Cieliženki (Oleksij Tieližienko), jakoje adbyłosia padčas akupacyi Bučy.

Pa słovach žurnalistaŭ, mahčymych adkaznych za złačynstva atrymałasia adšukać dziakujučy vykradzienym uznaharodam pałkoŭnika. Jak vynikaje z rasijskich navin i paviedamleńniaŭ u sacyjalnych sietkach, hetyja ŭznaharody ciapier ekspanujucca ŭ tak zvanym pakoi-muziei bajavoj słavy śpiecnaza Rashvardyi «Kuzbas» u rasijskim Kiemieravie.

Na śled zabojcaŭ, jakija vykarystoŭvali telefon achviary dla kaardynacyi svaich dziejańniaŭ, taksama vyvieli danyja trafiku i manitorynhavaj infarmacyi, atrymanyja ad krynicy va ŭkrainskich śpiecsłužbach.

Pałkoŭnik SBU Alaksiej Cieliženka. Skryn videa RadioSvoboda / YouTube

Alaksiej Cieliženka pracavaŭ u Nacyjanalnaj Akademii SBU ŭ Kijevie pamočnikam rektara. Siarod inšaha, u jaho abaviazki ŭvachodziła padrychtoŭka kursantaŭ da vajennych paradaŭ na Dzień Niezaležnaści Ukrainy.

U 2016 hodzie pałkoŭnik znachodziŭsia ŭ zonie antyterarystyčnaj apieracyi na ŭschodzie krainy i zajmaŭsia viartańniem hramadzian, jakija dobraachvotna admovilisia ad słužby ŭ vajskovych farmiravańniach «ŁNR» i «DNR».

Na vajennaj słužbie Cieliženka pravioŭ 27 hadoŭ i byŭ adznačany šeraham uznaharod.

Pa słovach žonki aficera, rasijskija vajennyja zajšli ŭ dvor ich doma 6 sakavika 2022 hoda. Padčas dahladu telefonaŭ jany zaŭvažyli fota mužčyny ŭ vajskovaj formie. Paśla hetaha ŭ domie pačaŭsia pieratrus. Samoha Cieliženku trymali na marozie raspranutym pa pojas z zaviazanymi za śpinaj rukami. Na vulicu byli vykinutyja asabistyja rečy mužčyny, znojdzienyja ŭ domie, siarod jakich byŭ i paradny kiciel z uznaharodami.

Alaksiej Cieliženka ŭ paradnym kicieli (źleva) i častka ekspazicyi pakoja-muzieja bajavoj słavy 27-ha asobnaha atrada śpiecnaza Rashvardyi «Kuzbas» u Kiemierava (sprava). Skryn videa RadioSvoboda / YouTube

Jak vyśvietlili žurnalisty, identyčnyja ŭznaharody ciapier znachodziacca ŭ ekspazicyi pakoja-muzieja bajavoj słavy 27-ha asobnaha atrada śpiecnaza Rashvardyi «Kuzbas» u Kiemierava. Akramia ich, u ekspazicyi byli zaŭvažany i inšyja rečy, jakija mahli naležać ukrainskamu pałkoŭniku. Heta daje padstavy śćviardžać, što ź vialikaj vierahodnaściu vykradańnie ŭkrainskaha aficera było ździejśniena vajennymi 27-ha asobnaha atrada Rashvardyi «Kuzbas».

Jak vynikaje z materyjału rasśledavańnia, paśla zatrymańnia Alaksieja Cieliženku vyvieźli ŭ les na ŭskrainie horada i źmiaścili ŭ jamu. Tam jaho dapytvali vajskoŭcy ź inšaha rasijskaha padraździaleńnia. U vyniku ciažkich traŭmaŭ, atrymanych ad ździekaŭ i katavańniaŭ, pałkoŭnik pamior. Jaho cieła było znojdziena vosieńniu 2022 hoda.

Na padstavie apytańnia śviedak, prahladu zapisaŭ kamier videanazirańnia, analizu staronak rasijskich sacyjalnych sietak i ŚMI, fota i videamateryjałaŭ, danych trafiku mabilnaha telefona, žurnalisty vyśvietlili, što da zabojstva pałkoŭnika SBU, vierahodna, majuć dačynieńnie vysokapastaŭlenyja słužboŭcy 175-ha asobnaha raźviedvalnaha bataljona z Pskova, jaki ŭvachodzić u 76-ju desantna-šturmavuju dyviziju.

Aŭtary nazyvajuć ich imiony: namieśnik kamandzira bataljona, kapitan Asłan Jurjevič Kaskułaŭ, namieśnik načalnika štaba kapitan Jarasłaŭ Alaksandravič Hłušankoŭ i načalnik REB bataljona kapitan Siarhiej Fiodaravič Droha. Dakładna viadoma pra śmierć Hłušankova — jon zahinuŭ na froncie ŭ vieraśni 2022 hoda.

Nahadajem, što akupacyja Bučy praciahvałasia z 5 pa 31 sakavika 2022 hoda. Pa danych Ofisa hienieralnaha prakurora Ukrainy, tolki ŭ hetym horadzie zahinuła kala 700 čałaviek, a ŭ Bučanskim rajonie rasijskaja armija ździejśniła bolš za 9 tysiač vajennych złačynstvaŭ.

Čytajcie taksama:

Va Ukrainie asudzili biełarusa za maradziorstva ŭ Bučy

«Paprasili cyharety i strelili ŭ hałavu». Historyi raspraŭ nad mirnymi žycharami Ukrainy 

Apublikavany jašče adzin važny videazapis, jaki dakazvaje, što mirnych žycharoŭ u Bučy zabili ŭ čas rasijskaj akupacyi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
1
Ха-ха
4
Ого
3
Сумна
18
Абуральна
133
12
MikołkaParavoz/adkazać/
28.05.2024
A čaho hety pałkoŭnik šostaha sakavika u svajoj chacie siadzieŭ? Dy jašče ŭ Bučy! Čakaŭ kahości?
1
Goworliwy Pingwin/adkazać/
29.05.2024
A vašaje proźvišča jakoje - Bieła letuvisskaje ci Bieła polskaje?
1
Para-Leanovič/adkazać/
29.05.2024
Gorliwy Litwin , sprava nia ŭ proźviščam. Na baku maskoŭskich akupantaŭ-putleraŭcaŭ złačyncy ździejśnijuć i z ukrainskimi familija i, karaniami. Nahadaju słovy S.Piatlury: "Nie tak strašna maskoŭskaja voš, jak ukrainskaja hnida". Hetyja słovy lohka možna adnieści i da Biełarusi. U nas hnid tak sama chapaje i my ich siońnia nazirajem. Ź inšaha boku viedaju etničnych rasiejcaŭ u Biełarusi, jakija pa mientaliciecie, pa rozumu staviać foru šmat kamu z sumlennych biełarusaŭ. Tak što sprava nia ŭ proźviščy, a ŭ tym, jakim ciabie vyraścili baćki i jaki ty sam, a hniły byli, jość i jašče buduć. Na Zachadzie my bačym siońnia ich tak sama nia mała.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930