Znajści
Ałharytmičny łacinski varyjant
28.05.2024 / 09:38RusŁacBieł

Jak padniać panižany cisk: što zrabić, što zjeści, što vypić

Isnuje mierkavańnie, što nizki cisk, u adroźnieńnie ad vysokaha, biaśpiečny, žyćciu i zdaroŭju nie pahražaje. Heta nie zusim tak. 

 

Ilustracyjny zdymak. Fota: Jose Colon Anadolu Agency via Getty Images

Prykmiety nizkaha cisku

Hipatanija vielmi pieraškadžaje žyć: z-za mlavaha tonusu sasudaŭ parušajecca zabieśpiačeńnie mozhu kisłarodam, źnižajecca pracazdolnaść, uźnikajuć hałavakružeńnie, drymotnaść, stamlalnaść, hałaŭnyja boli. Uzbudlivaść, tryvožnaść, adčuvalnaść da choładu, ukałychvańnie ŭ transparcie i schilnaść da nieprytomnaści pieratvarajuć žyćcio hipatonika ŭ pakutu, piša «Kamsamołka». 

Hipatanijaj ličycca cisk nižejšy za 100/60 mm rt. słupa ŭ mužčyn i 95/60 — u žančyn na praciahu praciahłaha času. Tabletki ad hipatanii pakul nie vynajšli. Ale jość sposaby, jakija dapamohuć padniać nizki cisk. 

Pa słovach miedykaŭ, hipatoniki sa stažam paźniej mohuć stanavicca hipiertonikami. A ŭsio tamu, što z hadami ŭ sasudach, jakija adčuvajuć pastajannyja pierapady cisku, adbyvajecca strukturnaja pierabudova. U takich ludziej navat niaznačnaje pavyšeńnie cisku pieranosicca jak hipiertaničny kryz. 

U svaju čarhu viadomy biełaruski doktar, zahadčyk kafiedry kardyjałohii i reŭmatałohii BiełMAPA, prafiesar Andrej Prystrom u intervju partału 24health.by adznačyŭ, što ŭ hipatonikaŭ časta byvajuć chałodnyja ruki i nohi, ich pieraśledujuć častaje paziachańnie z-za niedastatkovaha pastupleńnia kisłarodu. 

«Takija ludzi horš pieranosiać fizičnyja nahruzki, śpiakotu. Skura ŭ ich čaściej za ŭsio blednaja, mohuć uźnikać hałavakružeńni. Niaredka jany skardziacca na pačaščanaje sercabićcie», — adznačyŭ Andrej Prystrom. 

Jak chutka pavysić nizki cisk

Pieršaja parada — vypić padsolenaj vady (čajnuju łyžku soli raźvieści ŭ šklancy vady). Vadkaść zatrymajecca ŭ arhaniźmie, cisk pavysicca. 

Jašče adna rekamiendacyja — zamiest padsolenaj vady vypić kubak mocnaj sałodkaj kavy abo čornaj harbaty z kavałačkam čornaha šakaładu. U ideale — prylehčy na ​​kanapu na śpinu, prypadniać nohi na śpinku kanapy ci pakłaści ich na paduški, padušku pad hałavu nie kłaści. Palažać chacia b chvilin 15. Tak kroŭ prylje da mozhu i cisk pavysicca. 

Kali niahledziačy na ​​ŭsie namahańni, cisk praciahvaje źnižacca i staŭ mienš 85/60, to ŭ hetym vypadku treba terminova vyklikać «chutkuju», taki cisk — pramaja pahroza žyćciu. 

Jak dapamahčy čałavieku pry ekstremalna nizkim cisku, nižejšym za 70/40?

Pakul chutkaja jedzie, treba dapamahčy pacyjentu. Kali jon biez prytomnaści, to pieršaje, što treba zrabić, — pieraviarnuć čałavieka na pravy ci levy bok, kab jon nie zadychnuŭsia ślinaj i jazyk nie pierakryŭ dostup kisłarodu. 

Čałavieku ŭ śviadomaści varta dać salony ahurok ci syr — hetyja pradukty mamientalna padvyšajuć cisk. 

I jašče važna zapomnić adnu detal pry skačkach cisku: pry vysokim cisku — nohi apuskajucca ŭniz, pry nizkim — padnimajucca ŭvierch. 

Čaho nielha rabić pry nizkim cisku

Čarka kańjaku pry nizkim cisku nie vyratuje, a tolki pahoršyć situacyju. 

Pašyrajučy (a, takim čynam, panižajučy cisk) kańjačok moža tolki pahoršyć stan. Z ałkaholem hipatoniku naohuł lepš być bolš aściarožnym. 

Lepš pryniać nastojki eleŭterakoku, žeńšeniu, limońniku. 

Mužčynam ź nizkim ciskam varta zabycca pra vijahru. Pavodle słoŭ miedykaŭ, u spałučeńni z hipatanijaj, jakaja i biez taho pašyraje sasudy, eliksir zdolny vyklikać ciažki kałaps. 

Što jeści, jak ruchacca pry nizkim cisku

Z hipatanijaj zmahacca składana, ale možna. Jaje možna ŭziać pad kantrol paŭnacennym snom, admovaj ad ałkaholu i kureńnia, častymi prahułkami na śviežym pavietry, štodzionnym kantrasnym dušam, fiznahruzkaj pa hadach i stanie zdaroŭja. 

Moža dapamahčy refleksaterapija, sieansy masažu i śpiecyjalnaja dyjeta z padvyšanym utrymańniem kaliju (bulba, bakłažany, kapusta, abrykosy, čarnaśliŭ) i kalcyju. 

Spadčynnaja hipatanija

Panižany cisk, taksama jak i padvyšany, moža pieradavacca ŭ spadčynu. Ale taki stan moža havaryć i ab prablemach sa ščytavidkaj i nadnyračnikami, ab chvarobach sardečna-sasudzistaj i centralnaj niervovaj sistemy, jazvavaj chvarobie dvanaccacipiersnaj kiški, hiepatycie, cyrozie piečani, aniemii. 

Siarod hipatonikaŭ šmat tych, chto źviazany sa škodnymi vytvorčaściami, a taksama prafiesijnych spartoŭcaŭ. 

Darečy, voś jak źnizić cisk biez tabletak: dychać žyvatom, zrabić haračuju vannačku dla noh, pamasiravać vušy, źviesić nohi z kresła.

@nashanivanews Niebiaśpiečnaja chvaroba pahražaje biełarusam #biełaruś#bolezń#biešienstvo#korovy#našaniva#biełaruskajamova#bruciellez♬ Crime Scene - Avery Alexander

Čytajcie taksama:

Vučonyja znajšli kluč da vyjaŭleńnia raku za 7 hadoŭ da dyjahnazu

Vynajšli preparat ad raku z absalutnaj efiektyŭnaściu. Rak pramoj kiški prosta źnik paśla ekśpierymientalnaha lačeńnia

Navukoŭcy ŭpieršyniu vyprabavali na čałavieku novuju vakcynu ad raku mozhu. Vyniki ŭražvajuć

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
1
Ха-ха
0
Ого
1
Сумна
3
Абуральна
4
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930