Znajści
Ałharytmičny łacinski varyjant
27.05.2024 / 22:105RusŁacBieł

Futbolny Jeŭra-2024 pa BT pakazvać nie buduć

Namieśnik staršyni ABFF Andrej Vasilevič paviedamiŭ vydańniu «Smartpres», što Jeŭra-2024 nie budzie tranślavacca ŭ Biełarusi.

Zdymak ilustracyjny. Fota: Serhii Nazarov / vecteezy.com

— Z hetym pytańniem, napeŭna, lepš źviartacca da administracyi stadyjona «Dynama». Adnak ad siabie skažu nastupnaje. Na siońniašni dzień, na vialiki žal, nivodzin apieratar pakul nie nabyŭ prava dla tranślavańnia matčaŭ čempijanatu Jeŭropy na terytoryi Biełarusi.

— Faktyčna heta aznačaje, što biełaruskija zaŭziatary čempijanat Jeŭropy nie ŭbačać?

— Nie ŭbačać pa televizary. Što ž, budziem hladzieć jaho tak, jak i hladzieli dy hladzim Lihu čempijonaŭ — praź internet-resursy. Heta aficyjny sajt UEFA i niejkija inšyja krynicy, jakija našy zaŭziatary sprytna znachodziać, — patłumačyŭ Vasilevič.

Čempijanat Jeŭropy pa futbole maje prajści z 14 červienia pa 14 lipienia ŭ Hiermanii. Pieršapačatkova Biełteleradyjokampanija raźličvała jaho pakazać, naplavaŭšy na aŭtarskija pravy. Dziela padobnych vypadkaŭ u studzieni 2023 hoda Saviet Ministraŭ faktyčna ŭzakoniŭ u krainie piractva, dazvoliŭšy nie prymianiać zakanadaŭstva ab aŭtarskich pravach u dačynieńni da kantentu, vyrablenaha «niedružalubnymi krainami» i arhanizacyjami, ź imi źviazanymi. U hety śpis byli siarod inšych uniesienyja FIFA i UEFA.

Ale niadaŭna stała viadoma, što kali ŭzakonienaje piractva ŭ dačynieńni da Jeŭra-2024 hoda adbudziecca, to Biełaruskaja fiederacyja futboła i kłuby, jakija ŭdzielničajuć u jeŭrakubkach, mohuć stracić finansavańnie ad UEFA. A hetyja dachody majuć i dla kłubaŭ, i dla fiederacyi važnaje značeńnie, ich strata budzie vielmi balučaj.

Čytajcie taksama:

Z-za piractva BT UEFA moža pazbavić biełaruski futboł finansavańnia

U papularnym amierykanskim sieryjale pakazali zbornuju Biełarusi pa futbole — jaje matč hladzieŭ adzin z hałoŭnych hierojaŭ

Biełaruski trenier pryniaŭ u Indaniezii isłam, a ciapier padaŭsia skarać novuju krainu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
0
Ха-ха
14
Ого
2
Сумна
0
Абуральна
3
0
Płod/adkazać/
27.05.2024
Pryhoža nahnuli tych, kamu nie da zakonaŭ
3
Kölsch/adkazać/
28.05.2024
Ja budu na Barusiju, sens za zapadna-russkich pieražyvać?
0
Ihnat/adkazać/
28.05.2024
Inohda nie do futboła.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930