Znajści
Ałharytmičny łacinski varyjant
12.05.2024 / 07:002RusŁacBieł

Jak kambinavać rečy z nacyjanalnymi matyvami z sučasnymi? Idei ad modnych biełarusak i biełarusaŭ

Spałučeńnie sučasnaści i tradycyjnaści siońnia — stoadsotkavy trend, jaki ŭsio aktyŭniej možna zaŭvažyć na modnikach. Sabrali dla vas niekalki śviežych idej, dzie rečy z narodnymi, histaryčnymi matyvami stylova spałučajucca z paŭsiadzionnymi madelami z kram — natchniacca dazvalajecca.

Błohierka i papularyzatarka biełaruskaj movy Liza Vietrava niadaŭna ŭ svaich sacsietkach anansavała čelendž: štodzień upisvać u vobrazy rečy z narodnaj razynačkaj. I ŭ jaje cudoŭna atrymlivałasia.

Adzin ź cikavych vobrazaŭ, jaki budzie supieraktualny dla viasnovych, jašče nie zaŭsiody ciopłych viečaroŭ — biełaja kašula z arnamientam, nakinutaja pavierch cišotki ci sukienki. U jakaści aksesuara, jaki dapaŭniaje karcinu — padvieska na łancužku ź siłuetam Biełarusi.

 

Fota: li_vetrava

Rašeńni śpiavački Ivy Sacivy ŭ spałučeńni rečaŭ z roznych historyj — adny z samych śmiełych i jarkich. Krasoŭki, rečy ad «Adzidas», kosy, karunki, sałoma, babuliny chustki, futry — zdajecca, u śviecie nie tak šmat ludziej, na kim heta ŭsio razam hladziełasia b nastolki harmanična.

 

Fota: @panisativa

Dyzajnierka Vola Etyka ŭ svajoj pracy śpiecyjalizujecca na tym, što zvyčajnym rečam z taho ž sekand-chenda daje druhoje dychańnie — atrymlivajecca nie tolki stylova, ale i ekałahična.

 

Fota: @proekt_etika

Šmat rečaŭ Voli — akurat, pra biełaruskija nacyjanalnyja ŭzory, jakija dadajuć unikalnaści sceničnym vobrazam artystaŭ (Naviband, Trava i inšych) dy i zvyčajnym łukam biełarusaŭ.

Naviband u pinžakach, rasšytych prajektam Etyka

Taksama dyzajnierka placie pryhožyja harlački i daje mahčymaść zrabić heta kožnamu samastojna: u Voli možna kupić śpiecyjalnyja nabory z padrabiaznymi instrukcyjami. A jašče jana stylizuje niekatoryja zdymki, u pryvatnaści — jutub-šou «Obsuždajem».

Adzin ź viadučych šou Hleb Siamionaŭ u manišcy ź vintažnaj firanki, jak u vašaj babuli na aknie, ad brenda TSUDA. U ich, darečy, taksama šmat rečaŭ z nacyjanalnaj estetykaj — ad panam da sukienak

Kali my ŭžo zhadali hurt Naviband, to voś para stylizacyj-miksaŭ sučasnaści i historyi. Ksiuša i Arciom časta ekśpierymientujuć z harderobam u takim kirunku.

 

Fota: @naviband

Vielmi pryhožyja idei stylizacyj, u jakich adčuvajecca luboŭ da radzimy, časam možna pabačyć u vykanańni architektarki Hanny Kaśpiarovič.

 

Fota: @h_kaspiarovich

Pravaabaronca Dzijana Pinčuk harmanična ŭmudrajecca spałučać u svaich łukach pank, hranž, kežuał, vintaž i dyzajnierskija rečy z nacyjanalnym kałarytam.

 

Spałučeńnie sukienki-vyšyvanki i kiedaŭ. Fota: @dzi_chka

Łozunh fołk-fešn brenda Kanva — rabić biełaruskaje seksi, i ŭ ich heta, zdajecca, atrymlivajecca. Jak vam takoje pračytańnie sałamianych vyrabaŭ i pavuki-abiarehi, jakija sa stolaŭ prodkaŭ pierakačavali na vušy modnic?

 

Fota: @kanva_kasciume

Čytajcie taksama:

«Jaje zavuć dyrektaram morha». Biełaruska z Novaj Ziełandyi napisała knihu pra žyćcio na Paleśsi

Biełaruska pryviezła na tydzień mody ŭ Paryžy lnianyja viasielnyja sukienki FOTY

«Pieratvaraju śmiećcie ŭ hrošy»: dziaŭčyna kuplaje ŭ sekandach vopratku za kapiejki, a potym robić ź jaje dyzajnierskija ŭbory

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
4
Ха-ха
0
Ого
0
Сумна
1
Абуральна
1
1
Tradycyjny biełaruski stroj/adkazać/
12.05.2024
Kali chočacie dadać u svoj harderob niejkija elemienty tradycyjnaha biełaruskaha kaściuma, to pahladzicie jak nasamreč vyhladaje biełaruski tradycyjny stroj. https://m.youtube.com/playlist?list=PL-U2EeBSp_UqGu2uZTHRiN5UKh5jjI2Fn
1
Vład/adkazać/
12.05.2024
Dič niejkaja na foto!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930