Znajści
Ałharytmičny łacinski varyjant
24.04.2024 / 22:416RusŁacBieł

Dziarždepartamient paćvierdziŭ, što ZŠA ŭžo pieradali Ukrainie rakiety ATACMS. I nieŭzabavie pieradaduć jašče

Pradstaŭnik Dziarždepartamienta ZŠA Viedant Patel paćvierdziŭ fakt pieradačy Ukrainie rakiet ATACMS. Heta adbyłosia paśla taho, jak siońnia ahienctva Reuters paviedamiła, što zbroja była ŭklučanaja ŭ sakavicki pakiet amierykanskaj dapamohi, choć pra rakiety aficyjna nie abviaščałasia.

Rakiety ATACMS u Paŭdniovaj Karei. Zdymak ilustracyjny. Fota: South Korea Defense Ministry via AP

«Ja mahu paćvierdzić, što Złučanyja Štaty dali Ukrainie dalnabojnyja rakiety pa ŭkazańni prezidenta», — skazaŭ Viedant Patel.

Pavodle jaho, rašeńnie ab pieradačy rakiet było pryniata prezidentam ZŠA Džo Bajdenam u lutym. ATACMS byli ŭklučanyja ŭ pakiet dapamohi, abvieščany ŭ sakaviku, adnak publična ich pieradača nie anansavałasia. Rakiety pastupili va Ukrainu ŭ krasaviku.

«My nie abjaŭlali pra heta, kab zabiaśpiečyć biaśpieku apieracyi», — skazaŭ amierykanski čynoŭnik.

Jon zajaviŭ, što daje ŭkrainskamu boku prava havaryć pra toje, jak jany prymianiajuć hetuju zbroju.

Pavodle infarmacyi Reuters, ATACMS byli vykarystanyja Ukrainaj padčas udaru pa aeradromie ŭ Krymie na minułym tydni.

Krynica Reuters śviedčyła, što da źmieny pazicyi Vašynhtona pa pytańni nadańnia Ukrainie dalnabojnych rakiet pryviało vykarystańnie rasijskaj armijaj paŭnočnakarejskich balistyčnych rakiet i ŭdary Rasii pa najvažniejšych abjektach ukrainskaj infrastruktury.

Raniej u administracyi Bajdena doŭha sumniavalisia, ci pieradavać Ukrainie rakiety z dalokaściu da 300 km. Heta rabiłasia jak z-za bojazi, što hety krok asłabić vajskovy arsienał ZŠA, tak i z-za aściaroh, što Ukraina budzie vykarystoŭvać hetuju zbroju dla paražeńnia celaŭ u hłybini RF.

Ciapier Złučanyja Štaty praciahnuć pastaŭlać Ukrainie taktyčnyja rakiety ATACMS, zajaviŭ pamočnik prezidenta ZŠA pa nacyjanalnaj biaśpiecy Džejk Salivan.

«Jak ja ŭžo skazaŭ va ŭstupnym słovie, my ŭžo adpravili niekalki [rakiet], i ciapier, kali ŭ nas jość dadatkovyja paŭnamoctvy i srodki, my adpravim bolš», — skazaŭ jon.

Pry hetym Salivan admoviŭsia nazyvać kankretnuju kolkaść rakiet, jakija płanuje pastavić Ukrainie Vašynhton. 

Pry dapamozie rakiet ATACMS Ukraina maje mahčymaść abstrelvać abjekty na ŭsich terytoryjach, akupavanych Rasijaj, uklučajučy Krym.

Čytajcie taksama:

Udar pa avijabazie Džankoj u Krymie moh być spravaj rakiet ATACMS

Zialenski raskazaŭ, jak Ukraina prymienić dalnabojnyja rakiety ATACMS

U ZŠA stali mienš bajacca, što pieradača ATACMS Ukrainie raśćvialić Pucina

Zachodnija miedyja paćviardžajuć pieršaje vykarystańnie rakiet ATACMS va Ukrainie

«Našy damoŭlenaści vykonvajucca vielmi dakładna». Zialenski paćvierdziŭ, što Ukraina vykarystała rakiety ATACMS

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
27
Панылы сорам
1
Ха-ха
1
Ого
2
Сумна
2
Абуральна
1
3
Freddy /adkazać/
25.04.2024
ATAKAMsy pieriedali jeŝie v Martie miesiacie čto lišnij raz podtvierždajet moi utvierždienija čto nie nužien był bajdienu Konhriess dla okazanija pomoŝi Ukrainie. Tianuli kota za chvost sovsiem s druhoj cielju. 
25.04.2024
Freddy , zrazumieła, što Ŭkraina apynułasia ŭ epicentry palityčnaje hulni. Ale jak by dali hrošy Ŭkrainie biez hałasavańnia?
0
Freddy /adkazać/
25.04.2024
M, Točno tak žie kak Bajdien vział 100 milliardov na pohašienije dołhov studientov kolledžiej(priedvybornaja  pokupka hołosov) minuja Konhriess.   
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930