Znajści
Ałharytmičny łacinski varyjant
27.04.2024 / 16:2481RusŁacBieł

U jakich rehijonach Biełarusi Paźniak pieramoh Łukašenku na vybarach-1994?

U rodnym Iŭjeŭskim rajonie Zianona Paźniaka padtrymali 40% vybarcaŭ.

Zianon Paźniak

24 krasavika Zianon Paźniak adznačaje 80-hodździe. Biassprečna, heta adzin z samych paznavalnych biełaruskich palitykaŭ. Biezadnosna taho, ci padzialali ludzi jaho pohlady, dziejnaść Paźniaka i Biełaruskaha narodnaha fronta pad jaho kiraŭnictvam stali jarkaj staronkaj u historyi krainy.

U 1994 hodzie Paźniak zmahaŭsia za pasadu pieršaha prezidenta Biełarusi. Tyja vybary — znachodka dla amataraŭ elektaralnaj hieahrafii. Šeść kandydataŭ — Alaksandr Łukašenka, Viačasłaŭ Kiebič, Zianon Paźniak, Alaksandr Dubko, Vasil Novikaŭ — prapanoŭvali roznaje bačańnie šlachoŭ raźvićcia Biełarusi. 

Pieramožcy na prezidenckich vybarach-1994 ŭ roznych rehijonach. Sini koler — Łukašenka, zialony — Kiebič, fijaletavy — Paźniak. Šuškievič (čyrvony) pieramoh u Savieckim rajonie Minska. A Dubko nabraŭ padzialiŭ pieramohu z Łukašenkam u Ašmianskim rajonie

Prosta acanicie ŭzrovień baraćby ŭ Savieckim rajonie Minska — za Šuškieviča tut prahałasavali 23,4% vybarcaŭ, za Łukašenku — 21,6%, za Paźniaka — 21%, za Kiebiča — 20,7%!

Dahetul možna pačuć mierkavańni pra karekciroŭku vynikaŭ vybaraŭ na miescach na karyść tahačasnaha premjer-ministra Viačasłava Kiebiča. Administratyŭny resurs sapraŭdy moh być vykarystany, ale praz 30 hadoŭ acanić stupień falsifikacyj (navat kali jany i byli) składana, amal niemahčyma. Historykam zastajecca analizavać aficyjnyja ličby.

Takim čynam, u jakich rehijonach Zianon Paźniak byŭ pieramožcam vybaraŭ?

Heta vosiem administratyŭnych adzinak.

1) Iŭjeŭski rajon — radzima Zianona Paźniaka. Tut za ziemlaka prahałasavali 40% vybarcaŭ!

2-3) Smarhoń i Smarhonski rajon. U toj čas harvykankam i rajvykankam isnavali asobna, tamu vyniki hałasavańnia padzielenyja. U Smarhoni za Paźniaka było 38% (a ŭ Łukašenki tolki treciaje miesca), a ŭ susiednich vioskach — 34%.

4) Maładziečna — pieršy vialiki horad za Zianona, tut jon nabraŭ 32,3%. Darečy, mienavita ŭ Maładziečnie zafiksavali anamalna vialikuju kolkaść hałasoŭ «suprać usich» — bolš za 15%. Mahčyma, heta byŭ pratest suprać taho, što miascovy mer Hienadź Karpienka tak i nie trapiŭ u śpis kandydataŭ u prezidenty. U navakolnych vioskach u Paźniaka taksama niamała — 26,9%, ale dla pieramohi hetaha nie chapiła.

5) Lida — tut situacyja padobnaja. Za Paźniaka prahałasavali 31,8%, Łukašenka adstaŭ ad jaho. U lidskich vioskach Zianon nabraŭ 29,8%, ale hetaha nie chapiła dla pieramohi.

6) Vilejka — baraćba była šalonaja. U Paźniaka 31,6%, u Łukašenki 31,3%. Kali pieravieści ŭ realnyja ličby, to roźnica skłała ŭsiaho 50 hałasoŭ.

7) Astraviecki rajon. Na miescy budučaha budaŭnictva AES Łukašenka staŭ tolki čaćviortym (15%). Jon prapuściŭ napierad i Dubko (18%), i Kiebiča (21%), i Paźniaka (27%).

8) Brasłaŭski rajon. Na paŭnočnym zachadzie Biełarusi Paźniaku chapiła dla pieramohi 26%. Roźnica z Łukašenkam — 0,3% ci pryblizna tyja samyja 50 hałasoŭ.

PaźniakŁukašenkaKiebičŠuškievičDubkoNovikaŭ
1Iŭjeŭski rajon40.0%26.7%9.0%7.9%8.0%2.0%
2Smarhoń38.0%16.0%18.0%16.0%4.5%2.0%
3Smarhonski rajon34.0%20.6%13.0%9.0%15.6%1.9%
4Maładziečna32.3%25.3%4.1%14.6%3.9%4.5%
5Lida31.8%24.9%15.0%15.0%4.0%3.0%
6Vilejka31.6%31.3%11.3%12.9%3.4%4.6%
7Astraviecki rajon27.0%15.0%21.0%9.0%18.0%1.9%
8Brasłaŭski rajon26.0%25.7%12.9%6.7%19.6%3.3%

Pieraličym jašče niekalki rajonaŭ, dzie za Paźniaka prahałasavała sapraŭdy šmat vybarcaŭ, choć hetaha i nie chapiła dla pieramohi. Heta Stolinski rajon (31,8%), Hłybocki rajon (27,9%),Vaŭkavysk (27,6%) i Miadzielski rajon (26,9%).

Što da bujnych haradoŭ, to ŭ Salihorsku ŭ Paźniaka było 24%, u Minsku — 20,9%, u Žodzinie — 19,1%, u Hrodna — 17%.

Dola hałasoŭ za Zianona Paźniaka na prezidenckich vybarach-1994. Čym bolš nasyčany sini koler, tym bolšaja padtrymka

U vyniku Paźniak zaniaŭ treciaje miesca z 12,8% hałasoŭ. Jon sastupiŭ Viačasłavu Kiebiču (17,33%) i Alaksandru Łukašenku (44,82%), jakija i trapili ŭ druhi tur. Što adbyłosia dalej, možna bačyć i dahetul.

@nashaniva Zianon Paźniak adznačyŭ 80-hodździe. Vin-šu-jem! #zianonpaźniak#biełaruś#žyviebiełaruś#biełaruś#biełorusy#žiena#mužižiena#iubilej#biełaruskajamova#biełaruśnovosti♬ Žyvie - TOR BAND

Čytajcie taksama:

«Savieckaje hramadstva jašče nie było hatovaje da demakratyi». Paźniak raskazaŭ, čamu ŭ 1994-m nie ŭdałosia pryjści da ŭłady

Paźniak — Radzinaj: Što vy leziecie ŭ palityku?

Navumčyk adkazaŭ Chalezinu: Ni ja, ni Paźniak nie atrymlivali ŭ emihracyi ni centa sacyjalnaj dapamohi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
22
Панылы сорам
8
Ха-ха
6
Ого
8
Сумна
39
Абуральна
11
2
Miemuary/adkazać/
27.04.2024
Maje maładyja siabry! Nie treba sioniašniuju situacyju pieranosić na viasiołyja noravy taje pary. Tady i dyrektary zavodaŭ, i staršyni vykankamaŭ, rajsavietaŭ čaściakom sami šukali Kantaktaŭ z BNF. Prasili ŭ miascovych aktyvistaŭ BNF padtrymki na vybarach, ci choć by nie ahitavać suprać ich. Heta było kielejna, biez presy, ale było masava, paŭsiudna. Na vybarach 1994 hodu stratehičnych falsifikacyjaŭ nie było. Dzieści škodzili paasobnyja sakratary partkamaŭ, ale tam dzie byli naziralniki, tam jany ličyli biuluteni razam z členami kamisijaŭ. Naziralnikaŭ było šmat, harackija učastki byli całkam achopleny. Naziralniki byli ad lubych arhanizacyjaŭ, naprykład, ad Tavarystva biełaruskaj movy, jakoje siarod inšych ŭznačalvaŭ ministar zamiežnych spraŭ Piatro Kraŭčanka. Było tady modna i pačesna ŭdzielničać ŭ rabocie TBM. Katoryja nałasavaoi za Paźniaka nasamreč hałasavali nie za Paźniaka, a za ideju biełaruskaje dziaržavy. I nie tamu Paźniaka nie abrali, što dzieści niejki sakratar zakinuŭ svaje biuluteni ŭ kusty, a tamu što BNF i Paźniak patrabavali siekčy suviazi z Rasiejaj. A ludzi, firmy, struktury z hetaha žyli, pa inšamu jašče nie ŭmieli. Što tre było rabić? 1. Mienš tryndzieć i pałochać narodnyja masy. 2. Abjadnacca z Dubko i Šuškievičam dy vystavić ADNU kandydaturu. ADNU! I nijakaja kantora sa svaim psicham, ni sprachłyja partsakratary sa svaim Kiebičam nie dali by rady. Ci razumieli tady heta, ci kazali takoje Paźniaku? Kaniešnie! A ci pačuli? I ciapier nie chočuć čuć, navat praz 30 hod paśla jašče tady prahnazavanaj parazy. "Jon ža słušna ŭsio kazaŭ..."
3
Miemuary/adkazać/
27.04.2024
Tolki za Kurapaty Paźniaku i ŭsim, chto heta tady rasśledavaŭ ŭžo treba dać miedal samaha vysokaha statusu. Hžtyja ludŭi zrabili podźvih. Jašče za Niamihu i Vierchni horad. Urešcie, kab nie Paźniak ź nieviadomymi nikomu entuzijastami, to tam zaraz było b vielizarnaje vadaschovišča ź bietonnym plažam. Pajści suproć balšavickich avanturaŭ i zastacca žyvym, nie trapić ŭ psichušku na ekśpierymienty, takoje ŭdavałasia mała kamu. Tym bolš dasiahać svaich metaŭ. Škada, što vartaść hetych ździajśnieńniaŭ mała kamu viadomaja. Što tyčycca palityčnaj raboty, nu... Chranova vyjšła, sami bačycie. A šancy byli vialikija. U ideale Zianon sam musiŭ by asensavać pravały, ich pryčyny, čamu mienavita tak, a nie inačaj. 80 hod nie žartački. Usim była b dobraja navuka. A tak... Jak pavinšavać, kali tut i zaraz ciabie nazavuć "trol łukašyscki"? Było b śmiešna, kab nie było tak horka.
1
Naziraciel/adkazać/
27.04.2024
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930