Znajści
Ałharytmičny łacinski varyjant
22.04.2024 / 17:271ŁacBieł

Minčanku asudzili da «chatniaj chimii» i źniščyli dva jaje nacyjanalnyja ściahi

U sudzie Savieckaha rajona Minska 28 sakavika da dvuch z pałovaj hadoŭ «chatniaj chimii» asudzili Śviatłanu Kudryckuju. Žančynu pryznali vinavataj pavodle č. 1 art. 342 Kryminalnaha kodeksa (aktyŭny ŭdzieł u dziejańniach, jakija hruba parušajuć hramadski paradak) za ŭdzieł u adnoj akcyi pratestu ŭ 2020 hodzie. Dokazami pa spravie stała videa, na jakoje trapiła žančyna, i adzieńnie, u jakim jana była na akcyi. Prysud pa spravie vyniesła Volha Jemialjanienka, piša «Viasna».

Pavodle viersii abvinavačvańnia, Śviatłana Kudryckaja «błakavała i zastupała šlach transpartnym srodkam, u vyniku čaho jaje dziejańni paciahnuli parušeńnie pracy transpartu, jakoje vyjaviłasia ŭ spynieńni transpartu na terytoryi Minska». Suma škody «Minsktransu» skłała 5 839 rubloŭ 65 kapiejek.

Na sudzie žančyna vinu pryznała. Jana paćvierdziła, što vychodziła na prajeznuju častku darohi, u vyniku čaho błakavała šlach transpartnym srodkam. Akramia pryznalnych pakazańniaŭ Śviatłany, asnoŭnymi dokazami pa spravie stali videazapisy, na jakim zafiksavana žančyna, u tym liku na prajeznaj častcy, u momant jaje ŭdziełu ŭ akcyi pratestu.

Krynicaj videa ŭ pastanovie nazyvajecca «materyjał apieratyŭna-vyšukovych mierapryjemstvaŭ». U materyjałach kryminalnaj spravy majucca skrynšoty z hetaha videa. Taksama dokazami stali čorny zaplečnik i džynsy, u jakich žančyna zafiksavanaja na videazapisach u momant jaje ŭdziełu ŭ mitynhu.

Akaličnaściu, źmiakčajučaj adkaznaść, sud pryznaŭ najaŭnaść na ŭtrymańni małaletnich dziaciej.

U vyniku sudździa Volha Jemialjančanka pryznačyła Śviatłanie Kudryckaj dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»). Akramia hetaha, sud pastanaviŭ źniščyć dva bieł-čyrvona-biełyja ściahi, jakija zachoŭvalisia pry materyjałach spravy i, vierahodna, zabranyja pry pieratrusie ŭ žančyny.

Da suda Śviatłana była pad zakładam u sumie 12 000 rubloŭ.

Čytajcie taksama:

Palitviaźnia Anatola Łatušku pieraviali na turemny režym u Hrodnie

Za pratesty zatrymali žycharku Bresta, jakaja ŭžo adbyła pakarańnie za ŭdzieł u pratestach

Kolki dali pjanamu minčuku, jaki ŭdaryŭ «ružačkaj» vypadkovaha čałavieka? Heta ž nie palityka, tamu jaho pakinuli doma

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
2
0
Zafiksujem fakt /adkazać/
22.04.2024
Łukašysty źniščajuć biełaruskija nacyjanalnyja ściahi.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930