Znajści
Ałharytmičny łacinski varyjant
22.04.2024 / 16:539RusŁacBieł

Našto Abielskaja pajšła ŭ sienatary? Raspytali jaje infarmavanych kaleh

Surazmoŭcy ź minskich miedycynskich kołaŭ vysunuli nietryvijalnyja viersii ab pryčynach źjaŭleńnia Iryny Abielskaj u składzie Savieta Respubliki.

Iryna Abielskaja

Iryna Abielskaja, viadomaja jak mama Koli Łukašenki, sioleta sieła ŭ biežavaje kresła sienatara — pasady biez adkaznaści, ale sa statusam i z prastoraj dla naładžvańnia suviaziaŭ i vyrašeńnia pytańniaŭ. 

Navošta? Dla čaho? U minskich miedycynskich kołach skłalisia viersii na padstavie ŭłasnaha analizu. Pieradajem. 

«Situacyja takaja, što Abielskaja — faktyčna, paralelny ministr achovy zdaroŭja. Kali niešta nie atrymlivajecca vyrašyć ź ministram, iduć da jaje. I kali ź joj damoviŭsia, užo nichto nie ŭkaz. Ja kažu pra kamiercyjnyja rečy.

I chacia jana ciapier i nie ŭ zonie ryzyki, ale ŭ historyi ŭžo byli momanty apały, kali kreatura Abielskaj — eks-ministr Vasil Žarko straciŭ pasadu», — kaža adzin sa znakamitych dziejačaŭ miedycynskaj śfiery, jaki zblizku naziraje za dziejnaściu Abielskaj.

Status člena Savieta Respubliki nie daje absalutnaj harantyi biaśpieki, ale ŭskładniaje praceduru pryciahnieńnia da adkaznaści — zatrymać sienatara mohuć tolki z papiaredniaj zhody jaho kaleh. Vyklučeńnie — dla padazravanych u ździajśnieńni asabliva ciažkaha złačynstva.

Mierkavańnie inšaha infarmavanaha doktara pajšło ŭ inšy bok: 

«Ja dumaju, što ŭ bližejšaj budučyni Łukašenka budzie vyvodzić Abielskuju na niejkuju palityčna-administracyjnuju pazicyju.

Jon ciapier navierch ciahnie tolki samych łajalnych, a tut ich sam los razam źvioŭ. Jana ž jak maci razumieje, što ciapier los jaje syna zaležyć ad losu baćki. 

Ale pakul Abielskaja da palityčnaj roli i sama nie hatova, i narod jaje ŭsio ž viedaje słaba, kali nie ŭličvać aŭdytoryju pratesnych ŚMI i pacyjentaŭ lečkamisii. Dumaju, zadača — spracavać jaje z Kačanavaj. Prymilhajecca na publicy, natrenirujecca, a pad kaniec sienatarskaj kadencyi ci niedzie ŭ jaje siaredzinie možna dać joj adkaznuju pasadu», — skazaŭ inšy naš surazmoŭca.

Čytajcie taksama:

Dzied Koli Łukašenki byŭ palitviaźniem — atrymaŭ 25 hadoŭ HUŁAHa za dapamohu «banderaŭcam»

Stała viadoma, chto taja zahadkavaja brunietka ŭ čyrvonaj sukiency, jakaja supravadžała Abielskuju ŭ Zimbabve

Jakija rečy my znajšli ŭ harderobie Iryny Abielskaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
11
Ха-ха
6
Ого
5
Сумна
4
Абуральна
25
0
joker/adkazać/
22.04.2024
daviedka, vy tut prama game of thrones stvaryli:) Ci budzie Abielskaja Siersiejej Łanistar u hetaj historyi i ci zabje vusataha Barateona (jon praŭda bolš padobny da staroha Džofri)? Ci jość u Ajelskoj tajemny brat i ci padobien li na jaho Mikałaj? I samaje hałoŭnaje chto ž u hetaj historyi Džon Snoŭ i Dejnieris Tarharyjen?
0
Sky/adkazać/
22.04.2024
[Red. vydalena]
1
Bienderaviec/adkazać/
22.04.2024
Chto hetaja moščnaja starucha?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930