Znajści
Ałharytmičny łacinski varyjant
22.04.2024 / 21:023RusŁacBieł

Chto toj śmieły mužčyna, jaki płastmasavaj stojkaj spyniŭ masavaha zabojcu ŭ Sidnei? I voś jak jon dziejničaŭ

Nieadekvatnaha čałavieka z nažom, jaki zabiŭ šeść čałaviek u handlovym centry Sidneja, spyniŭ francuz Damjen Hiero. Aŭstralija, kab adździačyć jamu, nadała jamu hramadzianstva. Voś što viadoma pra Hiero i jak jon apisvaje situacyju.

Damjen Hiero. Skryn ź videa: YouTube

Jak paviedamlałasia, 13 krasavika nieviadomy mužčyna napaŭ z nažom na naviedvalnikaŭ handlovaha centra, raźmieščanaha niepadalok ad plaža Bondzi ŭ aŭstralijskim Sidnei. Paźniej źjavilisia kadry, jak nieviadomy mužčyna ź mietaličnaj płastykavaju stojkaju ŭ rukach pieraharadziŭ šlach złačyncu na eskałatary handlovaha centra.

Niekatoryja ŚMI paśpieli, nie biez prapahandysckich metaŭ, nazvać jaho ruskim ci ŭkraincam. Paźniej vyśvietliłasia, što hety śmieły čałaviek — francuz Damjen Hiero (Damien Guerot). Jak mužčyna raskazaŭ žurnalistam, u momant padziej jon razam z kaleham pa pracy i siabram Silas Despro (Silas Despreaux) kiravaŭsia ŭ spartzału, raźmieščanuju ŭ handlovym centry Westfield.

U niejki momant jany ŭbačyli złačyncu Džoeła Kaŭčy (Joel Cauchi), jaki bieh da ich, i vyrašyli pasprabavać jaho spynić. Hiero schapiŭ stojku aharodžy i zaharadziŭ Kaŭčy darohu. Toj sumieŭsia i zdaŭ nazad.

«U jaho byli pustyja vočy, adsutny pohlad», — skazaŭ francuz pra złačyncu. Damjen i Silas pasprabavali kinuć u zabojcu mietaličnuju tumbu, ale nie papali. Tady francuz schapiŭ kresła kinuŭsia za Kaŭčy na nižni pavierch. Tam złačyncu i zastreliła supracoŭnica palicyi.

Jak paviedamlałasia, u vyniku napadu zahinuła 6 čałaviek i 12 było paraniena. Paźniej stała viadoma, što napadnik byŭ psichična chvory.

Damjenu Hiero 31 hod. U Aŭstralii jon znachodziŭsia pa pracoŭnaj vizie, termin dziejańnia jakoj skančajecca ŭ lipieni.

Hieraičny ŭčynak mužčyny byŭ acenieny ŭładami Aŭstralii. U piatnicu, 19 krasavika, francuz paviedamiŭ, što ŭ vyklučnym paradku atrymaŭ hramadzianstva krainy.

«U mianie skančałasia viza, ja vielmi rady atrymać aŭstralijskaje hramadzianstva. Ale heta krychu dziŭnaje pačućcio, tamu što, niahledziačy ni na što, u mnohich ludziej hora. Tamu ščaścia nie adčuvaješ»,

— skazaŭ francuz padčas šou C l'hebdo na kanale France 5.

Čytajcie taksama:

Napad na handlovy centr u Sidnei. Šeść čałaviek zahinuli, sotni evakujavali

Zabojca, jaki zarezaŭ šeść čałaviek u handlovym centry Sidneja, śpiecyjalna abiraŭ žančyn

Aŭstralijca asudzili na 24 hady za zabojstva žonki, ździejśnienaje 40 hadoŭ tamu. A dapamoh u hetym padkast

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
89
Панылы сорам
0
Ха-ха
1
Ого
2
Сумна
7
Абуральна
4
4
Cim/adkazać/
22.04.2024
Škada, što mianie tam nie było. Za pašpart Aŭstralii ja taho złačynca zamiasiŭ by taburetkaj raniej, čym jaho zastrelili palicyjanty :)
0
žeŭžyk/adkazać/
22.04.2024
Voś vam i tak zvanyja "miakkaciełyja" dy "bajaźlivyja" jeŭrapiejcy, jakija nibyta pad upłyvam LGBT stracili zdolnaść baranić siabie ad mahčymaha napadu Rasiei.
0
Marsiel/adkazać/
24.04.2024
[Red. vydalena]
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930