Znajści
Ałharytmičny łacinski varyjant
15.04.2024 / 14:578RusŁacBieł

U hruzinskim parłamiencie padčas razhladu zakonaprajekta ab zamiežnych ahientach zdaryłasia žyvaja bojka VIDEA

Lidar apazicyjnaj partyi ŭdaryŭ vykanaŭčaha sakratara kirujučaj partyi «Hruzinskaja mara», kali toj prezientavaŭ dakumient.

Ranicaj kala parłamienta sabralisia niekalki sotniaŭ čałaviek. «Nie — ruskamu zakonu! Nie — «Ruskaj mary», — skandavali prysutnyja. Jany zapalili fajery. «Ruskaja mara» — heta pa anałohii z kiroŭnaj partyjaj «Hruzinskaja mara».

ŚMI paviedamlajuć, što ŭ dvarach budynkaŭ dziaržstruktur u rajonie praśpiekta Rustavieli mabilizavany śpiecznaz. U parłamiencie abvieščany žoŭty ŭzrovień niebiaśpieki.

Jašče adna akcyja čakajecca ŭ rajonie parłamienta a 19:00.

***

U pačatku krasavika kiroŭnaja partyja «Hruzinskaja mara» znoŭ uniesła na razhlad parłamienta zakonaprajekt «Ab prazrystaści zamiežnaha ŭpłyvu». Siońnia jurydyčny kamitet parłamienta pryniaŭ jaho da razhladu. Kali zakonaprajekt budzie padtrymany, to kiroŭnaja partyja vyniesie zakonaprajekt na plenarnyja pasiadžeńni.

Zakonaprajekt praduhledžvaje stvareńnie rejestra niaŭradavych arhanizacyj i ŚMI, jakija bolš jak na 20% finansujucca z-za miažy. Za adsutnaść infarmacyi ab «zamiežnym upłyvie» z adpaviednych arhanizacyj buduć spahaniać štrafy.

U kiroŭnaj partyi śćviardžajuć, što zakonaprajekt nakiravany vyklučna na ŭzmacnieńnie prazrystaści pracy NDA i ŚMI, jakija atrymlivajuć zamiežnaje finansavańnie. Pry hetym «Hruzinskaja mara» naŭprost abvinavačvaje jeŭrapiejskija i amierykanskija fondy ŭ «finansavańni radykalizmu i revalucyjnych nastrojaŭ» u Hruzii, a častka NDA, nie čakajučy pryniaćcia zakona, nazyvaje ekstremisckimi, paviedamlaje telekanał «Dožd́».

Hruzinskaja apazicyja miarkuje, što zakon buduć vykarystoŭvać dla padaŭleńnia apazicyi ŭ krainie — hetak ža, jak heta adbyłosia ŭ Rasii.

Pradstaŭniki Jeŭrasajuza zajavili, što pryniaćcie zakona moža pastavić pad pytańnie status Hruzii ŭ jakaści krainy — kandydata ŭ ES.

Hod tamu, na pačatku sakavika 2023 hoda, z-za hetaha zakona ŭ Tbilisi prajšli šmattysiačnyja mitynhi. Palicyja vykarystoŭvała vadamioty, dymavyja šaški i ślozaciečny haz dla razhonu pratestaŭ. Bolš za 130 čałaviek zatrymali.

U vyniku zakonaprajekt, prajšoŭšy tolki pieršaje čytańnie, byŭ tady adklikany «z-za roznahałośsiaŭ u hramadstvie».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
1
Ха-ха
7
Ого
0
Сумна
0
Абуральна
1
0
Davi maskoŭcaŭ/adkazać/
15.04.2024
Voch, smačna zaradziŭ!
0
Vład/adkazać/
16.04.2024
[Red. vydalena]
0
Vład/adkazać/
16.04.2024
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930