Znajści
Ałharytmičny łacinski varyjant
14.04.2024 / 18:4019RusŁacBieł

U Minsku pierastanuć sartavać śmiećcie pa asobnych bakach

Na dumku čynoŭnikaŭ, žychary stalicy nie spravilisia z sartavańniem, da jakoha ich aktyŭna zaklikali kamunalnyja słužby.

Kantejniery ŭ Minsku. Fota: Portał kommunalnoj hramotnosti

U Minskaj haradskoj žyllovaj haspadarcy prapanavali pierajści na dvuchkantejniernuju sistemu sartavańnia śmiećcia, admoviŭšysia ad paŭsiudnaj ustanoŭki kalarovych bakaŭ dla roznych vidaŭ adchodaŭ.

Inicyjatyva ŭžo atrymała papiaredniuju padtrymku profilnaha ministerstva. 

Jak rastłumačyli ahienctvu «Minsk-Naviny» ŭ Minskaj haradskoj žyllovaj haspadarcy (MHŽH), takaja dvuchkantejniernaja sistema była b zručniejšaj dla horada: adzin vid śmiećcievych bakaŭ prapanavali vykarystoŭvać dla zboru ŭsich vidaŭ bytavych adkidaŭ, druhi — vyklučna dla adsartavanaha druhasnaj syraviny.

Ciapier na bolšaści śmiećcievych placovak možna ŭbačyć try vidy bakaŭ dla druhasnaj syraviny: zialonaha — dla papiery, žoŭtaha — dla płastyka, siniaha — dla škła. Kali inicyjatyva MHŽH budzie adobrana ŭładami, ich usio zamieniać adnym ahulnym kantejnieram.

Pavodle słoŭ staličnych kamunalnikaŭ, ciapier takuju sistemu ahulnych kantejnieraŭ dla druhasnaj syraviny ŭ jakaści ekśpierymientu testujuć u asobnych rajonach Minska i ich śpiecyjalisty «vyvučajuć, jak reahujuć na novaŭviadzieńnie žychary».

Adyści ad asobnych kantejnieraŭ dla roznaha vidu śmiećcia vyrašyli praz toje, što ciapierašniaja schiema sartavańnia śmiećcia tak i nie zapracavała ŭ tym vyhladzie, u jakim jana była zapłanavanaja ŭ prahramnych dakumientach.

Na praktycy ŭ śpiecyjalnyja kantejniery dla druhasnaj syraviny niaredka vykidvajuć toje, što tudy traplać nie pavinna, z-za čaho źmieściva paśla zboru ŭsio roŭna davodzicca sartavać.

Mienavita praz heta źbirać śmiećcie asobna pa vidach druhasnaha materyjału ŭ MHŽH nie bačać sensu: dasyłać za kožnym kantejnieram asobny śmiećciavoz tam paličyli ekanamična niemetazhodnym i stali spustašać usie baki ŭ adnu mašynu, zvodziačy da nula namahańni śviadomych hramadzian.

U MHŽH zapeŭnili, što ŭsie druhasnyja materyjalnyja resursy, jakija haradžanie pakidajuć u śpiecyjalnych bakach, choć i vyvoziacca adnym śmiećciavozam, u vyniku traplajuć na sartavalnyja linii, dzie druhasnaja syravina ŭžo adbirajecca dla dalejšaj pierapracoŭki.

Čytajcie taksama:

Dla Minska pabudujuć novy śmiećciesartavalny zavod

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
20
Панылы сорам
68
Ха-ха
37
Ого
7
Сумна
24
Абуральна
29
2
Hraždanka/adkazać/
15.04.2024
Musorovoz,
my słučajem nie v odnom podjezdie proživajem? U nas v podjezdie tožie nassano mołokososami. Jeŝio i na knopki v liftie charkanut
0
Prapanova/adkazać/
15.04.2024
Juzier, mienavita tak! Ja prapanuju kab pačali prymać cełyja banki-butyłki, a nie stiekłoboj! Z-za taho, što prymajuć tolki stiekłoboj, to bamžy źbirajuć butelki i raźbivajuć ich na bietonnych lukach ci musarakach, kab atrymaŭsia stiekłoboj. U vyniku - paŭsiul na ziamli bitaje škło! Čamu nielha zdać cełyja banki, čamu ich nie vykarystoŭvajuć pradpryjemstvy paŭtorna?
0
Papraŭka/adkazać/
16.04.2024
Musorovoz, biełarusy nie sierać tam, dzie žyvuć. A oś vaš russkomirnyj brat - kolki zaŭhodna. Cełuju jeŭrapiejskuju krainu pieratvaryli na rasiejski śmietnik. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930