Znajści
Ałharytmičny łacinski varyjant
14.04.2024 / 10:081ŁacBieł

U Varšavie ŭručyli pieršuju biełaruskuju muzyčnuju premiju ŭ emihracyi

Pieršuju biełaruskuju muzyčnuju premiju ŭ emihracyi «Uwaga!» dali 13 krasavika ŭ varšaŭskim kłubie «Scena Chmielna», dzie sabrałasia paŭsotni biełarusaŭ, piša «Biełsat». Premiju vydali ŭ 11 naminacyjach.

Juryj Stylski, lidar hurta «Daj darohu!», vystupaje na pieršaj biełaruskaj muzyčnaj premii ŭ emihracyi «Uwaga!», jakaja prajšła ŭ varšaŭskim kłubie «Scena Chmielna». Varšava, Polšča, 13 krasavika 2024 hoda. Fota: «Biełsat»

«Pieśnia hoda» — «Emigrant Song» Leibonik-a (Siarhieja Bašłykieviča). Pieramožca nie zmoh asabista prysutničać na premii, ale vystupiŭ praź videasuviaź ź Niderłandaŭ. Naminavali taksama pieśniu «Ja viernuś domoj» hurta «Daj darohu!»

«Albom hoda» — albom «Tam» Leibonik-a. Naminavali taksama inšyja albomy ŭ samych roznych žanrach, ad «Muzyka śfier» rehi-hurta «Botanic Project» da «Ziamla pad čornymi kryłami: Kroŭ» błek-metał-hurta «Dymna Lotva».

«Hurt hoda» ŭ emihracyi — «Daj darohu!»

«Vykanaŭca hoda» — hałasy padzialili pa-roŭnamu Alaksandr Pamidoraŭ i Kietevan, dyk premiju dali abodvum.

Alaksandor Pamidoraŭ i Kateevan atrymlivajuć uznaharodu pieršaj biełaruskaj muzyčnaj premii ŭ emihracyi «Uwaga!», jakaja prajšła ŭ varšaŭskim kłubie «Scena Chmielna». Varšava, Polšča. 13 krasavika 2024 hoda. Fota: «Biełsat»

«Adkryćcio hoda» — «Kurwadziki». Naminavali taksama prajekt «Emihranty» hurta «Volski», prajekt «DSP» ad «Raźbitaha serca pacana», hurty «Nochy» i «Rodvaloth», Anastasiju Rydleŭskuju, Pan-a Savyan-a, a taksama tradycyjnyja kancerty-džem pa sieradach na «Scenie chmielnaj».

«Pieraadkryćcio hoda» ŭ emihracyi — Siarhiej Pukst (razam ź jaho alter-eha, Hieorhijem Dabro). Naminantaŭ było šmat: «Atesta», «N.R.M.», «:B:N:», «Irdorath», Alaksandr Pamidoraŭ.

«Pryz hladackich simpatyjaŭ» — «Naviband». Jany nie zmahli naviedać premiju asabista, zapisali da hledačoŭ videazvarot. Naminantaŭ tut nie było: usim achvočym pierad premijaj prapanavali nazvać luboha vykanaŭcu ŭ sacsietkach i praz onłajn-formu. Časta nazyvali taksama Śvietu Bień, hurty «Dzieciuki», «Sindrom samazvanca» i «Botanic Project».

«Padzieja hoda» ŭ emihracyi — fest «Varušniak».

«Dabračynnaść hoda» — marafon salidarnaści «Nam nie ŭsio adno», u jakim brali ŭdzieł u tym liku i biełaruskija muzyki. Zmahałasia ŭ naminacyi taksama pajezdka Pita Paŭłava z kancertami dla biełaruskich vajaroŭ va Ukrainie i «Dom tvorcaŭ» Sieržuka Doŭhušava.

«Kłub hoda» — varšaŭskaja «Scena Chmielna», dzie i ŭručali ŭznaharody. Kłub pieramoh inšyja placoŭki navat pry tym, što čalcoŭ žury, źviazanych z kłubam, pakinuli biez hołasu ŭ naminacyi.

«Arhanizatar hoda» — «Wild Beat Sound».

Z akustyčnymi prahramami vystupili Juryj Stylski (lidar hurta «Daj darohu!»), Aleś-Francišak Myškievič (lidar «The Superbullz») i hurt «Atesta». Pieśnia Stylskaha «Ekstremist» spantanna pierarasła ŭ śpieŭ «Mury» ŭsioj załaj. Na «afterparty» dla naviednikaŭ hraŭ Siarhiej Pukst.

Viadoŭcy premii — pradziusar i suzasnavalnik kłubu «Scena Chmielna» Vital Broŭka i radyjoviadoŭca, suarhanizatarka premii Maryna Savickaja. Taksama suarhanizataram premii vystupiŭ były dyrektar mienskaha paba «Hrafici» Alaksiej Ažohin.

Ažohin, Broŭka i Savickaja ŭvajšli ŭ skład žury. Taksama ŭ žury byli hałoŭny redaktar «Jeŭraradyjo» Pavieł Śviardłoŭ, pradziusar Pavieł Jurcevič, muzyčnyja žurnalisty Viačasłaŭ Radzivonaŭ i Alaksandr Čarnucha, arhanizatarka kancertaŭ Ines Siankievič.

Pakul atrymałasia premija najpierš dla biełaruskaj sceny ŭ Polščy i Varšavie ŭ pryvatnaści. Premija, kazaŭ «Biełsatu» Ažohin, jašče maleńkaja, jaje robiać dva čałavieki bieź inviestaraŭ i na hołym entuzijaźmie. Ale ŭ nastupnym hodzie, spadziajecca jon, pašyrycca i kamanda, i skład udzielnikaŭ, bo biełaruskija muzyki-emihranty ciapier žyvuć nie tolki ŭ Polščy i nie tolki ŭ Jeŭropie.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
3
Ха-ха
3
Ого
1
Сумна
0
Абуральна
0
6
Radyjohladač /adkazać/
14.04.2024
Pieśnia hoda» — «Emigrant Song» Leibonik-a (Siarhieja Bašłykieviča). «Albom hoda» — albom «Tam» Leibonik-a. Krynžovaje, niaŭciamnaje barmatańnie baradataha dryšča typu rep. Žeść. Nievierahodny vybar žury... Horš moža być tolki toje, što słava kamisarenka sa svajoj haŭnatvorčaściu dahetul nia zdoch u prydarožnaj kanavie z hoładu, a abjaŭlaje čarhovy tur pa Polščy, kab nie naprahajučysia nastryhčy babła na (nievierahodnych dehienieratach) prahresiŭnych-rełakantach-lubicielach stendapu.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930