Znajści
Ałharytmičny łacinski varyjant
13.04.2024 / 23:0330RusŁacBieł

Iran pačaŭ ataku na Izrail

Dziasiatki iranskich dronaŭ vylecieli ŭ kirunku Izraila, paviedamlaje Axios. Jany majuć dalacieć da Izraila za niekalki hadzin (pa papiaredniaj acency 6-9 hadzin).

Aficyjny pradstaŭnik CACHAŁ Daniel Chahary paćvierdziŭ infarmacyju pra iranskija drony. Iran aficyjna abviaściŭ ab pačatku pavietranaj ataki pa celach na terytoryi Izraila. Heta ličać adkazam na zabojstva vysokapastaŭlenych aficeraŭ Korpusa vartavych Isłamskaj revalucyi ŭ vyniku izrailskaj ataki na konsulstva Irana ŭ Damasku 1 krasavika.

Paviedamlajecca, što «Bort Sudnaha dnia» — samalot, prystasavany dla kiravańnia armijaj Izraila — taksama padniaŭsia ŭ pavietra.

Niezadoŭha da hetaha premjer Izraila Bińjamin Nietańjachu zapisaŭ terminovy zvarot da hramadzian: Izrail hatovy da pramoha napadu z boku Irana i adkaža na hetuju ataku. 

Skryn videazvarotu Nietańjachu

«Hramadzianie Izraila! U apošnija hady, a tym bolš u apošnija tydni, Izrail rychtujecca da mahčymaści pramoha napadu z boku Irana.

Našy sistemy abarony razhornutyja, my hatovyja da luboha scenaru, jak u abaronie, tak i ŭ napadzie. Dziaržava Izrail mocnaja, Armija abarony Izraila mocnaja, hramadskaść mocnaja.

My cenim padtrymku ZŠA, a taksama padtrymku Vialikabrytanii, Francyi i mnohich inšych krain.

Ja vyznačyŭ vyrazny pryncyp — chto nam pryčyniaje bol, tamu my pryčyniajem bol. My abaronim siabie ad luboj pahrozy i zrobim heta strymana i rašuča».

Dva samaloty El Al, jakija vylecieli z Tajłanda ŭ Tel-Aviŭ, raźviarnulisia, i viartajucca ŭ azijackuju krainu.

Iranskija ŚMI śćviardžajuć, što chakierskaj kibieratakaj adklučanaja izrailskaja sistema supraćrakietnaj abarony «Žalezny kupał».

Tel-Aviŭ pakul nie prakamientavaŭ hetaj infarmacyi — jakaja moža być i dezynfarmacyjaj.

Čakajecca, što ŭ momant padlotu da Izraila iranskich dronaŭ, pačniecca taksama ataka Irana balistyčnymi i kryłatymi rakietami. U svaju čarhu, jana moža vyklikać udar Izraila pa Iranie ŭ adkaz, u tym liku pa jadziernych abjektach piersidskaj dziaržavy.

Pres-sakratar armii Izraila zajaviŭ, što sireny pavietranaj tryvohi spracujuć u momant padlotu dronaŭ.

Izrailskija ŚMI paviedamlajuć, što amierykancy pabačyli start dronaŭ pieršymi i adrazu papiaredzili svaich izrailskich sajuźnikaŭ.

Uśled za dronami Iran zapuściŭ pa Izrailu kryłatyja rakiety. Jak paviedamlaje Ynet, rakiety mohuć dasiahnuć terytoryi Izraila na praciahu prykładna dźviuch hadzin. 12-y kanał izrailskaha telebačańnia paviedamlaje, što drony buduć źbivać užo nad Iardanijaj i Siryjaj, na dalokich podstupach da Izraila, z dapamohaj sajuźnikaŭ.

Paśla zapusku treciaj chvali dronaŭ užo bolš za 100 abjektaŭ kirujucca da Izraila, paviedamlajuć izrailskija ŚMI.

Vajenny kabiniet Izraila sabraŭsia na vajskovaj bazie Kiryjat kala Tel-Aviva, paviedamlajuć izrailskija ŚMI. Pobač z premjeram Bińjaminam Nietańjachu siadziać asnoŭnyja ministry i kiraŭniki armii.

Fota: timesofisrael.com

Premjer-ministr Vialikabrytanii Ryšy Sunak nazvaŭ napad Irana na Izrail biazdumnym. Jon padkreśliŭ, što Vialikabrytanija praciahnie adstojvać biaśpieku Izraila i svaich rehijanalnych partnioraŭ.

IRNA paviedamlaje, što Iran zapuściŭ pieršuju chvalu balistyčnych rakiet u bok Izraila.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
13
Панылы сорам
5
Ха-ха
3
Ого
6
Сумна
17
Абуральна
50
0
Vam kajuk/adkazać/
14.04.2024
Vład, ciažkavata budzie, stojačy na kaleniach
1
N.n. suprać našaje movy /adkazać/
14.04.2024
Tutaka, dzie baroniać maskoŭskuju biełaruščynu, vydalajuć kamienty sam słovam "žyd". Niepiśmiennyja biedarussy nie viedajuć, što hetaje naturalnaje našaje słova. Niepaŭnavartasnyja jak jość.
4
Anatol Starkou/adkazać/
14.04.2024
N.n. suprać našaje movy , eto nie tvoje słovo, čiełoviek biez roda bieź plemieni, a polskoje. Zarubi siebie eto na nosu
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930