Znajści
Ałharytmičny łacinski varyjant
13.04.2024 / 22:3813ŁacBieł

Škvał atak ukrainskich bieśpiłotnikaŭ na rasijskija NPZ ryzykuje parušyć pracu suśvietnych rynkaŭ naftapraduktaŭ

Zhodna sa štomiesiačnaj spravazdačaj Mižnarodnaha enierhietyčnaha ahienctva, spynieńnie paškodžanych naftapierapracoŭčych zavodaŭ abo ŭstanovak na ramont na termin ad čatyroch da vaśmi tydniaŭ «moža aznačać značnyja straty» rasijskaha ekspartu naftapraduktaŭ.

Fota: Anton Petrus / Getty Images

Jak adznačaje vydańnie Bloomberg sa spasyłkaj na spravazdaču Mižnarodnaha enierhietyčnaha ahienctva (MEA) u Rasii ŭ hetym kvartale ŭ vyniku atak ukrainskich bieśpiłotnikaŭ na naftapierapracoŭčyja zavody i ŭstanoŭki mohuć być adklučany mahutnaści na pierapracoŭku ad 500 tysiač da 600 tysiač barelaŭ u dzień.

Spynieńnie na ramont pradpryjemstvaŭ na termin ad čatyroch da vaśmi tydniaŭ, jak adznačajecca ŭ spravazdačy MEA, «moža aznačać značnyja straty», bo mižnarodnyja rynki «zaležać ad rasijskaha ekspartu dyzielnaha paliva, lihrainu i avijacyjnaha paliva, a naftapierapracoŭčyja sistemy ŭ Azii pahłynajuć značnyja abjomy pramoj i krekinh-rešty, kab pavialičyć kolkaść syraviny dla ŭstanovak pa pierapracoŭcy».

Jak adznačaje MEA, aficyjnyja štotydniovyja danyja pa abjomie vytvorčaści na rasijskich NPZ za kaniec sakavika śviedčać, što abjom pierapracoŭki nafty skłaŭ ad 5 da 5,2 miljona barelaŭ u dzień, a ŭ pieršyja dni krasavika — 5,25 miljona, što značna nižej za pakazčyk u 5,78 miljona barelaŭ, jakija byli pierapracavanyja ŭ toj ža pieryjad minułaha hoda, ale značna vyšej za prahnoz MEA na hety kvartał u 4,6 miljona barelaŭ.

Vydańnie źviartaje ŭvahu, što niekatoryja pradpryjemstvy Rasii adnosna chutka adramantavali paškodžanaje abstalavańnie. Pa-raniejšamu nie pracuje tolki Tuapsinski NPZ, što patrapiŭ pad ataku ŭ kancy studzienia. Ale niezrazumieła, ci źviazana heta z udaram bieśpiłotnika abo ź pieršapačatkovym płanavym ramontam. Chutčej za ŭsio, adznačaje MEA, jon adnović pracu ŭ siaredzinie maja.

Kab źmiakčyć nastupstvy napadaŭ dronaŭ napiaredadni siezonnaha rostu popytu, rasijskija naftapierapracoŭčyja zavody taksama zadziejničali reziervovyja ŭstanoŭki pa pierapracoŭcy nafty abo tyja, jakija niedastatkova vykarystoŭvajucca.

Pavodle acenak MEA, zdabyča nafty ŭ Rasii ŭ druhim kvartale składzie ŭ siarednim kala 9,1 miljona barelaŭ u dzień, što na 300 tysiač barelaŭ u dzień mienš, čym u papiarednija try miesiacy.

Čytajcie taksama:

Rasiejskaja naftapierapracoŭka padaje praz ataki bieśpiłotnikaŭ. Ukraincy nacelilisia na samuju dachodnuju halinu RF

Rasija z-za sankcyj nie spraŭlajecca ramantavać NPZ, paškodžanyja Ukrainaj

«Rasija — heta bienzakałonka z armijaj. I my majem namier źniščyć hetuju bienzakałonku»

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
32
Панылы сорам
12
Ха-ха
3
Ого
4
Сумна
6
Абуральна
26
1
Sierhiej/adkazać/
14.04.2024
To jesť čieho chotiat SŠA ot Ukrainy? Faktičieski oni otkryto hovoriat: - vy umirajtie pod rośsijskimi bombami no ich NPZ nie trohajtie, potomu čto u nas bienzin podorožajet. Eto cinično i mierzko. Sčitaju, čo Ukraina v otviet dołžna usiliť udary po NPZ ahriessora.
1
Zajebiście/adkazać/
14.04.2024
Ukraincaŭ navat stalin nie zmoh pieramahčy. Alaksandr Ryhoravič skazaŭ praŭdu: "Źniasuć hałavu lubomu".
2
Woodoo Cult/adkazać/
14.04.2024
Sierhiej, imienno tak. Pisał užie tut kak-to. Ciena na bienzin dla nasielenija v Omierikie, da jeŝio v priedvybornyj hod eto samoje hłavnoje. Omierika pomohajet tolko poka jej eto vyhodno. Na Ukrainu vsiem nas.ať.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930