Znajści
Ałharytmičny łacinski varyjant
12.04.2024 / 09:4412RusŁacBieł

Siońnia spaŭniajecca roŭna 10 hadoŭ pačatku vajny na Danbasie

12 krasavika 2014 hoda ŭzbrojeny atrad pad kamandavańniem eks-pałkoŭnika FSB Hirkina-Strałkova zachapiŭ Słaviansk. Praz dva dni, 14 krasavika, vykanaŭca abaviazkaŭ prezidenta Ukrainy Alaksandr Turčynaŭ abjaviŭ pra pačatak antyterarystyčnaj apieracyi (ATA).

Ukrainskija vajskoŭcy ŭ 2014 hodzie. Fota: segodnya.ua

Hetamu papiaredničała anieksija Kryma, padziei tak zvanaj «ruskaj viasny» na paŭdniovym uschodzie Ukrainy, stvareńnie ŭ Daniecku 7 krasavika «DNR». Adnak nivodnaja z hetych padziej nie supravadžałasia bajavymi dziejańniami, chacia zbroja ŭ chod užo puskałasia. Realnyja bai pačalisia mienavita sa Słavianska, kali tudy pryjšoŭ Hirkin, piša «Politika strany».

Jak uspaminali zatym udzielniki padziej, hety rejd byŭ uzajemaźviazany z abviaščeńniem «DNR», źjaŭlajučysia častkaj ahulnaha płana arhanizacyi «paŭstańnia» na ŭschodzie Ukrainy (praces hety tady kuryravaŭ rasijski «pravasłaŭny aliharch» Kanstancin Małafiejeŭ).

Vajna na Danbasie stała svajho rodu repietycyjaj sioletniaj Vialikaj vajny. Pryčym, što charakterna, pajšli padziei amal pa adnym i tym ža scenary.

I ŭ tym, i ŭ inšym vypadku rasijanie pačali dziejničać avanturna, nie raźličyŭšy ni ŭłasnyja siły, ni siłu supracivu Ukrainy.

Adnak na pieršym etapie, za košt efiektu niečakanaści, im spadarožničaŭ pośpiech. U krasaviku-mai 2014 hoda «ŁDNR» zmahli ŭstalavać kantrol nad najbujniejšymi haradami Danbasa. Taksama jak i ŭ pačatku ŭvarvańnia ŭ 2022 hodzie rasijanie zmahli zachapić značnyja terytoryi.

Ale ŭžo ŭ mai 2014 hoda supraciŭ ukrainskich vojskaŭ uzmacniŭsia i stała jasna, što naśpiavaje paŭnavartasnaja vajna, u jakoj sieparatysckija farmavańni nie zmahli b adužać USU, a ŭ Kramli naprosta ŭmiešvacca siłami rasijskaha vojska hatovyja nie byli (kali b suprać RF tady byli b uviedzienyja tyja ž sankcyi, što i zaraz, to rasijskaja ekanomika była b źniščana).

I ŭ červieni 2014 hoda było zaklučanaje pieramirje, Parašenka ŭpieršyniu sustreŭsia z Pucinym u «Narmandskim farmacie», pačalisia pieramovy ab niejkaj formie aŭtanomii dla Danbasa. Tady abmiarkoŭvalisia pahadnieńni nakštałt paźniej zaklučanych mienskich. Adnak Parašenka, paśla niekatorych vahańniaŭ, vyrašyŭ pajści inšym šlacham — nie zhadžacca na kampramisy, a pačać z 1 lipienia maštabnaje nastupleńnie z metaj poŭnaha razhromu «ŁDNR». ZŠA rašeńnie padtrymali.

U lipieni 2014 hoda USU dabilisia pośpiechaŭ. Byli vyzvaleny značnyja terytoryi. Adnak hetym razam užo prezident Piatro Parašenka niedaacaniŭ siłu supracivu supiernika. A hałoŭnaje — hatoŭnaść RF niachaj abmiežavana, ale ŭmiašacca ŭ vajnu.

Pa vyniku, užo da 10-ch dzion žniŭnia ŭkrainski nastup, akramia niekatorych učastkaŭ, byŭ spynieny, VSU paciarpieli paražeńnie ŭ pryhraničnaj bitvie («Izvarynski kacioł»), a potym, paśla ŭvodu «abmiežavanaha kantynhientu» rasijskich vojskaŭ, zdaryŭsia Iłavajski kacioł.

Paśla hetaha Parašenka pahadziŭsia padpisać Minskija pahadnieńni.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
0
Ха-ха
1
Ого
0
Сумна
15
Абуральна
10
3
aa/adkazać/
12.04.2024
FF, aa moža vajna Ukrainy z Rasiejaj ?
tut pa chodu abajudahostraje
4
Valadzimir/adkazać/
12.04.2024
Pačatak usim nastupnym padziejam byŭ pakładzieny ŭzbrojnym dziaržaŭnym "majdanaŭskim" pieravarotam u Kijevie, padtrymanym Zachadam, suprać jakoha vystupili žychary Krymu i Danbasu.
0
Rečaisnaść/adkazać/
12.04.2024
Valadzimir, žychary Krymu i Danbasu vystupali suprać zachopnikaŭ z Rasii, vychodzili na mirnyja mitynhi i ich za heta zabivali.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930