Znajści
Ałharytmičny łacinski varyjant
07.04.2024 / 17:3227RusŁacBieł

Jak Tramp źbirajecca spynić vajnu Rasii va Ukrainie?

Były prezident Donald Tramp u pryvatnym paradku zajaviŭ, što moh by pakłaści kaniec vajnie Rasii va Ukrainie, akazaŭšy cisk na Ukrainu, kab jana admoviłasia ad častki terytoryi, paviedamlaje The Washington Post sa spasyłkaj na krynicy.

Donald Tramp. Fota: AP Photo / Manuel Balce Ceneta

Niekatoryja ekśpierty ŭ zamiežnaj palitycy zajavili, što ideja Trampa ŭznaharodzić Uładzimira Pucina i apraŭdaje parušeńnie mižnarodna pryznanych miežaŭ z užyvańniem siły.

U pryvatnym paradku Tramp skazaŭ, što, na jahonuju dumku, i Rasija, i Ukraina «chočuć zachavać tvar, jany chočuć znajści vychad», i što ludzi ŭ niekatorych častkach Ukrainy byli b nie suprać stać častkaj Rasii, pryvodzić vydańnie słovy čałavieka, jaki abmiarkoŭvaŭ hetaje pytańnie niepasredna z Trampam.

Pryznańnie kantrolu Rasii nad častkami Ukrainy pašyryła b śfieru ŭpłyvu pucinskaj dyktatury. Niekatoryja z prychilnikaŭ Trampa sprabavali pierakanać jaho nie prymać taki zychod.

Pieradvybarčy štab Trampa admoviŭsia heta kamientavać. «Lubyja zdahadki ab płanie prezidenta Trampa zychodziać ad nienazvanych i niedaśviedčanych krynic, jakija paniaćcia nie majuć, što adbyvajecca ci što adbudziecca», — havorycca ŭ zajavie pres-sakratara pieradvybarčaha štaba Karalin Livit. «Prezident Tramp — adziny, chto kaža pra spynieńnie zabojstvaŭ».

U svaich publičnych abiacańniach pakłaści kaniec vajnie Tramp zmaŭčaŭ pra toje, jak jon budzie vieści pieramovy z Pucinym i Zialenskim. «Ja skažu kožnamu ź ich peŭnyja rečy, jakija ja b nie skazaŭ astatniamu śvietu, i mienavita tamu ja nie mahu skazać vam bolš», — kazaŭ Tramp u intervju ŭ sakaviku.

Jaho publičnaje maŭčańnie ab svajoj taktycy viadzieńnia pieramovaŭ pakinuła inšym mahčymaść zapoŭnić prabieły. Premjer-ministr Vienhryi Viktar Orban sustreŭsia z Trampam u minułym miesiacy i paśla hetaha zajaviŭ, što Tramp skazaŭ jamu, što prymusić vajnu skončycca, bo «jon nie daść ni pieni», kab dapamahčy Ukrainie. Heta zajava była iłžyvaj.

«Ludzi Trampa ličać, što adnym z najvialikšych hrachoŭ vajny va Ukrainie i palityki ŭ dačynieńni da Rasii źjaŭlajecca imknieńnie padšturchnuć Rasiju da Kitaja i zrabić jaje jašče bolš zaležnaj ad Kitaja», — skazaŭ Džeremi Šapira, kiraŭnik Vašynhtonskaha ofisa Jeŭrapiejskaha savieta pa mižnarodnych adnosinach. 

Fijona Chił, staršy navukovy supracoŭnik Instytuta Brukinhsa, jakaja była hałoŭnym daradcam Trampa ŭ Rasii, kaža, što kamanda Trampa dumaje pra vajnu Rasii va Ukrainie jak pra terytaryjalnuju sprečku, a nie jak pra sprečku, jakaja tyčycca budučyni jeŭrapiejskaj biaśpieki i suśvietnaha paradku ŭ cełym.

Ukraina i jeŭrapiejskija chaŭruśniki, imavierna, zapraciviacca sprobam Trampa skłaści ŭhodu z Maskvoj, skazała Chił. Pavodle jaje słoŭ, jeŭrapiejcy nastolki raźvili svaju vajennuju pramysłovaść, što spadziajucca zamianić značnuju častku ciapierašniaj amierykanskaj dapamohi Kijevu. 

Čytajcie taksama:

Terytoryi ŭ abmien na biaśpieku — mahčymy scenar spynieńnia vajny

Bajden druhi raz nazvaŭ Pucina «miaśnikom» i zaklikaŭ dapamahčy Ukrainie

Prezident Bajden — Pucinu i Trampu: My nie kiniem sajuźnikaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
5
Ха-ха
5
Ого
4
Сумна
6
Абуральна
48
2
Spadar/adkazać/
08.04.2024
Januš, nie razumieju,što  namahausia kazać ----ty  vyvučy choć svaju rasiejskuju movu....Spačuvaju takim nieadukavanym "piśmieńnikam"";))))
7
Januš/adkazać/
08.04.2024
Spadar, smotriu ty na movie očień chorošo hovoriš … priam fiłołoh biełaruskoho jazyka
0
Krakien/adkazać/
08.04.2024
Januš, začiem ty pierieskazyvaješ rasistskije z kanały? Ili u tiebia tielek vmiesto hołovy?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930